❇︎ ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬ ❇︎
ꤚꤢ꤭꤯ꤤ꤬ꤚꤥ꤭ : Unknown
ꤗꤟꤌꤣꤗꤟꤌꤣ ꤘꤣ ꤗꤟꤌꤣꤢ꤬ꤗꤟꤥ꤬
ꤥ꤬ꤕꤢ꤬ꤡꤟꤢꤧꤜꤟꤛꤢ꤬ꤘꤢꤦ꤬ ꤠꤢ꤭ꤟꤢꤩ꤬ꤋꤢꤨ꤬ꤛꤢꤩ꤭
ꤕꤤ꤬ꤟꤢꤪ ꤕꤢ꤭ꤗꤟꤌꤣꤟꤢꤪꤜꤟꤢꤧ꤭ ꤋꤝꤢꤧ꤬ꤘꤛꤢꤩꤠꤢ꤭
ꤗꤟꤌꤣ ꤗꤟꤥ꤬ꤘꤛꤢꤩꤕꤝꤟꤢꤨꤙꤢꤒꤢꤩ꤭?
ꤗꤟꤌꤣꤗꤟꤌꤣ ꤒꤟꤢꤧ꤬ꤗꤟꤥ꤬ ꤢ꤬ꤍꤟꤢꤨ꤬ꤘꤢꤨ꤬ꤜꤢ꤭
ꤡꤟꤢꤨ꤭ꤗꤟꤌꤣꤍꤟꤥ꤫ ꤚꤢꤪ ꤊꤤ꤬ꤕꤟꤢꤦ꤭ꤘꤢꤨ꤬ꤊꤜꤢꤪ꤭‚ ꤕꤤ꤬ꤕꤣ ꤢ꤬ꤖꤝꤤ꤭
ꤗꤟꤌꤣꤏꤥ꤭ꤚꤛꤢ꤬ ꤘꤛꤢꤩꤠꤢ꤭ꤙꤟꤌꤣꤖꤤ꤭
ꤗꤟꤌꤣꤤ꤬ꤞꤛꤥ ꤊꤢꤪ꤬ꤔꤢꤑꤟꤢꤗꤢꤩ
ꤖꤢꤧ꤭ꤖꤢꤧ꤭ ꤘꤣ ꤖꤢꤧ꤭ꤢ꤬ꤗꤟꤥ꤬
ꤖꤢꤧ꤭ꤏꤥ꤭ꤚꤛꤢ꤬ꤘꤛꤢꤩ ꤜꤟꤢꤩꤢꤩ꤬ꤜꤟꤢꤩꤥ꤭
ꤊꤟꤢꤩꤊꤢꤨ꤬ ꤊꤟꤢꤩꤡꤢꤦ꤬ꤢ꤬ꤊꤜꤢꤧ꤭‚ ꤟꤢꤧ꤭ꤘꤛꤢꤩꤜꤟꤛꤢ꤭
ꤢ꤬ꤒꤟꤢꤧ꤬ ꤘꤣ ꤖꤢꤨꤢ꤬ꤑꤢꤩ꤭‚ ꤊꤟꤢꤨꤞꤢ꤭ꤓꤝꤤꤒꤟꤢ꤭ ꤒꤟꤢꤧ꤬ꤢꤩ꤬ꤚꤛꤢ꤬ꤊꤜꤢꤧ꤭
ꤡꤟꤢꤨ꤭ꤖꤢꤧ꤭ꤜꤟꤢ꤭ ꤚꤢꤪ ꤡꤛꤣꤊꤜꤛꤢꤢ꤬ꤗꤟꤥ꤬ ꤚꤛꤢ꤬ꤒꤟꤢꤧ꤬ꤢ꤬ꤖꤝꤤ꤭
ꤖꤢꤧ꤭ꤘꤣ꤬ꤑꤢ꤭ ꤖꤢꤧ꤭ꤒꤢ꤬ꤟꤢ꤬ꤔꤛꤣ꤬
ꤒꤥ꤭ꤔꤟꤤꤕꤝꤟꤢꤨ ꤕꤟꤢꤧ꤬ꤘꤣ꤬ꤑꤢ꤭ꤔꤛꤣ꤬
ꤗꤟꤥ꤬ꤜꤣ ꤗꤟꤢꤘꤢꤦ꤬ ꤗꤟꤌꤣꤖꤢꤧ꤭
ꤒꤟꤢꤧ꤬ꤗꤟꤥ꤬ ꤢ꤬ꤚꤟꤛꤣ꤬ ꤢ꤬ꤥ꤬ꤕꤢ꤭ꤒꤥ꤭
ꤢꤨ꤭ꤚꤟꤛꤣ꤬ ꤊꤤ꤬ꤗꤟꤥ꤬ꤘꤛꤢꤩꤠꤢ꤭
ꤢ꤬ꤞꤛꤢ ꤔꤢ ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬ꤘꤛꤢꤩꤒꤥ꤬
ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬‚ ꤢ꤬ꤍꤟꤢꤨ꤬ꤘꤢꤨ꤬ꤜꤢ꤭
ꤡꤟꤢꤨ꤭ꤗꤟꤌꤣꤍꤟꤥ꤫ꤒꤥ꤬‚ ꤖꤛꤢꤩ꤭ꤖꤢꤧ꤭ꤜꤟꤢ꤭ꤒꤥ꤬ ꤥ꤬ꤕꤟꤛꤢꤏꤢꤧ꤭ꤕꤢ꤭
ꤗꤟꤌꤣꤏꤥ꤭ꤚꤛꤢ꤬ ꤘꤛꤢꤩꤠꤢ꤭ꤙꤟꤌꤣꤖꤤ꤭
ꤖꤢꤧ꤭ꤏꤥ꤭ꤚꤛꤢ꤬ ꤙꤟꤌꤣꤞꤢꤧ꤬ꤞꤢꤨꤊꤚꤟꤢ꤭
ꤢꤨ꤭ꤚꤟꤛꤣ꤬ ꤊꤤ꤬ꤗꤟꤥ꤬ꤘꤛꤢꤩꤠꤢ꤭
ꤢ꤬ꤞꤛꤢ ꤔꤢ ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬ꤘꤛꤢꤩꤒꤥ꤬
ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬‚ ꤢ꤬ꤍꤟꤢꤨ꤬ꤘꤢꤨ꤬ꤜꤢ꤭
No comments:
Post a Comment