* ꤕꤜ꤉ꤥ꤭ꤠꤢ꤭ ꤒꤟꤢꤧ꤬ꤞꤢꤦ ꤢꤧ꤫ꤗꤟꤥ꤬ꤙꤢꤧ꤬ꤠꤢ꤭ *
꤁꤯꤯ ꤞꤢꤧꤥ꤬ꤘꤢꤦ꤬ꤒꤟꤢꤧ꤬ ꤥ꤬ꤘꤢꤦ꤬ꤒꤟꤢꤧ꤬ꤚꤢꤪ ꤢ꤬ꤡꤛꤢꤒꤥ꤬
ꤠꤢ꤭ꤞꤢꤧꤕꤜꤢꤪ꤬ ꤕꤛꤢꤩꤊꤛꤢ꤭ ꤡꤢꤪꤕꤢ꤭ꤢꤧ꤭?
ꤒꤢ꤬ꤔꤟꤢꤩ꤬ꤓꤛꤢ꤬ ꤔꤟꤤꤘꤢꤦ꤬ ꤠꤢ꤭ꤒꤟꤢꤧ꤬ꤥ꤬ꤓ꤉ꤟꤥ꤭ꤕꤚꤟꤢꤧ꤬
ꤊꤤ꤬ꤕꤛꤢꤩꤟꤢꤩꤚꤢꤪ ꤢ꤬ꤓꤛꤣ꤭ꤊꤛꤢ꤭ ꤘꤣ ꤟꤢꤩ꤬ꤋꤢꤨ꤬ꤕꤚꤢꤧ
꤂꤯꤯ ꤢ꤬ꤙ꤉ꤤꤥ꤬ꤘꤢꤦ꤬ꤒꤥ꤬ ꤊꤤ꤬ꤗꤟꤢꤩ꤬ꤕꤚꤢꤧ ꤒꤟꤢꤧ꤬ꤖꤢꤨꤛꤢꤩ꤭
ꤠꤢ꤭ꤞꤢꤧꤕꤜꤢꤪ꤬ ꤕꤛꤢꤩꤊꤟꤛꤢ꤭ ꤜꤢ꤬ꤊꤥ꤭ꤕꤢ꤭
ꤙꤢꤧ꤬ꤕꤟꤢꤨ꤭ꤞꤢꤧꤑꤢꤩ꤬ ꤔꤟꤤꤜꤟꤛꤢ꤬ ꤠꤢ꤭ꤔꤟꤢꤩꤊꤜꤟꤢꤪ
ꤊꤤ꤬ꤗꤟꤢꤩ꤬ ꤒꤟꤢꤧ꤬ꤕꤛꤢꤩꤊꤛꤢ꤭ ꤢ꤬ꤊꤢꤪ꤬ꤒꤥ꤬
ꤤ꤬ꤚꤥ꤭ꤋꤛꤢꤩ꤭꤮ ꤡꤟꤢꤨꤠꤢ꤭ ꤞꤢꤧꤕꤜꤢꤪ꤬ ꤡꤟꤢꤨꤠꤢ꤭ꤞꤢꤧꤗꤟꤢꤩ꤬ꤒꤟꤢꤧ꤬
ꤡꤟꤢꤨꤠꤢ꤭ ꤒꤟꤢꤧ꤬ꤒꤢ꤬ꤔꤟꤢꤩ꤬ ꤒꤟꤢꤧ꤬ꤒꤢ꤬ꤟꤢꤩ꤬ ꤢ꤬ꤊꤢꤪ꤬ꤒꤥ꤬
ꤡꤟꤢꤨꤠꤢ꤭ ꤞꤢꤧꤟꤢꤩꤙꤢꤧ꤬ ꤡꤟꤢꤨꤠꤢ꤭ ꤞꤢꤧꤗꤛꤢꤓꤛꤢꤩ꤬
ꤡꤟꤢꤨꤠꤢ꤭ ꤞꤢꤧꤡꤛꤣꤋꤢꤧ꤭ ꤢ꤬ꤊꤢꤪ꤬ꤒꤥ꤬
꤃꤯꤯ ꤠꤢ꤭ꤗꤢꤧ꤬ꤞꤢꤧꤛꤢꤩ꤭ ꤢꤨ꤭ꤕꤢꤩ꤭ ꤘꤛꤢꤩꤔꤟꤤꤘꤢꤦ꤬ ꤠꤢ꤭ꤕꤢꤩ꤭?
ꤠꤢ꤭ꤒꤢ꤬ꤋꤢꤨ꤬ ꤒꤟꤌꤣꤘꤣ ꤋꤢ꤭ꤘꤟꤌꤣ꤬ꤛꤢꤩ꤭?
ꤙꤢꤧ꤬ꤕꤟꤢꤨ꤭ꤞꤢꤧꤑꤢꤩ꤭ ꤔꤟꤤꤜꤟꤛꤢ꤬ ꤠꤢ꤭ꤔꤟꤢꤩꤊꤜꤟꤢꤪ
ꤊꤢꤪ꤬ꤟꤢꤩꤙ꤉ꤤꤒꤢ꤬ꤚꤛꤢꤩ꤭ ꤓꤛꤢ꤬ꤘꤢꤦ꤬ꤢꤧ꤬
꤄꤯꤯ ꤙꤢꤧ꤬ꤙ꤉ꤤꤥ꤬ꤊꤥ꤭ ꤒꤢꤦꤢ꤬ꤙꤛꤢꤜꤟꤛꤢ꤬ꤠꤢ꤭
ꤜꤣꤔꤟꤤꤊꤜꤟꤢꤪ꤭ꤘꤢꤦ꤬ ꤒꤟꤢꤧ꤬ꤜꤟꤢꤪ꤭ꤕꤜꤤ꤭ ꤢ꤬ꤊꤜꤟꤢꤧ꤭
ꤙꤢꤧ꤬ꤓꤢꤨ꤬ꤞꤢꤧꤓꤛꤢ꤬ ꤒꤟꤢꤧ꤬ꤜꤟꤢꤪ꤭ꤕꤜꤤ꤭ ꤗꤢ꤬ꤢ꤬ꤒꤟꤢꤧ꤬
ꤒꤟꤢꤧ꤬ꤙ꤉ꤤ, ꤒꤟꤢꤧ꤬ꤙ꤉ꤤ, ꤖꤢꤧ꤭ꤙꤛꤢ꤬ꤡꤢꤧ꤬
ꤤ꤬ꤚꤥ꤭ꤋꤛꤢꤩ꤭꤮ ꤕꤜ꤉ꤥ꤭ꤠꤢ꤭ ꤒꤟꤢꤧ꤬ꤞꤢꤦ, ꤊꤣ꤮ꤖꤢꤧ꤭ꤙꤛꤢ꤬ꤡꤢꤧ꤬
ꤡꤟꤢꤨꤠꤢ꤭ꤞꤢꤧꤕꤜꤢꤪ꤬ ꤚꤢꤪ ꤒꤟꤢꤧ꤬ꤕꤛꤢꤩꤒꤟꤢꤧ꤬ꤊꤛꤢ꤭ ꤥ꤬ꤓꤛꤢ꤬
ꤠꤢ꤭ꤋꤢꤨ꤬ꤠꤢ꤭ꤋꤛꤢꤩ꤭ ꤗꤟꤢꤩ꤬ꤕꤛꤢꤩꤊꤟꤛꤢ꤭ ꤒꤟꤢꤧ꤬ꤒꤢ꤬ꤟꤢꤩ꤬
ꤕꤜ꤉ꤥ꤭ꤠꤢ꤭ ꤒꤟꤢꤧ꤬ꤞꤢꤦ ꤚꤢꤪ ꤢꤧ꤫ꤗꤟꤥ꤬ꤙꤢꤧ꤬ꤠꤢ꤭
No comments:
Post a Comment