❇︎ ꤜꤤ꤬ꤓꤢꤧ꤭ꤍꤟꤥ꤫ꤒꤟꤢꤧ꤬ ❇︎
ꤚꤢ꤭ : ꤋꤢꤨ꤭-ꤞꤤ꤬ ꤚꤢꤧ꤬
꤁꤯꤯ ꤒꤟꤢꤧ꤬ꤡꤢꤪꤒꤟꤢꤩ꤬ ꤗꤝꤟꤥ꤭ꤕꤜꤤ꤭ꤜꤣꤙꤢ꤭ ꤜꤤ꤬ꤓꤢꤧ꤭ꤍꤟꤥ꤫ꤒꤟꤢꤧ꤬
ꤡꤢꤪꤗꤢ꤬ꤚꤛꤢ꤬ ꤢ꤬ꤜꤟꤢ꤭ꤢ꤬ꤍꤟꤥ꤫ ꤒꤟꤢꤧ꤬ꤟꤢꤩꤞꤛꤥꤒꤟꤢꤧ꤬ ꤘꤣ ꤕꤟꤢꤧ꤬ꤊꤢꤨ꤭
ꤞꤛꤢꤖꤢꤨ ꤕꤚꤟꤢꤧ꤬ꤜꤢꤨ꤬ ꤊꤟꤢꤦꤞꤢꤧꤑꤢꤩ꤭ꤊꤢ꤬ ꤋꤛꤢꤩ꤭ꤞꤛꤢꤘꤢꤦ꤬ ꤡꤢꤪꤗꤢ꤬ꤚꤛꤢ꤬
ꤡꤢꤪꤗꤢ꤬ꤚꤛꤢ꤬ ꤘꤛꤢꤩꤞꤢꤧꤑꤢꤩ꤭ ꤕꤟꤢꤧ꤬ꤔꤢ ꤜꤤ꤬ꤡꤢ꤭ꤏꤢꤧ꤭
꤂꤯꤯ ꤜꤤ꤬ꤡꤢ꤭ꤏꤢꤧ꤭ ꤜꤟꤢꤪ꤭ꤕꤜꤤ꤭ꤔꤛꤣ꤬ ꤗꤢ꤬ ꤡꤢꤪꤗꤢ꤬ꤚꤛꤢ꤬
ꤢ꤬ꤒꤟꤢꤧ꤬ꤡꤢ꤭ꤏꤢꤧ꤭ꤘꤛꤢꤩꤕꤟꤢꤧ꤬ ꤥ꤬ꤘꤢꤦ꤬ ꤔꤢ ꤢ꤬ꤙꤝꤤꤒꤢ꤬ꤚꤛꤢꤩ꤭
ꤘꤣ ꤤ꤬ꤞꤛꤥ ꤕꤟꤢꤧ꤬ꤗꤢ꤬ ꤡꤢꤪꤒꤟꤢꤩ꤬
ꤤ꤬ꤞꤛꤥꤤ꤬ꤞꤛꤢ꤬ ꤚꤛꤢꤊꤢ꤬ꤋꤛꤢꤩ꤭ ꤒꤟꤢꤧ꤬ꤐꤟꤢꤦꤢꤩ꤬ ꤖꤢꤨꤒꤢ꤬ꤟꤢꤩ꤬
ꤐꤟꤢꤨ꤭ꤒꤥ꤭ꤕꤟꤢꤧ꤬ ꤘꤣ ꤊꤜꤛꤢ ꤘꤣ ꤢ꤬ꤡꤢꤪꤢ꤬ꤒꤟꤢꤩ꤬
ꤤ꤬ꤚꤥ꤭ꤋꤛꤢꤩ꤭ - ꤕꤟꤢꤧ꤬ꤊꤟꤢꤦ. . ꤗꤛꤢꤕꤟꤢꤨ꤭ ꤟꤣꤞꤢꤧꤑꤢꤩ꤭ ꤢꤧ꤬ꤟꤢꤩꤗꤢ꤬
ꤗꤛꤢꤓꤛꤢꤩ꤬ ꤙꤢꤧ꤬ꤘꤢꤦ꤬ ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬
ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬ ꤗꤢ꤬ ꤜꤤ꤬ꤡꤢ꤭ꤏꤢꤧ꤭
- ꤕꤟꤢꤧ꤬ꤊꤟꤢꤦ. . ꤥ꤬ꤓꤝꤟꤥ꤬ꤕꤚꤟꤢꤧ꤬ ꤊꤚꤟꤥ꤭ꤊꤟꤌꤣ꤭ꤢꤧ꤬ ꤟꤢꤩꤗꤢ꤬
ꤔꤟꤤꤙꤢꤧ꤬ꤘꤢꤦ꤬ ꤒꤟꤢꤧ꤬ꤙꤝꤤ ꤒꤟꤢꤧ꤬ꤒꤢ꤬ꤚꤛꤢꤩ꤭
ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬ ꤗꤢ꤬ ꤜꤤ꤬ꤡꤢ꤭ꤏꤢꤧ꤭
꤃꤯꤯ ꤡꤢꤪꤗꤢ꤬ꤚꤛꤢ꤬ ꤢ꤬ꤜꤟꤢ꤭ꤍꤟꤥ꤫
ꤕꤟꤢꤧ꤬ꤊꤟꤢꤦ ꤖꤛꤢꤩꤥ꤬ ꤊꤜꤟꤢꤪ꤬ꤏꤢꤪꤗꤢ꤬ꤢꤧ꤬
ꤕꤟꤢꤧ꤬ꤊꤟꤢꤦ ꤔꤟꤤꤙꤢꤧ꤬ ꤗꤛꤢꤓꤛꤢꤩ꤬ ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬
No comments:
Post a Comment