* ꤕꤚꤟꤢꤧ꤬ꤜꤟꤢꤨ꤬ꤑꤢꤩ꤭ ꤋꤛꤢꤒꤟꤢꤧ꤬ *
꤁꤯꤯ ꤔꤟꤢꤧ꤬ꤥ꤬ ꤘꤣ ꤗꤟꤢꤪꤋꤢꤨ꤬ ꤢ꤬ꤗꤟꤥ꤬ꤡꤢꤪꤙꤢꤒꤢꤩ꤭?
ꤙꤢꤧ꤬ꤚꤤ꤬ꤚꤢꤪ ꤔꤟꤢꤧ꤬ꤟꤛꤢ꤭ꤜꤟꤛꤢ꤬ ꤥ꤬ꤊꤟꤌꤣ꤭ ꤕꤟꤢꤧ꤬ꤘꤣ ꤟꤢꤩ꤬ꤋꤢꤨ꤬ꤛꤢꤩ꤭
ꤔꤟꤢꤧ꤬ꤙꤢꤩ꤬ꤊꤛꤢ꤭ ꤗꤟꤢꤪꤋꤢꤨ꤬ ꤢ꤬ꤓꤛꤢꤩ꤭ꤜꤟꤢꤩꤊꤟꤢꤩꤊꤢꤨ꤭
ꤔꤟꤢꤧ꤬ꤙꤢꤧ꤬ꤟꤛꤢ꤬ꤜꤟꤛꤢ꤬ ꤗꤟꤢꤩ꤬ꤏꤤ꤭ꤕꤜꤢꤧ ꤕꤟꤢꤧ꤬ꤘꤣ ꤍꤢ꤬ꤚꤢ꤬ꤢ꤬ꤊꤢꤨ꤭
꤂꤯꤯ ꤟꤢꤩ꤬ꤋꤢꤨ꤬ꤖꤢꤨꤢ꤬ꤑꤢꤩ꤭ ꤔꤟꤢꤧ꤬ꤘꤛꤢꤩꤜꤟꤛꤢ꤬ ꤔꤟꤢꤧ꤬ꤞꤢꤧ
ꤜꤢꤨ꤭ꤒꤟꤛꤢ꤭ꤓꤛꤢ꤬ꤘꤢꤦ꤬ ꤔꤟꤢꤧ꤬ꤔꤟꤢꤩꤊꤜꤢꤪ ꤘꤣ ꤒꤥ꤬ꤜꤟꤛꤢ꤭ꤟꤤꤓꤢꤦ꤬ꤋꤢꤨ꤬
ꤔꤟꤢꤧ꤬ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬ ꤥ꤬ꤜꤣꤙꤢ꤭ ꤔꤢ ꤔꤟꤢꤧ꤬
ꤙꤢꤧ꤬ꤚꤤ꤬ꤕꤚꤟꤢꤧ꤬ꤜꤟꤢꤨ꤬ ꤒꤟꤢꤧ꤬ꤊꤟꤢ꤬ꤒꤟꤢꤧ꤬ꤕꤜꤛꤢ꤬ ꤓꤛꤢ꤬ꤜꤟꤢꤪ꤭ ꤘꤣ ꤔꤟꤢꤧ꤬ꤋꤢꤨ꤬
ꤤ꤬ꤚꤥ꤭ꤋꤛꤢꤩ꤭꤮ ꤒꤟꤢꤧ꤬ꤡꤛꤢꤩ꤭ꤒꤟꤢꤧ꤬ꤡꤟꤢꤦ꤬ ꤞꤤ꤭ꤒꤢ꤬ꤟꤢꤩ꤬ ꤒꤟꤢꤧ꤬ꤒꤢ꤬ꤢꤛꤣ꤭ꤒꤢ꤬ꤏꤢꤧ꤭
ꤔꤟꤢꤧ꤬ꤙꤢꤧ꤬ꤋꤛꤢ꤬ ꤔꤟꤤꤘꤢꤦ꤬ꤒꤣ꤬ꤕꤚꤟꤢꤧ꤬
ꤞ꤉ꤤ꤭ꤡꤢ꤭ꤏꤢꤧ꤭ ꤓ꤉ꤤꤒꤟꤢ꤭ꤜꤟꤛꤢ꤬ꤟꤢꤪ
ꤘꤣ ꤕꤟꤢꤧ꤬ ꤕꤚꤟꤢꤧ꤬ꤜꤟꤢꤨ꤬ꤖꤢꤨ ꤢ꤬ꤑꤢꤩ꤭
ꤔꤟꤢꤧ꤬ꤙꤢꤧ꤬ ꤟꤛꤢ꤭ꤜꤟꤛꤢ꤬ ꤏꤤ꤭ꤕꤜꤤ꤭ꤊꤛꤢ꤭ꤘꤢꤦ꤬ ꤕꤟꤢꤧ꤬ꤒꤟꤢꤧ꤬ꤥ꤬ꤚꤢ꤭
- ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ. . .
꤃꤯꤯ ꤏꤥ꤭ꤖꤢꤏꤥ꤭ꤚꤛꤢ꤬ ꤋꤛꤢ꤬ꤜꤟꤢꤪ꤭ꤕꤜꤤ꤭ ꤒꤟꤢꤧ꤬ꤟꤢꤪ ꤘꤣ ꤕꤟꤢꤧ꤬ꤑꤢꤩ꤭
ꤗꤢ꤬ꤘꤢꤦ꤬ꤟꤢꤪ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤋꤚꤤ
ꤒꤥ꤭ꤜꤟꤛꤢ꤭ꤟꤤꤓꤢꤦ꤬ꤋꤢꤨ꤬ ꤢ꤬ꤞ꤉ꤤ꤬ꤡꤢ꤭ꤏꤢꤧ꤭ ꤓ꤉ꤤꤒꤟꤢ꤭ꤟꤢꤪ
ꤊꤤ꤬ꤞꤢꤨ꤭ꤕꤟꤢꤧ꤬ ꤘꤣ ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬
ꤕꤚꤟꤢꤧ꤬ꤚꤢ꤭ : ꤋꤢꤨ꤭-ꤜꤣ ꤜꤣ꤬
ꤕꤚꤟꤢꤧ꤬ꤟꤢꤩꤚꤥ꤭ : ꤋꤢꤨ꤭-ꤒꤥ ꤚꤢꤧ꤬ , ꤋꤢꤨ꤭-ꤞꤢꤨ ꤚꤢꤧ꤬
No comments:
Post a Comment