ꤗꤟꤌꤣ
ꤚꤢ꤭꤯ꤤ꤬ꤚꤥ꤭ : ꤋꤢꤨ꤭-ꤢꤪ꤬ꤍꤢꤧ
꤁꤯꤯ ꤠꤢ꤭ꤥ꤬ꤜꤟꤛꤢ꤬ ꤟꤢꤩ꤬ꤋꤢꤨ꤬ꤋꤢꤧ꤭
ꤞꤢꤧꤑꤢꤩ꤭ꤔꤟꤤꤒꤥ꤬ ꤗꤟꤌꤣꤒꤟꤢꤧ꤬ꤗꤟꤥ꤬ ꤔꤟꤤꤠꤢ꤭
ꤙꤤ ꤠꤢ꤭ꤕꤢ꤬ꤡꤟꤢꤧ ꤢ꤬ꤋꤢꤧ꤭‚ ꤊꤟꤢꤦꤓꤝꤟꤥ꤭ꤖꤢꤨ ꤘꤣ ꤢ꤬ꤜꤤ꤬ꤗꤛꤢ꤭
ꤗꤟꤌꤣꤞꤢꤨ꤭ꤜꤟꤛꤢ꤬ ꤘꤣ ꤒꤟꤢꤧ꤬ꤜꤤ꤭ꤒꤟꤢꤧ꤬ꤋꤢꤧ꤭ꤊꤜꤢꤧ꤭
꤂꤯꤯ ꤠꤢ꤭ ꤊꤟꤢꤦꤥ꤬ꤙꤢꤧ ꤢꤨ꤭ꤢ꤬ꤊꤜꤢꤧ꤭
ꤗꤟꤌꤣ ꤋꤢ꤬ꤏꤥ꤭ꤖꤢꤏꤥ꤭ꤚꤛꤢ꤬ ꤒꤟꤢꤧ꤬ ꤘꤣ ꤠꤢ꤭ꤑꤢꤩ꤭
ꤖꤢꤨ ꤠꤢ꤭ꤊꤟꤢꤦꤘꤢꤨ꤬ꤓꤛꤢ꤬ ꤢ꤬ꤑꤢꤩ꤭
ꤗꤛꤢꤋꤝꤢꤧ꤬ꤠꤢ꤭ ꤘꤣ ꤒꤟꤢꤧ꤬ꤡꤛꤢꤩ꤭ꤊꤢꤨ꤭
ꤘꤣ ꤠꤢ꤭ꤑꤢꤩ꤭‚ ꤗꤢꤧ꤬ꤞꤢꤧ꤬ꤓꤛꤢꤩ꤭ꤙꤢꤧ꤬ ꤒꤟꤢ꤭ꤜꤟꤛꤢ꤬ꤟꤢꤪ
꤃꤯꤯ ꤙꤤ ꤠꤢ꤭ꤥ꤬ꤛꤢꤩ꤬ ꤔꤢ ꤠꤢ꤭ꤗꤟꤌꤣꤢ꤬ꤋꤢꤧ꤭
ꤔꤟꤢꤩ꤬ꤓꤛꤢ꤬ꤋꤛꤢꤩ꤭ ꤘꤣ ꤙꤤꤗꤟꤌꤣꤤ꤬ꤞꤛꤥ ꤔꤟꤤꤘꤢꤦ꤬ꤠꤢ꤭
ꤘꤣ ꤒꤟꤢꤧ꤬ꤡꤢꤪꤒꤟꤢꤧ꤬ꤒꤟꤢꤩ꤬ ꤢ꤬ꤊꤢꤨ꤭
꤄꤯꤯ ꤖꤢꤨ ꤠꤢ꤭ꤊꤢ꤬ꤓꤢꤪ꤬ ꤙꤢꤧ꤬ꤘꤣ ꤢꤨ꤭ꤐꤟꤥ꤬ꤢ꤬ꤊꤜꤢꤧ꤭
ꤗꤟꤌꤣꤊꤝꤤ꤭ꤡꤢꤪꤙꤢꤧ꤭ ꤓꤛꤢ꤬ꤒꤟꤢꤧ꤬ ꤘꤣ ꤠꤢ꤭꤬ꤢ꤬ꤑꤢꤩ꤭
ꤙꤢꤧ꤬ꤚꤤ꤬ ꤞꤢꤧꤑꤢꤩ꤭ꤊꤢ꤬ꤋꤛꤢꤩ꤭ ꤗꤟꤌꤣꤙꤝꤤꤒꤥ꤬
ꤞꤢꤧꤑꤢꤩ꤭ꤢ꤬ꤋꤢꤧ꤭ ꤗꤟꤌꤣꤥ꤬ ꤠꤢ꤭ꤋꤢ꤭ꤏꤛꤢꤩꤒꤥ꤬
꤅꤯꤯ ꤥ꤬ꤠꤢ꤭ꤗꤟꤌꤣ ꤔꤟꤢꤧ꤬ꤥ꤬ꤒꤥ꤭ ꤙꤤꤒꤢꤩ꤭?
ꤠꤢ꤭ꤊꤝꤤ꤭ꤞꤢꤧꤐꤟꤢꤪ꤬ ꤙꤢꤧ꤬ꤘꤢꤦ꤬ ꤠꤢ꤭ꤒꤟꤢꤧ꤬ꤞꤢꤦ ꤢ꤬ꤑꤢꤩ꤭
ꤠꤢ꤭ꤗꤢ꤬ꤖꤢꤨ ꤘꤣ ꤡꤟꤢꤨ꤭ꤜꤟꤢ꤭ꤖꤛꤢꤩ꤭ꤍꤟꤥ꤫ꤒꤥ꤬
ꤗꤟꤢꤩ꤬ꤖꤢꤨ ꤠꤢ꤭ꤒꤟꤢꤧ꤬‚ ꤗꤟꤌꤣ ꤗꤢꤧ꤬ꤞꤢꤧ꤬ꤓꤛꤢꤩ꤭ꤙꤢꤧ꤬ ꤒꤟꤢ꤭ꤜꤟꤛꤢ꤬
No comments:
Post a Comment