❇︎ ꤞꤎꤢꤪꤕꤜꤢꤩ꤬ꤟꤛꤢ꤭ ❇︎
꤁꤯꤯ ꤗꤢꤪ꤬- ꤒꤟꤢꤧ꤬ꤏꤛꤣꤒꤟꤢꤧ꤬ꤋꤢꤧ꤭ꤋꤥ꤭ꤑꤟꤢ ꤍꤟꤢꤨ꤬ꤕꤚꤟꤤ꤬ꤘꤢꤨ꤬ ꤜꤣꤕꤟꤢꤧ꤬ꤑꤢꤩ꤭
ꤕꤟꤢꤧ꤬ꤒꤟꤢꤧ꤬ꤞꤤꤒꤟꤢꤧ꤬ꤖꤢꤧ ꤚꤛꤢꤘꤢꤦ꤬ꤘꤣꤕꤟꤢꤧ꤬ꤑꤢꤩ꤭
ꤋꤢꤨ꤭- ꤠꤢ꤭ꤔꤢꤔꤟꤢꤧ꤬ꤕꤝꤟꤥꤕꤚꤟꤢꤧ꤬ ꤖꤛꤢꤩꤔꤟꤤꤒꤟꤢꤧ꤬ꤏꤛꤣꤒꤟꤢꤧ꤬ꤋꤢꤧ꤭
ꤚꤢꤪ ꤕꤟꤢꤧ꤬ꤊꤟꤢꤦꤛꤢꤡꤢꤦ ꤗꤟꤢꤩ꤬ꤞꤛꤥꤒꤟꤢꤧ꤬
ꤗꤢꤪ꤬- ꤗꤟꤢ꤬ꤔꤟꤢꤧ꤬ꤞꤢꤧꤑꤢꤩ꤭ꤔꤟꤤꤟꤟꤢꤧ꤭? ꤕꤟꤢꤧ꤬ꤒꤟꤢꤧ꤬ꤛꤢꤡꤢꤦꤒꤢ꤬ꤟꤢꤩ꤬
ꤕꤢ꤬ꤞꤤꤜꤣꤢꤨ꤭ꤊꤜꤢꤧ꤭ ꤗꤟꤢꤩ꤬ꤒꤟꤢꤧ꤬ꤡꤛꤢꤘꤢꤦ꤬ꤒꤥ꤬
ꤋꤢꤨ꤭- ꤠꤢ꤭ꤔꤢꤔꤟꤢꤧ꤬ꤕꤝꤟꤥꤕꤚꤟꤢꤧ꤬ ꤛꤢꤡꤢꤦꤛꤢꤚꤢꤩ꤬ꤚꤟꤥꤜꤢꤨ꤭
ꤕꤟꤢꤧ꤬ꤗꤛꤢꤩ꤭ꤡꤣ꤬ ꤊꤤ꤬ꤥ꤬ꤜꤟꤌꤣ꤭ꤓꤛꤢ꤬
ꤤ꤬ꤚꤥ꤭ꤋꤛꤢꤩ꤭- ꤞꤎꤢꤪꤕꤜꤢꤩ꤬ꤟꤛꤢ꤭ ❨ ꤞꤎꤢꤪꤟꤛꤢ꤭ ꤔꤢ ꤞꤎꤢꤪ꤬ꤊꤜꤛꤢꤩ꤭ ❩ ꤘꤣ ꤓꤛꤢꤩ꤭ꤐꤟꤢ꤭ꤢ꤬ꤊꤢꤨ꤭
ꤙꤤꤒꤟꤢꤧ꤬ ꤡꤟꤛꤢꤥ꤬ꤔꤢꤔꤟꤢꤧ꤬ ❨ ꤒꤟꤢꤧ꤬ꤞꤢꤧꤏꤢꤧ꤭ ꤥ꤬ꤔꤢꤒꤥ꤬ ❩
ꤕꤝꤟꤥꤒꤣ꤬ꤑꤢꤩ꤭ ꤔꤢ ꤕꤝꤟꤥ꤭ꤒꤣ꤬ꤞꤢꤧ꤭‚ ꤒꤢ꤬ꤔꤟꤢꤩ꤬ꤓꤛꤢ꤬ꤙꤢꤧ꤬ꤘꤢꤦ꤬ ꤙꤛꤢ꤬ꤡꤢꤧ꤬ꤋꤚꤤ
ꤕꤝꤟꤥꤒꤣ꤬ꤑꤢꤩ꤭ ꤔꤢ ꤕꤝꤟꤥ꤭ꤒꤣ꤬ꤞꤢꤧ꤭‚ ꤒꤢ꤬ꤔꤟꤢꤩ꤬ꤓꤛꤢ꤬ꤙꤢꤧ꤬ꤘꤢꤦ꤬ ꤙꤛꤢ꤬ꤡꤢꤧ꤬ꤋꤚꤤ
ꤚꤢꤪ ꤕꤟꤢꤧ꤬ꤊꤟꤢꤦꤗꤟꤢ ꤕꤚꤟꤢꤧ꤬ꤘꤣ ꤗꤟꤢꤩ꤬ꤕꤟꤢꤩ꤭ꤒꤟꤢꤧ꤬
꤂꤯꤯ ꤗꤢꤪ꤬- ꤘꤣꤜꤢ꤬ꤗꤤ꤬ꤏꤥ꤬ꤢ꤬ꤊꤜꤢꤧ꤭ ꤕꤟꤢꤧ꤬ꤗꤛꤢꤩ꤭ꤡꤣ꤬ ꤞꤤ꤭ꤒꤢ꤬ꤟꤢꤩ꤬
ꤥ꤬ꤕꤟꤢꤪꤗꤛꤢꤏꤢꤦ꤬ꤘꤢꤦ꤬ ꤕꤚꤟꤢꤧ꤬ꤘꤣ ꤘꤛꤢꤩꤜꤟꤛꤢ꤬ꤞꤢꤧ
ꤋꤢꤨ꤭- ꤠꤢ꤭ꤔꤢꤔꤟꤢꤧ꤬ꤕꤝꤟꤥꤕꤚꤟꤢꤧ꤬ ꤗꤢ꤬ꤘꤢꤦ꤬ ꤕꤟꤢꤧ꤬ꤒꤟꤢꤧ꤬ꤘꤛꤢ꤬ꤋꤢꤨ꤬
ꤗꤢꤪ꤬ꤕꤟꤢꤧ꤬ꤥ꤬ ꤔꤢ ꤒꤟꤢꤧ꤬ꤗꤛꤢꤏꤢꤦ꤭
ꤗꤢꤪ꤬- ꤕꤟꤌꤣꤠꤟꤛꤢꤗꤟꤌꤣꤖꤢꤧ꤭ꤜꤟꤢꤪ꤭ꤕꤜꤤ꤭ ꤞꤢꤧꤑꤢꤩ꤭ꤜꤟꤛꤢ꤬ꤘꤛꤢꤩ ꤞꤤ꤭ꤒꤟꤢꤧ꤬
ꤙꤢꤩ꤬ꤜꤟꤌꤣ꤭ꤓꤛꤢ꤬ ꤔꤟꤤꤘꤢꤦ꤬ ꤕꤟꤢꤧ꤬ꤒꤟꤢꤧ꤬ꤒꤝꤟꤥꤒꤟꤢꤧ꤬ꤚꤛꤢ
ꤋꤢꤨ꤭- ꤗꤢꤪ꤬ꤕꤟꤢꤧ꤬ꤡꤛꤣꤚꤟꤥꤜꤢꤨ꤭ ꤙꤢ꤭ꤔꤢ ꤒꤟꤢꤧ꤬ꤗꤟꤥ꤬ꤒꤟꤢꤧ꤬ꤕꤟꤢꤩ꤭
ꤒꤟꤢꤧ꤬ꤕꤜꤢꤪꤒꤟꤢꤧ꤬ꤡꤟꤢꤦ꤭ ꤥ꤬ꤜꤟꤛꤣ꤭ꤓꤛꤢ꤬
꤂꤯꤯ ꤗꤢꤪ꤬- ꤘꤣꤜꤢ꤬ꤗꤤ꤬ꤏꤥ꤬ꤢ꤬ꤊꤜꤢꤧ꤭ ꤕꤟꤢꤧ꤬ꤗꤛꤢꤩ꤭ꤡꤣ꤬ ꤞꤤ꤭ꤒꤢ꤬ꤟꤢꤩ꤬
ꤥ꤬ꤕꤟꤢꤪꤗꤛꤢꤏꤢꤦ꤬ꤘꤢꤦ꤬ ꤕꤚꤟꤢꤧ꤬ꤘꤣ ꤘꤛꤢꤩꤜꤟꤛꤢ꤬ꤞꤢꤧ
ꤋꤢꤨ꤭- ꤠꤢ꤭ꤔꤢꤔꤟꤢꤧ꤬ꤕꤝꤟꤥꤕꤚꤟꤢꤧ꤬ ꤗꤢ꤬ꤘꤢꤦ꤬ ꤕꤟꤢꤧ꤬ꤒꤟꤢꤧ꤬ꤘꤛꤢ꤬ꤋꤢꤨ꤬
ꤗꤢꤪ꤬ꤕꤟꤢꤧ꤬ꤥ꤬ ꤔꤢ ꤒꤟꤢꤧ꤬ꤗꤛꤢꤏꤢꤦ꤭
ꤗꤢꤪ꤬- ꤕꤟꤌꤣꤠꤟꤛꤢꤗꤟꤌꤣꤖꤢꤧ꤭ꤜꤟꤢꤪ꤭ꤕꤜꤤ꤭ ꤞꤢꤧꤑꤢꤩ꤭ꤜꤟꤛꤢ꤬ꤘꤛꤢꤩ ꤞꤤ꤭ꤒꤟꤢꤧ꤬
ꤙꤢꤩ꤬ꤜꤟꤌꤣ꤭ꤓꤛꤢ꤬ ꤔꤟꤤꤘꤢꤦ꤬ ꤕꤟꤢꤧ꤬ꤒꤟꤢꤧ꤬ꤒꤝꤟꤥꤒꤟꤢꤧ꤬ꤚꤛꤢ
ꤋꤢꤨ꤭- ꤗꤢꤪ꤬ꤕꤟꤢꤧ꤬ꤡꤛꤣꤚꤟꤥꤜꤢꤨ꤭ ꤙꤢ꤭ꤔꤢ ꤒꤟꤢꤧ꤬ꤗꤟꤥ꤬ꤒꤟꤢꤧ꤬ꤕꤟꤢꤩ꤭
ꤒꤟꤢꤧ꤬ꤕꤜꤢꤪꤒꤟꤢꤧ꤬ꤡꤟꤢꤦ꤭ ꤥ꤬ꤜꤟꤛꤣ꤭ꤓꤛꤢ꤬
No comments:
Post a Comment