ꤠꤢ꤭ꤗꤟꤌꤣꤟꤤ꤬
ꤚꤢ꤭ : ꤋꤢꤨ꤭-ꤊꤢꤦ꤭ ꤚꤢꤧ꤬
ꤤ꤬ꤚꤥ꤭ : ꤋꤢꤨ꤭-ꤊꤢꤦ꤭ ꤚꤢꤧ꤬ ꤔꤢ ꤋꤢꤨ꤭-ꤓꤢꤩ꤭ ꤚꤢꤧ꤬
꤁꤯꤯ ꤥ꤬ꤛꤢꤩ꤬ ꤔꤢ ꤓꤛꤢꤩ꤭ꤊꤟꤢꤩ꤮
ꤥ꤬ꤛꤢꤩ꤬ ꤔꤢ ꤗꤟꤌꤣꤖꤢꤧ꤭꤮ ꤥ꤬ꤛꤢꤩ꤬ ꤔꤢ ꤋꤥ꤭ꤙꤢꤪꤞꤛꤥ
ꤗꤛꤢꤓꤛꤢꤩ꤬ ꤔꤢꤪꤕꤟꤢ꤭ꤒꤥ꤬ ꤚꤢꤪ ꤞꤢꤧꤕꤜꤢꤧ꤭ꤘꤢꤦ꤬ꤜꤢ꤭
ꤔꤟꤢꤩ꤬ꤞꤛꤣ꤬ꤔꤟꤤ ꤠꤢ꤭ꤟꤤ꤬꤮ ꤔꤟꤢꤩ꤬ꤞꤛꤣ꤬ꤔꤟꤤ ꤠꤢ꤭ꤋꤥ꤭ꤗꤟꤥ꤬
ꤔꤟꤢꤩ꤬ꤞꤛꤣ꤬ꤔꤟꤤ ꤥ꤬ꤜꤟꤛꤢ꤬ꤋꤢ꤭ꤜꤟꤢꤩ
꤂꤯꤯ ꤒꤢ꤬ꤔꤟꤢꤩ꤬ꤓꤛꤢ꤬ ꤙꤢꤧ꤬ꤔꤟꤤꤚꤢꤪ ꤢ꤬ꤏꤢꤧ꤭ꤞꤢꤧꤕꤜꤢꤪ꤬
ꤊꤢ꤬ꤋꤛꤢꤩ꤭ ꤞꤛꤢꤕꤢ꤭ ꤠꤢ꤭ꤗꤟꤌꤣꤟꤤ꤬
ꤥ꤬ꤒꤢꤦ ꤒꤣ꤬ꤕꤚꤟꤢꤧ꤬ ꤚꤢꤪ ꤢ꤬ꤗꤟꤥ꤬ꤔꤢꤒꤥ꤬
ꤤ꤬ꤚꤥ꤭ꤋꤛꤢꤩ꤭꤮ ꤊꤢ꤬ꤋꤛꤢꤩ꤭ꤞꤛꤢꤕꤢ꤭ ꤊꤢ꤬ꤛꤢ꤭ꤜꤟꤤ꤬-ꤊꤟꤢꤩ
ꤥ꤬ꤕꤟꤢꤪꤗꤛꤢꤏꤢꤦ꤭ꤠꤢ꤭ꤔꤟꤤ ꤋꤥ꤭ꤗꤟꤥ꤬
ꤔꤟꤢꤩ꤬ꤞꤛꤣ꤬ꤔꤟꤤꤜꤢ꤭ ꤠꤢ꤭ꤗꤟꤌꤣꤟꤤ꤬
ꤠꤢ꤭ꤞꤢꤧꤐꤟꤢꤦꤋꤛꤢꤩ꤭ ꤠꤢ꤭ꤗꤟꤌꤣ ꤒꤟꤢꤧ꤬ꤗꤟꤢꤩ꤬ꤗꤟꤥ꤬
No comments:
Post a Comment