Original By: Aung San
ꤗꤟꤌꤣ
ꤚꤢ꤭ : ꤋꤢꤨ꤭-ꤖꤢꤧ꤭ ꤒꤢꤦ꤭
ꤤ꤬ꤚꤥ꤭ : ꤋꤢꤨ꤭-ꤞꤢꤨ꤬ ꤚꤢꤧ꤬
꤁꤯꤯ ꤗꤟꤌꤣ꤮ ꤘꤣ ꤠꤢ꤭ꤕꤢ꤬ꤡꤟꤢꤧꤋꤢꤧ꤭ ꤔꤟꤢꤧ꤬ꤘꤛꤢꤩꤢꤩ꤬ꤘꤛꤢꤩꤥ꤭ꤠꤢ꤭
ꤔꤟꤢꤧ꤬ꤜꤟꤛꤣ ꤠꤢ꤭ꤔꤢ ꤓꤛꤢꤩ꤭ꤊꤢ꤬ꤡꤟꤢꤨꤊꤢ꤬ꤔꤢꤪ꤭
ꤔꤟꤢꤧ꤬ꤖꤛꤢꤕꤜꤢꤦ꤭ꤙꤢꤦ꤭ ꤊꤛꤢ꤭ꤘꤢꤩ꤭ ꤠꤢ꤭ꤢ꤬ꤋꤢꤧ꤭
ꤔꤟꤢꤧ꤬ꤜꤟꤢꤪ꤭ꤟꤢꤧ꤭ ꤔꤟꤢꤧ꤬ꤜꤟꤢꤪ꤭ꤚꤢꤩ꤬ꤔꤟꤤ ꤊꤛꤢ꤭ꤟꤢꤪꤠꤢ꤭
ꤔꤟꤢꤧ꤬ꤒꤢ꤬ꤊꤜꤛꤢ꤬ ꤔꤟꤢꤧ꤬ꤞꤎꤢꤞꤎꤤ꤬ ꤗꤟꤢꤪꤋꤤꤗꤟꤢꤪꤔꤢꤩ꤬
ꤔꤟꤢꤧ꤬ꤢꤩ꤬ꤠꤤ꤬ꤒꤥ꤬ ꤔꤟꤢꤧ꤬ꤥ꤬ꤏꤢꤦ꤬ꤒꤥ꤬ ꤠꤢ꤭ꤋꤢꤨ꤬ꤠꤢ꤭ꤋꤛꤢꤩ꤭ ꤗꤟꤌꤣ꤮ꤗꤟꤌꤣ
ꤕꤜ꤉ꤥ꤭ꤊꤛꤢ꤭ꤖꤢꤨ ꤖꤢꤨꤋꤢꤨ꤭ꤚꤢꤧ꤬ ꤒꤟꤢꤧ꤬ꤞꤢꤦꤔꤛꤣ꤬
‘‘ ꤡꤟꤢꤨꤗꤟꤌꤣ ꤍꤟꤥꤒꤥ꤬ ꤗꤢ꤬ ꤢ꤬ꤜꤟꤢꤩꤡꤛꤢꤩ꤭
ꤖꤛꤢꤩꤖꤢꤧ꤭ꤜꤟꤢ꤭ꤒꤥ꤬ ꤗꤢ꤬ꤢ꤬ꤜꤟꤢꤩꤡꤟꤢꤦ꤬
ꤡꤟꤢꤨꤗꤟꤌꤣ ꤍꤟꤥꤒꤥ꤬ ꤕꤜꤤꤗꤢꤦ꤭ꤙꤢꤧ꤬ ꤠꤢ꤭ꤞꤢꤧꤕꤜꤢꤪ꤬
ꤖꤛꤢꤩꤖꤢꤧ꤭ꤜꤟꤢ꤭ꤒꤥ꤬ꤗꤢ꤬ ꤒꤟꤢꤧ꤬ꤕꤜꤤꤙꤢꤧ꤬ ꤠꤢ꤭ꤘꤣꤑꤟꤢ,
ꤠꤢ꤭ꤘꤢꤨ꤬ꤙꤢꤧꤟꤢꤪ ꤖꤚꤟꤢꤩ꤬ꤜꤟꤢꤩ꤬ꤊꤢꤦ, ꤠꤢ꤭ꤓꤢꤨ꤭ꤙꤢꤧꤟꤢꤪ ꤗꤟꤌꤣꤜꤟꤢꤩꤕꤜꤢꤧ꤭
ꤒꤢꤨꤙꤢꤧꤓꤛꤢ꤬ ꤟꤢꤩ꤬ꤋꤢꤨ꤬ꤒꤟꤢꤧ꤬ꤜ꤉ꤟꤤ, ꤗꤛꤢꤙꤢꤧꤜꤟꤛꤢ꤬
ꤟꤢꤩ꤬ꤋꤢꤨ꤬ꤥ꤬ꤊꤜꤢꤩꤜꤢ꤬ꤊꤟꤌꤣ꤭ ꤕꤚꤢꤧꤔꤟꤤ ꤗꤟꤌꤣ ’’
꤂꤯꤯ ꤗꤟꤌꤣ꤮ ꤘꤣ ꤠꤢ꤭ꤕꤢ꤬ꤡꤟꤢꤧꤋꤢꤧ꤭ ꤔꤟꤢꤧ꤬ꤕꤤ꤬ꤠꤢ꤭ ꤔꤟꤢꤧ꤬ꤑꤟꤢꤋꤢꤨ꤬
ꤡꤟꤢꤨꤗꤟꤌꤣ ꤍꤟꤥꤒꤥ꤬ ꤕꤜꤤꤗꤢꤦ꤭ꤙꤢꤧ꤬ ꤠꤢ꤭ꤞꤢꤧꤕꤜꤢꤪ꤬
ꤖꤛꤢꤩꤖꤢꤧ꤭ꤜꤟꤢ꤭ꤒꤥ꤬ꤗꤢ꤬ ꤒꤟꤢꤧ꤬ꤕꤜꤤꤙꤢꤧ꤬ ꤠꤢ꤭ꤘꤣꤑꤟꤢ,
ꤠꤢ꤭ꤘꤢꤨ꤬ꤙꤢꤧꤟꤢꤪ ꤖꤚꤟꤢꤩ꤬ꤜꤟꤢꤩ꤬ꤊꤢꤦ, ꤠꤢ꤭ꤓꤢꤨ꤭ꤙꤢꤧꤟꤢꤪ ꤗꤟꤌꤣꤜꤟꤢꤩꤕꤜꤢꤧ꤭
ꤒꤢꤨꤙꤢꤧꤓꤛꤢ꤬ ꤟꤢꤩ꤬ꤋꤢꤨ꤬ꤒꤟꤢꤧ꤬ꤜ꤉ꤟꤤ, ꤗꤛꤢꤙꤢꤧꤜꤟꤛꤢ꤬
ꤟꤢꤩ꤬ꤋꤢꤨ꤬ꤥ꤬ꤊꤜꤢꤩꤜꤢ꤬ꤊꤟꤌꤣ꤭ ꤕꤚꤢꤧꤔꤟꤤ ꤗꤟꤌꤣ ’’
꤂꤯꤯ ꤗꤟꤌꤣ꤮ ꤘꤣ ꤠꤢ꤭ꤕꤢ꤬ꤡꤟꤢꤧꤋꤢꤧ꤭ ꤔꤟꤢꤧ꤬ꤕꤤ꤬ꤠꤢ꤭ ꤔꤟꤢꤧ꤬ꤑꤟꤢꤋꤢꤨ꤬
ꤔꤟꤢꤧ꤬ꤜꤢ꤬ꤠꤟꤤ꤬ꤜꤢ꤬ꤠꤟꤢꤪ꤭ꤒꤟꤢ꤭ ꤊꤛꤢ꤭ꤔꤟꤤꤠꤢ꤭
ꤠꤢ꤭ꤥ꤬ꤗꤛꤢꤩ꤭ ꤔꤟꤢꤧ꤬ꤘꤛꤢ꤬ꤗꤛꤢꤩ꤭ ꤠꤢ꤭ꤤ꤬ꤡꤟꤢꤪ꤭ꤊꤢꤨ꤭
ꤔꤟꤢꤧ꤬ꤜꤟꤢꤪ꤭ꤚꤢꤦ꤭ ꤔꤟꤢꤧ꤬ꤜꤟꤢꤪ꤭ꤓꤢꤧ꤭ꤘꤢꤩ꤭ ꤊꤛꤢ꤭ꤟꤢꤪꤠꤢ꤭
ꤠꤢ꤭ꤚꤟꤢꤩꤘꤢꤨ꤬ꤓꤛꤢ꤬ ꤠꤢ꤭ꤡꤟꤢꤨ꤭ꤜꤟꤢ꤭ ꤖꤛꤢꤩꤍꤟꤥꤔꤟꤢꤧ꤬ꤒꤥ꤬
ꤗꤟꤌꤣ꤮ꤗꤟꤌꤣ ꤕꤜ꤉ꤥ꤭ꤊꤛꤢ꤭ꤖꤢꤨ ꤖꤢꤨꤋꤢꤨ꤭ꤚꤢꤧ꤬ ꤒꤟꤢꤧ꤬ꤞꤢꤦꤔꤛꤣ꤬
ꤤ꤬ꤚꤥ꤭ꤋꤛꤢꤩ꤭꤮ ꤡꤟꤢꤨꤗꤟꤌꤣ ꤍꤟꤥꤒꤥ꤬ ꤗꤢ꤬ ꤢ꤬ꤜꤟꤢꤩꤡꤛꤢꤩ꤭
ꤖꤛꤢꤩꤖꤢꤧ꤭ꤜꤟꤢ꤭ꤒꤥ꤬ ꤗꤢ꤬ꤢ꤬ꤜꤟꤢꤩꤡꤟꤢꤦ꤬
ꤞꤤ꤬ꤔꤤ꤭ꤖꤢꤨ ꤘꤛꤢ꤬ꤊꤢꤧ꤬ꤢꤩ꤬ꤏꤢꤧ꤬ ꤒꤥ꤭ꤙꤢꤧ꤬ꤙꤢꤦ꤭ꤞꤢꤨ꤭
ꤊꤜꤥ꤭ꤓꤢꤦꤊꤟꤢꤩꤊꤢꤨ꤬ ꤒꤣ꤬ꤕꤢꤦ꤬ꤏꤢꤧ꤭ꤑꤟꤢ꤬
ꤙꤢꤪꤞꤛꤥ ꤒꤢ꤬ꤔꤟꤢꤩ꤬ꤏꤢꤧ꤭ꤕꤚꤟꤢ
ꤗꤟꤌꤣ꤮ ꤗꤟꤌꤣ꤮ ꤗꤟꤌꤣ
No comments:
Post a Comment