* ꤊꤜꤛꤢ꤬ꤓꤛꤢ꤬ ꤚꤟꤥꤜꤟꤢꤨ꤭ꤘꤣ ꤕꤟꤢꤧ꤬ꤒꤟꤢꤧ꤬ꤗꤟꤢꤒꤟꤢꤩ꤭ *
꤁꤯꤯ ꤗꤛꤢꤩ꤭ꤡꤣ꤬ ꤕꤟꤢꤧ꤬ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤒꤟꤢꤧ꤬ꤏꤛꤣꤒꤟꤢꤧ꤬ꤋꤢꤧ꤭ ꤟꤛꤢ꤭ꤒꤟꤌꤣꤟꤢꤪ
- ꤡꤢꤪꤗꤢ꤬ꤚꤛꤢ꤬ ꤢ꤬ꤓꤛꤢꤩ꤭ꤢ꤬ꤊꤟꤢꤩ ꤊꤟꤢꤦꤘꤢꤨ꤬ꤓꤛꤢ꤬ ꤓꤢꤨ꤭ꤓꤛꤢ꤬ꤢ꤬ꤑꤢꤩ꤭
ꤕꤟꤢꤧ꤬ꤙꤢꤧ꤬ ꤔꤛꤢ꤭ꤊꤢ꤬ꤓꤢꤪ꤬ ꤗꤟꤢꤩ꤬ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤗꤟꤢꤩ꤬
ꤡꤢꤪꤗꤢ꤬ꤚꤛꤢ꤬ ꤘꤛꤢꤩꤊꤟꤤꤞꤢꤧꤟꤢꤪꤕꤟꤢꤧ꤬ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤟꤤ꤬ꤜꤢ꤬ ꤢ꤬ꤒꤟꤢꤧ꤬ꤗꤟꤢꤩ꤬
ꤓꤢꤪꤟꤢꤧ꤭ꤓꤢꤪꤚꤢꤩ꤬ ꤚꤢꤪ ꤊꤜꤛꤢ꤬ꤓꤛꤢ꤬ꤚꤟꤥꤜꤢꤨ꤭ ꤘꤣ ꤕꤟꤢꤧ꤬ꤒꤟꤢꤧ꤬ꤗꤟꤢꤒꤟꤢꤩ꤭
꤂꤯꤯ ꤏꤥ꤭ꤒꤢ꤬ꤕꤟꤢ꤬ꤒꤟꤢꤧ꤬ ꤘꤣ ꤜꤟꤢꤩꤋꤛꤢꤩ꤭
ꤊꤜꤛꤢ꤬ꤓꤛꤢ꤬ ꤘꤣꤑꤢꤩ꤭ꤚꤢꤪ ꤜꤟꤢꤦ꤬ꤕꤟꤢꤦꤗꤢ꤬ ꤒꤟꤢꤧ꤬ ꤘꤣ ꤋꤚꤤꤊꤤ꤬ꤘꤛꤢꤩꤕꤟꤢꤧ꤬
ꤡꤢꤪꤗꤢ꤬ꤚꤛꤢ꤬ ꤢꤧ꤫ꤓꤛꤢ꤬ꤟꤢꤪꤕꤟꤢꤧ꤬ ꤘꤣ ꤒꤟꤢꤧ꤬ꤋꤢ꤭ꤜꤟꤢꤩꤓꤛꤢ꤬ꤜꤟꤌꤣ꤭
ꤞꤛꤢꤖꤢꤨꤕꤟꤢꤧ꤬ ꤊꤤ꤬ꤔꤟꤤꤙꤢꤧ꤬ ꤒꤟꤢꤧ꤬ꤏꤢꤪ꤭ꤚꤤ꤬
ꤤ꤬ꤚꤥ꤭ꤋꤛꤢꤩ꤭꤮ ꤊꤜꤛꤢ꤬ꤊꤟꤢ꤬ꤓꤛꤢ꤬ꤚꤟꤥꤜꤢꤨ꤭ ꤘꤣꤑꤢꤩ꤭ ꤙꤢꤩ꤭ꤊꤛꤢ꤭ ꤒꤟꤢꤧ꤬ꤘꤣ ꤥ꤬ꤔꤢꤔꤟꤢꤧ꤬
ꤞꤛꤢꤖꤢꤨ ꤕꤟꤢꤧ꤬ꤊꤤ꤬ꤗꤟꤢ꤬ꤘꤣ ꤕꤚꤟꤢꤧ꤬ꤜꤣꤡꤟꤛꤢꤙꤢ꤭ꤓꤛꤢ꤬
ꤞꤛꤢꤖꤢꤨ ꤕꤟꤢꤧ꤬ꤊꤤ꤬ꤗꤟꤢ꤬ꤘꤣ ꤕꤚꤟꤢꤧ꤬ꤜꤣꤡꤟꤛꤢꤙꤢ꤭ꤓꤛꤢ꤬
ꤙꤛꤢ꤬ꤡꤢꤧ꤬ꤛꤢꤩ꤬ꤏꤛꤢꤨ ꤢꤧ꤫ꤕꤟꤢꤧ꤬ ꤘꤣ ꤢ꤬ꤒꤟꤢꤧ꤬ꤋꤢ꤭ꤜꤟꤢꤩꤓꤛꤢ꤬ꤜꤟꤌꤣ꤭
ꤞꤛꤢꤖꤢꤨ ꤕꤟꤢꤧ꤬ꤊꤤ꤬ꤗꤟꤢꤩ꤬ ꤢ꤬ꤒꤟꤢꤧ꤬ꤗꤟꤢꤩ꤬ ꤜꤟꤢꤪ꤭ꤞꤢꤨ꤬ꤜꤟꤢꤪ꤭ꤞꤢꤧ ꤕꤟꤢꤧ꤬ꤊꤤ꤬ꤗꤟꤢꤩ꤬ꤢꤧ꤬ꤗꤢ꤬
ꤕꤟꤢꤧ꤬ꤗꤛꤢꤩ꤭ꤡꤣ꤬ ꤊꤤ꤬ꤗꤟꤢꤘꤢꤦ꤬ ꤕꤚꤟꤢꤧ꤬ꤘꤣ ꤙꤢꤧ꤬ꤏꤢꤪ꤭ꤚꤤ꤬
ꤕꤟꤢꤧ꤬ꤗꤛꤢꤩ꤭ꤡꤣ꤬ ꤊꤤ꤬ꤗꤟꤢꤘꤢꤦ꤬ ꤕꤚꤟꤢꤧ꤬ꤘꤣ ꤙꤢꤧ꤬ꤏꤢꤪ꤭ꤚꤤ꤬
- ꤡꤢꤪꤗꤢ꤬ꤚꤛꤢ꤬ ꤢ꤬ꤓꤛꤢꤩ꤭ꤢ꤬ꤊꤟꤢꤩ ꤊꤟꤢꤦꤘꤢꤨ꤬ꤓꤛꤢ꤬ ꤓꤢꤨ꤭ꤓꤛꤢ꤬ꤢ꤬ꤑꤢꤩ꤭
- ꤕꤟꤢꤧ꤬ꤙꤢꤧ꤬ꤥ꤬ ꤔꤢ ꤕꤟꤢꤧ꤬ꤒꤟꤢꤧ꤬ꤐꤟꤢꤩ꤬ꤕꤜꤤ
- ꤗꤛꤢꤩ꤭ꤡꤣ꤬ ꤕꤟꤢꤧ꤬ꤊꤢ꤬ꤛꤢ꤭ꤜꤟꤤ꤬-ꤖꤢꤨ ꤊꤤ꤬ꤗꤟꤢ ꤙꤛꤢ꤬ꤡꤢꤧ꤬ ꤛꤢꤩ꤬ꤏꤛꤢꤨꤒꤟꤢꤧ꤬
- ꤢꤛꤢꤡꤟꤢꤦ ꤕꤟꤢꤦꤊꤜꤢꤪ꤬ꤗꤢ꤬ ꤘꤛꤢꤩꤒꤟꤢꤧ꤬ꤜꤤ꤭ꤒꤢ꤬ꤋꤢꤧ꤭
ꤕꤚꤟꤢꤧ꤬ꤚꤢ꤭ : ꤋꤢꤨ꤭-ꤜꤣ ꤜꤣ꤬
ꤕꤚꤟꤢꤧ꤬ꤟꤢꤩꤚꤥ꤭ : ꤋꤢꤨ꤭-ꤜꤣ ꤜꤣ꤬ , ꤋꤢꤨ꤭-ꤔꤢꤧ ꤜꤢꤪ꤬
ꤗꤢꤪ꤬-ꤏꤣ ꤌꤢꤩ꤬ ꤔꤢ ꤗꤢꤪ꤬-ꤏꤛꤢꤩ ꤗꤛꤢ꤬
ꤗꤢꤪ꤬-ꤏꤣ ꤌꤢꤩ꤬ ꤔꤢ ꤗꤢꤪ꤬-ꤏꤛꤢꤩ ꤗꤛꤢ꤬
No comments:
Post a Comment