* ꤕꤚꤟꤢꤧ꤬ꤘꤣ ꤞꤢꤧꤐꤟꤢꤦꤊꤚꤟꤥ꤭ ꤠꤢ꤭ꤋꤛꤢꤩ꤭ *
꤁꤯꤯ ꤔꤟꤢꤧ꤬ꤢꤪꤜꤟꤛꤢ꤬ꤟꤢꤪ ꤔꤟꤢꤧ꤬ꤍꤟꤥ꤫ ꤘꤣ
ꤔꤟꤢꤧ꤬ꤊꤤ꤬ꤗꤟꤢꤩ꤬ ꤡꤢꤪꤗꤢ꤬ꤚꤛꤢ꤬ ꤒꤟꤢꤧ꤬ꤗꤟꤢꤩ꤬
ꤗꤟꤢꤩ꤬ꤜꤣꤙꤢ꤭ ꤔꤟꤢꤧ꤬ꤒꤟꤢꤧ꤬ꤢꤪꤜꤟꤛꤢ꤬
ꤞꤢꤧꤐꤟꤢꤦꤟꤢꤩ꤬ꤋꤢꤨ꤬ ꤒꤟꤢꤧ꤬ꤘꤢꤨ꤬ꤐꤟꤢꤗꤟꤢꤩ
ꤡꤢꤪꤒꤢꤩ꤬ ꤔꤢ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ
ꤘꤣ ꤔꤟꤢꤧ꤬ꤑꤢꤩ꤭ ꤗꤟꤢꤘꤢꤦ꤬ ꤒꤟꤢꤧ꤬ꤜꤤ꤭ꤒꤟꤢꤧ꤬ꤋꤢꤧ꤭꤮꤯
꤂꤯꤯ ꤔꤟꤢꤧ꤬ꤓ꤉ꤟꤥ꤭ꤋꤚꤤ ꤋꤥ꤭ꤕꤢ꤬ꤡꤟꤢꤧ ꤚꤢꤪ
ꤔꤟꤢꤧ꤬ꤗꤟꤢꤩ꤬ ꤘꤣ ꤔꤟꤢꤧ꤬ꤙꤢꤧ꤬ꤗꤟꤢꤩ꤬ꤒꤢ꤬ꤟꤢꤩ꤬ ꤗꤟꤢꤩ꤬ꤜꤣꤙꤢ꤭ ꤓꤛꤢ꤬ꤘꤢꤦ꤬ꤟꤢꤪꤢꤧ꤬
ꤔꤟꤢꤧ꤬ꤗꤛꤢꤓꤛꤢꤩ꤬ ꤒꤟꤢꤧ꤬ꤜꤟꤢꤨ꤭ꤞꤛꤢ꤭ꤚꤢꤦ꤭ꤓꤢꤧ꤭
ꤔꤟꤢꤧ꤬ꤊꤤ꤬ ꤞꤢꤧꤐꤟꤢꤦꤞꤢꤧꤜꤟꤢꤪ꤭ ꤢꤧ꤬ꤗꤢ꤬
ꤔꤟꤢꤧ꤬ꤓ꤉ꤟꤥ꤭ꤓꤛꤢ꤬ ꤛꤢꤨ꤭ꤘꤢ꤬ ꤢꤩ꤬ꤎꤊꤢ꤬ꤚꤤ꤬ꤛꤢ꤬꤮꤯
ꤤ꤬ꤚꤥ꤭ꤋꤛꤢꤩ꤭꤮ ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤟꤢꤩꤔꤢ ꤕꤚꤟꤢꤧ꤬ꤘꤣ ꤞꤢꤧꤐꤟꤢꤦꤊꤚ꤉ꤟꤥ꤭ꤠꤢ꤭ꤋꤛꤢꤩ꤭
ꤙꤢꤧ꤬ꤙꤢꤩ꤬ꤊꤛꤢ꤭ꤜꤟꤢꤪ꤭ꤕꤜꤤ꤭ꤘꤣ ꤒꤟꤢꤧ꤬ꤘꤣ ꤥ꤬ꤔꤢꤔꤟꤢꤧ꤬ꤒꤢ꤬ꤟꤢꤩ꤬
ꤐꤟꤢꤓꤛꤢ꤬ꤔꤟꤤ ꤒꤥ꤭ꤜꤟꤛꤢ꤭ꤟꤤ꤬ꤓꤢꤦ꤬ ꤚꤢꤪ ꤋꤢꤧ꤭ꤊꤚ꤉ꤥ꤭ ꤠꤢ꤭ꤋꤢ꤭ꤜꤟꤢꤩ꤬꤮꤯
ꤕꤚꤟꤢꤧ꤬ꤚꤢ꤭ : ꤋꤢꤨ꤭-ꤜꤣꤜꤣ꤬
ꤕꤚꤟꤢꤧ꤬ꤟꤢꤩꤚꤥ꤭ : ꤋꤢꤨ꤭-ꤒꤥ ꤚꤢꤧ꤬
No comments:
Post a Comment