❇︎ ꤗꤟꤢꤩ꤬ꤒꤟꤢꤧ꤬ ꤘꤣ ꤙꤛꤢ꤬ꤡꤢꤧ꤬ꤢ꤬ꤑꤢꤩ꤭ ❇︎
ꤘꤛꤢꤩꤓꤛꤢ꤬ꤘꤛꤢꤩꤜꤟꤛꤢ꤬ ꤕꤟꤢꤧ꤬ꤒꤟꤢꤧ꤬ꤒꤢ꤬ꤔꤟꤢꤩ꤬
ꤘꤣ ꤞꤢꤧꤕꤜꤢꤪ꤬ ꤘꤣ꤬ꤑꤟꤢ꤭ ꤊꤢ꤬ꤓꤢꤪ꤬ꤚꤥ꤬
ꤗꤟꤢꤩ꤬ꤒꤟꤢꤧ꤬ ꤘꤣ ꤙꤛꤢ꤬ꤡꤢꤧ꤬ ꤓꤛꤢꤩ꤭ꤊꤟꤢꤩꤊꤢꤨ꤭ ꤜꤛꤢꤓꤛꤢ꤬ꤢ꤬ꤑꤢꤩ꤭
ꤙꤢꤩ꤬ꤓꤛꤢ꤬ꤜꤟꤌꤣ꤭ ꤕꤟꤢꤧ꤬ꤒꤟꤢꤧ꤬ꤒꤢ꤬ꤔꤟꤢꤩ꤬
ꤥ꤬ꤊꤢꤨ꤭ ꤔꤢ ꤒꤟꤢꤧ꤬ꤕꤜꤢꤪꤒꤟꤢꤧ꤬ꤡꤟꤢꤦ꤭ ꤑꤟꤢ꤭ꤊꤢ꤬ꤓꤢꤪ꤬ ꤗꤟꤢꤩ꤬ꤚꤟꤥ
ꤕꤟꤢꤧ꤬ꤥ꤬ ꤔꤢ ꤒꤟꤢꤧ꤬ꤟꤢꤧ꤭ꤒꤟꤢꤧ꤬ꤚꤢꤩ꤬ ꤒꤟꤢꤧ꤬ꤡꤟꤛꤢꤒꤟꤢꤧ꤬ꤘꤢꤧ꤬ ꤙꤢꤩ꤬ꤕꤜꤢꤪꤜꤢꤨ꤭ꤖꤢꤨ
ꤒꤟꤢꤧ꤬ꤏꤛꤣꤒꤟꤢꤧ꤬ꤋꤢꤧ꤭ ꤥ꤬ꤕꤢ꤭ ꤘꤣ ꤕꤟꤢꤧ꤬ꤊꤟꤢꤦꤗꤟꤢꤩ꤬ꤚꤟꤥꤜꤢꤨ꤭
ꤗꤛꤢꤕꤟꤢꤨ꤭ ꤘꤣ ꤙꤛꤢ꤬ꤡꤢꤧ꤬ꤟꤢꤩꤕꤟꤢꤧ꤬ ꤞꤢꤧꤔꤟꤢꤩ꤬ꤓꤛꤢ꤬ ꤢ꤬ꤒꤟꤢꤧ꤬ꤟꤢꤩꤙꤢꤧ꤬
ꤕꤚꤟꤢꤧ꤬ꤗꤟꤥ꤬ ꤠꤢ꤭ꤗꤟꤢꤩ꤬ꤠꤢ꤭ ꤒꤟꤢꤧ꤬ꤗꤟꤢꤩ꤬ꤢꤧꤊꤜꤢꤪ꤭ ꤔꤢ ꤠꤢ꤭
ꤒꤟꤢꤧ꤬ꤊꤢꤨꤒꤟꤢꤧ꤬ꤊꤛꤢ꤭ ꤔꤢ ꤒꤟꤢꤧ꤬ꤕꤟꤛꤢꤒꤟꤢꤧ꤬ꤏꤢꤧ꤭ ꤘꤣ ꤢ꤬ꤟꤛꤢ꤭ꤙꤢꤧ꤬ꤙꤢꤧ꤬
ꤏꤢꤕꤟꤢꤩꤊꤛꤢ꤭ ꤔꤢ ꤙꤛꤢ꤬ꤡꤢꤧ꤬ꤋꤚꤤ ꤢ꤬ꤒꤟꤢꤧ꤬ꤟꤢꤧ꤭ꤚꤢꤩ꤬
ꤏꤢꤕꤟꤢꤩꤊꤛꤢ꤭ ꤖꤛꤢꤩ꤭ꤖꤟꤌꤣ꤭ꤜꤟꤌꤣ꤭ ꤘꤣ ꤓꤛꤢꤩ꤭ꤊꤟꤢꤩ
ꤗꤟꤢꤩ꤬ꤕꤟꤢꤩꤊꤛꤢ꤭ꤜꤟꤢꤪ꤭ ꤒꤟꤢꤧ꤬ꤘꤤꤘꤛꤢ꤭ꤒꤢ꤬ꤟꤢꤩ꤬
ꤘꤣꤒꤟꤢꤧ꤬ ꤒꤟꤢꤧ꤬ꤜꤤ꤭ꤒꤟꤢꤧ꤬ꤒꤢ꤬ꤋꤢꤧ꤭ ꤋꤢꤨ꤬ꤊꤜꤥ꤭ꤓꤢꤧ꤭ ꤥ꤬ꤔꤟꤢꤩ꤬ꤟꤢꤪ
ꤙꤛꤢ꤬ꤡꤢꤧ꤬ꤒꤢ꤬ꤚꤤ꤬ ꤒꤢ꤬ꤚꤛꤢ꤭ꤔꤟꤢꤩ꤬ ꤊꤟꤌꤣ꤭ꤘꤛꤢꤩ ꤕꤟꤢꤧ꤬ꤢ꤬ꤑꤢꤩ꤭
ꤢ꤬꤮ ꤒꤟꤢꤧ꤬ꤐꤟꤢꤦꤒꤟꤢꤧ꤬ꤔꤛꤢ꤬ ꤒꤟꤢꤧ꤬ꤋꤢꤦ꤭ ꤘꤣ ꤙꤛꤢ꤬ꤡꤢꤧ꤬ꤑꤢꤩ꤭
ꤡꤢꤪꤚꤟꤥꤖꤢꤨ ꤔꤢ ꤒꤟꤢꤧ꤬ꤢꤪꤜꤟꤛꤢ꤬ ꤒꤟꤌꤣꤗꤟꤢꤪꤔꤛꤢꤩ꤭ꤒꤢ꤬ꤘꤢꤦ꤬
No comments:
Post a Comment