ꤗꤟꤌꤣꤖꤢꤧ꤭ ꤒꤟꤢꤧ꤬ꤙ꤉ꤤ
ꤚꤢ꤭꤯ꤤ꤬ꤚꤥ꤭ : ꤋꤢꤨ꤭-ꤓꤢꤩ꤭ ꤚꤢꤧ꤬
꤁꤯꤯ ꤗꤟꤌꤣ꤮ ꤢꤨ꤭ꤡꤟꤢꤧꤜꤟꤛꤢ꤬ ꤘꤛꤢꤩꤠꤢ꤭ꤟꤢꤩ꤬ꤋꤢꤨ꤬
ꤋꤛꤢ꤬ꤏꤥ꤭ꤖꤢꤏꤥ꤬ꤚꤟꤛꤢ꤬ ꤠꤢ꤭ꤑꤢꤩ꤭ꤙꤢꤒꤢꤩ꤭?
ꤋꤥ꤭ꤑꤟꤢꤛꤢꤩ꤭ ꤞꤢꤧꤑꤢꤩ꤭ ꤓꤛꤢ꤬ꤙꤢꤧ꤬ꤟꤢꤪ
ꤖꤢꤧ꤭ꤢꤣ꤭꤮ ꤔꤟꤢꤧ꤬ꤊꤢꤨꤊꤛꤢ꤭ꤘꤛꤢꤩ ꤠꤢ꤭ꤢ꤬ꤑꤢꤩ꤭
ꤟꤛꤢꤩ꤭ꤊꤟꤢꤦ꤭ꤞꤛꤢ ꤔꤢ ꤜꤟꤢꤩꤢꤩ꤬ꤜꤢꤩꤥ꤭
ꤋꤥ꤭ꤑꤟꤢꤛꤢꤩ꤭ ꤞꤢꤧꤑꤢꤩ꤭ ꤓꤛꤢ꤬ꤙꤢꤧ꤬ꤟꤢꤪ
ꤤ꤬ꤚꤥ꤭ꤋꤛꤢꤩ꤭꤮ ꤊꤣꤗꤟꤌꤣ ꤔꤟꤢꤧ꤬ꤙꤝꤤꤘꤢꤨ꤬ꤜꤢ꤭
ꤖꤢꤧ꤭ꤢꤣ꤭ ꤔꤟꤢꤧ꤬ꤒꤢ꤬ꤚꤛꤢꤩ꤭ ꤓꤢꤨ꤭ꤜꤢ꤭
ꤗꤟꤌꤣꤗꤟꤌꤣ ꤖꤢꤧ꤭ꤖꤢꤧ꤭ ꤗꤟꤥ꤬ꤘꤛꤢꤩꤠꤢ꤭ ꤙꤢꤒꤢꤩ꤭?
ꤋꤥ꤭ꤑꤟꤢ ꤚꤢꤪ ꤞꤢꤧꤑꤢꤩ꤭ꤓꤛꤢ꤬ꤙꤢꤧ꤬ꤟꤢꤪ
꤂꤯꤯ ꤗꤟꤌꤣ꤮ ꤔꤟꤢꤧ꤬ꤖꤛꤢꤘꤛꤢꤩ ꤠꤢ꤭ꤔꤟꤢꤧ꤬ꤟꤢꤪꤜꤢꤧ꤭
ꤔꤟꤢꤧ꤬ꤕꤤ꤬ꤓꤛꤢ꤬ ꤘꤛꤢꤩꤠꤢ꤭ ꤘꤣ ꤔꤟꤢꤧ꤬ꤑꤟꤢꤋꤢꤨ꤬
ꤎꤢꤧꤕꤜꤛꤢꤎꤢꤎꤤ ꤘꤛꤢꤩꤘꤢꤦ꤬ꤠꤢ꤭
ꤖꤢꤧ꤭ꤢꤣ꤭꤮ ꤗꤟꤢꤪꤋꤤꤗꤟꤢꤪꤏꤢꤧ꤭ ꤔꤟꤢꤧ꤬ꤟꤢꤩꤒꤥ꤬
ꤊꤟꤢꤩꤊꤟꤢꤨꤊꤟꤢꤩꤡꤟꤢꤦ꤬ ꤔꤟꤢꤧ꤬ꤙꤢꤧ꤬ꤐꤢꤪ꤬ ꤔꤢꤒꤥ꤬
ꤋꤛꤢ꤬ꤏꤥ꤭ꤚꤛꤢ꤬ ꤘꤢꤦ꤬ ꤠꤢ꤭ꤢ꤬ꤑꤢꤩ꤭
꤃꤯꤯ ꤗꤟꤌꤣ꤮ ꤔꤟꤢꤧ꤬ꤗꤟꤥ꤬ ꤘꤛꤢꤩꤠꤢ꤭ ꤕꤢ꤬ꤡꤟꤢꤧꤋꤢꤧ꤭
ꤔꤟꤢꤧ꤬ꤤ꤬ꤜꤟꤛꤣ ꤠꤢ꤭ꤓꤛꤢꤩ꤭ ꤊꤢ꤬ꤡꤟꤢꤨꤊꤢꤪꤔꤟꤢꤪ꤭
ꤘꤛꤢꤩꤢꤩ꤬ꤘꤛꤢꤩꤥ꤭ ꤊꤢꤪꤘꤢꤦ꤬ꤠꤢ꤭
ꤖꤢꤧ꤭ꤢꤣ꤬ ꤔꤟꤢꤧ꤬ꤗꤟꤥ꤬ ꤘꤛꤢꤩꤘꤢꤦ꤬ ꤠꤢ꤭ꤘꤢꤨ꤬ꤓꤛꤢ꤬
ꤒꤢ꤬ꤚꤤ꤬ꤒꤢ꤬ꤚꤛꤢ꤭ ꤘꤢꤦ꤬ꤠꤢ꤭ꤑꤢꤩ꤭ ꤙꤢꤒꤢꤩ꤭?
ꤋꤥ꤭ꤑꤟꤢꤛꤢꤩ꤭ ꤞꤢꤧꤑꤢꤩ꤭ ꤓꤛꤢ꤬ꤙꤢꤧ꤬ꤟꤢꤪ
꤄꤯꤯ ꤗꤟꤌꤣ꤮ ꤔꤟꤢꤧ꤬ꤏꤥ꤭ꤚꤛꤢ꤬ꤘꤛꤢꤩ ꤠꤢ꤭ꤙꤟꤌꤣꤖꤤ꤭
ꤖꤢꤧ꤭ꤏꤥ꤭ꤖꤢꤘꤛꤢꤩꤠꤢ꤭ ꤙꤟꤌꤣꤞꤢꤧ꤬ ꤞꤢꤨ꤭ꤊꤚꤟꤢ꤭
ꤠꤢ꤭ꤞꤢꤧꤑꤢꤩ꤭ ꤓꤛꤢ꤬ꤒꤟꤌꤣꤙꤢꤧ꤬ꤟꤢꤪ
ꤒꤟꤢꤧ꤬ꤗꤟꤥ꤬ ꤞꤛꤢꤔꤢ ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬ꤔꤛꤣ꤬
ꤟꤢꤩ꤬ꤋꤢꤨ꤬ꤛꤢꤩ꤭ ꤠꤢ꤭ꤗꤛꤢꤓꤛꤢꤩ꤬ꤙꤢꤧ꤬ ꤔꤢꤒꤥ꤬
ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬ ꤢ꤬ꤍꤟꤢꤨ꤬ꤘꤢꤨ꤬ꤜꤢ꤭
No comments:
Post a Comment