ꤗꤟꤌꤣ
ꤚꤢ꤭ : ꤋꤢꤨ꤭-ꤖꤚꤟꤢꤩ꤬ ꤚꤢꤧ꤬
ꤤ꤬ꤚꤥ꤭ : ꤋꤢꤨ꤭-ꤊꤢꤩꤕꤥ ꤚꤢꤧ꤬
꤁꤯꤯ ꤔꤟꤢꤩ꤬ꤓꤛꤢ꤬ꤙꤢꤧ꤬ ꤗꤟꤌꤣꤢ꤬ꤋꤢꤧ꤭ ꤒꤢ꤬ꤔꤟꤢꤩ꤬ꤓꤛꤢ꤬ ꤘꤣ ꤠꤢ꤭ꤕꤢ꤬ꤡꤟꤢꤧꤋꤢꤧ꤭
ꤔꤟꤢꤧ꤬ꤗꤛꤢꤋꤝꤢꤧ꤬ ꤗꤛꤢꤚꤛꤢꤠꤢ꤭ ꤔꤟꤢꤧ꤬ꤋꤢ꤬ꤡꤛꤢꤩ꤭ ꤘꤢꤦ꤬ ꤠꤢ꤭ꤢ꤬ꤑꤢꤩ꤭
ꤕꤝꤟꤥ꤭ꤒꤢ꤬ꤑꤢꤩ꤭ ꤕꤝꤟꤥ꤭ꤒꤢ꤬ꤞꤢꤧ꤭ ꤔꤟꤢꤧ꤬ꤗꤛꤢꤕꤟꤢꤨ꤭ ꤘꤣ ꤠꤢ꤭ꤢ꤬ꤑꤢꤩ꤭
ꤔꤟꤢꤧ꤬ꤋꤢ꤬ꤏꤥ꤭ꤚꤛꤢ꤬ ꤠꤢ꤭ꤑꤢꤩ꤭ ꤔꤟꤢꤧ꤬ꤞꤢꤨ꤭ꤡꤛꤣ ꤠꤢ꤭ꤊꤜꤛꤢ ꤘꤣ ꤢ꤬ꤚꤛꤢ
ꤤ꤬ꤚꤤ꤭ꤋꤛꤢꤩ꤭꤮ ꤗꤟꤌꤣꤒꤟꤢꤧ꤬ꤙꤝꤤ ꤢ꤬ꤘꤢꤨ꤬ꤘꤢꤦ꤬ꤜꤢ꤭ ꤒꤟꤢꤧ꤬ꤖꤛꤢꤩ ꤊꤢ꤬ꤋꤛꤢꤩ꤭ꤙꤢꤧꤒꤥ꤬
ꤒꤟꤌꤣꤘꤣ ꤒꤟꤢꤧ꤬ꤕꤟꤢꤩ꤭ꤢ꤬ꤋꤢꤧ꤭ ꤠꤢ꤭ꤏꤥ꤭ꤒꤢ꤬ꤕꤢ꤬ꤕꤟꤢꤩ ꤗꤟꤌꤣꤙꤝꤤꤒꤥ꤬
ꤕꤝꤟꤥ꤭ꤒꤢ꤬ꤑꤢꤩ꤭ ꤗꤟꤌꤣꤒꤣ꤬ꤕꤚꤟꤢꤧ꤬ ꤢ꤬ꤘꤛꤢꤩꤢꤩ꤬ ꤥ꤭ꤊꤟꤌꤣ꤭ꤠꤢ꤭
ꤗꤟꤌꤣꤒꤟꤢꤧ꤬ꤙꤝꤤ ꤢ꤬ꤘꤢꤨ꤬ꤘꤢꤦ꤬ꤜꤢ꤭
꤂꤯꤯ ꤠꤢ꤭ꤥ꤬ꤐꤛꤢꤩ꤬ ꤗꤟꤌꤣꤢ꤬ꤋꤢꤧ꤭ ꤒꤢ꤬ꤔꤟꤢꤩ꤬ꤓꤛꤢ꤬ꤙꤢꤧ꤬ ꤘꤣ ꤗꤟꤥ꤬ꤘꤛꤢꤩ
ꤠꤢ꤭ꤗꤟꤥ꤬ ꤜꤣꤗꤢ꤬ ꤠꤢ꤭ꤗꤟꤌꤣ ꤠꤢ꤭ꤥ꤬ꤐꤛꤢꤩ꤬ꤊꤛꤢ꤭ ꤔꤢ ꤠꤢ꤭ꤗꤟꤌꤣ
ꤗꤢ꤬ꤔꤢ ꤚꤢꤪ ꤒꤢ꤬ꤑꤢꤩ꤭ꤕꤢ꤬ ꤠꤢ꤭ꤊꤢ꤬ꤒꤟꤌꤣ ꤞꤛꤢꤘꤢꤦ꤬ꤕꤟꤢ꤭
ꤠꤢ꤭ꤥ꤬ꤜꤟꤛꤢ꤬ ꤢ꤬ꤋꤢ꤭ꤜꤟꤢꤩ ꤠꤢ꤭ꤗꤟꤥ꤬ ꤜꤣꤗꤢ꤬ ꤠꤢ꤭ꤗꤟꤌꤣ
ꤗꤢ꤬ꤔꤢ ꤚꤢꤪ ꤒꤢ꤬ꤑꤢꤩ꤭ꤕꤢ꤬ ꤠꤢ꤭ꤊꤢ꤬ꤒꤟꤌꤣ ꤞꤛꤢꤘꤢꤦ꤬ꤕꤟꤢ꤭
ꤠꤢ꤭ꤥ꤬ꤜꤟꤛꤢ꤬ ꤢ꤬ꤋꤢ꤭ꤜꤟꤢꤩ ꤠꤢ꤭ꤗꤟꤥ꤬ ꤜꤣꤗꤢ꤬ ꤠꤢ꤭ꤗꤟꤌꤣ
No comments:
Post a Comment