* ꤗꤟꤌꤣ ꤔꤢ ꤖꤢꤧ꤭ *
ꤚꤢ꤭꤯ꤤ꤬ꤚꤥ꤭ : ꤖꤢꤧ꤭ꤒꤢꤨ꤬
꤁꤯꤯ ꤜꤢꤩ꤭ꤞꤢꤧ꤭ꤓꤛꤢ꤬ ꤞꤢꤧꤔꤟꤢꤩꤊꤢ꤬ꤋꤛꤢꤩ꤭
ꤥ꤬ꤕꤢ꤭ ꤘꤣ ꤗꤟꤌꤣꤖꤢꤧ꤭ ꤐꤟꤌꤣ꤬ꤢꤣ꤬ꤜꤟꤢꤧ꤭
ꤊꤚꤟꤥ꤭ꤊꤟꤌꤣ꤭ ꤗꤟꤌꤣꤖꤢꤧ꤭ ꤕꤟꤌꤣꤠꤟꤛꤢꤋꤢ꤭ꤏꤛꤢꤩ
ꤕꤟꤢꤧ꤬ꤚꤛꤢ꤬ꤒꤟꤢꤧ꤬ ꤘꤣ ꤟꤤ꤬ꤖꤢꤧ꤭ꤊꤢꤨ꤭
ꤥ꤬ꤕꤢ꤭ ꤘꤣ ꤗꤟꤌꤣꤖꤢꤧ꤭ ꤐꤟꤌꤣ꤬ꤢꤣ꤬ꤜꤟꤢꤧ꤭
ꤊꤚꤟꤥ꤭ꤊꤟꤌꤣ꤭ ꤗꤟꤌꤣꤖꤢꤧ꤭ ꤕꤟꤌꤣꤠꤟꤛꤢꤋꤢ꤭ꤏꤛꤢꤩ
ꤕꤟꤢꤧ꤬ꤚꤛꤢ꤬ꤒꤟꤢꤧ꤬ ꤘꤣ ꤟꤤ꤬ꤖꤢꤧ꤭ꤊꤢꤨ꤭
꤂꤯꤯ ꤕꤟꤢꤧ꤬ꤜꤟꤢꤩ꤭ꤕꤣ ꤕꤟꤢꤧ꤬ꤜꤟꤢꤩꤐꤟꤢꤨ꤭
ꤖꤛꤢꤩꤔꤟꤤꤜꤟꤢꤪ꤬ꤕꤜꤤ꤭ ꤕ꤉ꤟꤥꤒꤢ꤬ꤡꤣ꤬
ꤗꤟꤌꤣ ꤔꤢ ꤖꤢꤧ꤭ ꤤ꤬ꤞꤛꤥꤤ꤬ꤞꤛꤢ꤬
ꤘꤛꤢꤩꤘꤢꤦ꤬ꤕꤟꤢꤧ꤬ ꤒꤟꤢꤧ꤬ꤢꤩ꤬ꤚꤛꤢ꤬ꤊꤜꤢꤧ꤭
ꤤ꤬ꤚꤥ꤭ꤋꤛꤢꤩ꤭꤮ ꤢꤩ꤬ꤏꤢꤧ꤬ ꤗꤛꤢꤙꤢꤦ꤭ꤕ꤉ꤟꤢꤨ ꤚꤛꤢ꤬ꤒꤟꤢꤧ꤬ ꤗꤛꤢꤒꤢꤨ꤬ꤔꤟꤤ
ꤗꤟꤌꤣꤖꤢꤧ꤭ ꤒꤟꤢꤧ꤬ꤤ꤬ꤞꤛꤥ‚ ꤕꤟꤌꤣꤠꤟꤛꤢ ꤕꤟꤢꤧ꤬ꤗꤟꤥ꤬ꤜꤢꤨ꤭
ꤕꤟꤢꤧ꤬ꤥ꤬ꤜꤢꤨ꤭ ꤔꤢ ꤒꤢ꤬ꤕ꤉ꤟꤢꤨ꤬ꤘꤤ꤭ꤊꤢꤨ꤬ ꤒꤢ꤬ꤊꤜꤢꤪꤒꤤ꤬ꤞꤢꤨ꤬
ꤢ꤬ꤗꤟꤥ꤬ꤜꤣ ꤥ꤬ꤘꤣ ꤗꤟꤌꤣꤖꤢꤧ꤭ꤐꤟꤥ꤬ꤢꤣ꤬ꤜꤟꤢꤧ꤭
꤃꤯꤯ ꤕ꤉ꤟꤥ꤭ꤑꤢꤩ꤭ꤕ꤉ꤟꤥꤞꤢꤧ꤭ ꤗꤟꤌꤣꤖꤢꤧ꤭ꤊꤢꤨꤊꤟꤛꤢ꤭
ꤕꤟꤢꤧ꤬ꤜꤟꤢꤩꤢꤩ꤬ ꤜꤟꤢꤩꤥ꤭ꤢ꤬ꤑꤢꤩ꤭ ꤗꤟꤌꤣ ꤔꤢ ꤖꤢꤧ꤭ ꤊꤢꤨꤙꤢꤪꤒꤛꤢ꤬ꤒꤟꤢ꤭
ꤢꤩ꤬ꤘꤢꤦ꤬ꤕꤟꤢꤧ꤬ ꤒꤟꤢꤧ꤬ꤢꤩ꤬ꤚꤛꤢ꤬ꤊꤜꤢꤧ꤭‚ ꤥ꤬ꤒꤢ꤬ꤔꤟꤢꤩ꤬ꤘꤛꤢꤩꤞꤛꤢꤋꤢ꤬ꤜꤟꤢꤩ
ꤘꤣ ꤗꤟꤌꤣꤖꤢꤧ꤭ ꤙꤤꤟꤤ꤬ꤖꤢꤧ꤭ꤊꤢꤨ꤭ ꤕꤟꤌꤣꤔꤢꤠꤟꤛꤢ
ꤙꤢꤧ꤬ꤊꤚꤟꤢꤦ꤭ꤊꤜꤢꤧ꤭ꤜꤢꤨ꤭ ꤕꤟꤢꤧ꤬ꤚꤛꤢ꤬ꤘ꤉ꤥ꤭ꤜꤢꤨ꤭ ꤢ꤬ꤗꤟꤥ꤬ꤜꤣ
No comments:
Post a Comment