* ꤠꤢ꤭ꤔꤢꤔꤟꤢꤧ꤬ ꤘꤣ ꤋꤚꤤꤢ꤬ꤑꤢꤩ꤭ *
꤁꤯꤯ ꤊꤣ ꤠꤢ꤭ꤕꤟꤌꤣꤕꤚꤟꤢꤧ꤬ꤗꤢꤪ꤬ ꤋꤚꤤꤗꤟꤥ꤬ꤔꤟꤤꤔꤟꤢꤧ꤬ ꤗꤢ꤬ꤔꤟꤢꤧ꤬ꤞꤢꤧꤑꤢꤩ꤭ꤟꤟꤢꤧ꤭?
ꤊꤣ ꤠꤢ꤭ꤠꤟꤛꤢꤕꤚꤟꤢꤧ꤬ꤋꤢꤨ꤭ ꤠꤢ꤭ꤢꤧ꤫ꤗꤟꤥ꤬ꤏꤢꤦ꤬ ꤋꤚꤤꤘꤣ ꤞꤢꤧꤕꤜꤢꤪ꤬ꤊꤢꤨ꤭
ꤘꤣ ꤋꤚꤤꤓꤛꤢꤩ꤭ꤊꤟꤢꤩꤑꤢꤩ꤭ ꤠꤢ꤭ꤔꤢꤔꤟꤢꤧ꤬ ꤒꤥ꤭ꤙꤢꤧ꤬ꤗꤟꤢꤩ꤬ꤖꤢꤨꤒꤢꤩ꤭?
ꤘꤣ ꤋꤚꤤꤓꤛꤢꤩ꤭ꤊꤟꤢꤩꤑꤢꤩ꤭ ꤠꤢ꤭ꤔꤢꤔꤟꤢꤧ꤬ ꤒꤥ꤭ꤙꤢꤧ꤬ ꤡꤛꤣꤚꤟꤥꤜꤢꤨ꤭
ꤤ꤬ꤚꤥ꤭ꤋꤛꤢꤩ꤭꤮ ꤗꤟꤢꤩ꤬ꤖꤢꤨꤔꤛꤣ꤬ꤚꤢꤪ ꤠꤢ꤭ꤔꤢꤔꤟꤢꤧ꤬ ꤘꤣꤋꤚꤤꤓꤛꤢꤩ꤭ꤊꤟꤢꤩꤑꤢꤩ꤭
ꤕꤟꤢꤧ꤬ꤊꤟꤢꤦ ꤡꤛꤣꤚꤟꤥꤜꤢꤨ꤭ ꤊꤟꤢꤦꤗꤟꤢꤩ꤬ꤚꤟꤥꤜꤢꤨ꤭ ꤢ꤬ꤒꤟꤢꤧ꤬ꤗꤟꤢꤩ꤬ꤒꤢ꤬ꤟꤢꤩ꤬
( ꤟꤢꤜꤢꤩꤜꤢꤨꤛꤢ꤬ ) ꤓꤢꤨ꤬ꤞꤢꤧꤓꤛꤢ꤬ꤚꤟꤥꤜꤢꤨ꤭ ꤙꤛꤢ꤬ꤡꤢꤧ꤬ꤗ꤉ꤟꤤ꤭ꤡꤢ꤭ꤏꤢꤧ꤭
꤂꤯꤯ ꤒꤟꤢꤧ꤬ꤞꤢꤧꤊꤚꤟꤢꤦ꤭ꤗꤟꤤ꤬ꤜꤢ꤬ ꤊꤟꤢꤦꤘꤢꤨ꤬ꤓꤛꤢ꤬ꤑꤢꤩ꤭ ꤒꤥ꤭ꤙꤢꤧ꤬ꤗꤟꤢꤩ꤬ꤖꤢꤨꤒꤢꤩ꤭?
ꤕꤟꤢꤧ꤬ꤒꤥ꤭ꤡꤛꤣꤚꤟꤥꤜꤢꤨ꤭ ꤟꤢꤩꤏꤥ꤬ꤘꤣ꤬ꤑꤢ꤬ ꤙꤛꤢ꤬ꤡꤢꤧ꤬ꤋꤚꤤꤜꤟꤢ꤭ꤍꤟꤥ꤫
ꤕꤟꤢꤧ꤬ꤜꤟꤢꤪ꤭ꤕ꤉ꤟꤥꤒꤣ꤬ꤕꤚꤟꤢꤧ꤬ ꤙꤛꤢ꤬ꤡꤢꤧ꤬ꤋꤚꤤꤑꤢꤩ꤭ ꤒꤥ꤭ꤙꤢꤧ꤬ꤗꤟꤢꤩ꤬ꤒꤤ꤭ꤒꤢꤩ꤭?
ꤕꤟꤢꤧ꤬ꤜꤟꤢꤪ꤭ꤕ꤉ꤟꤥꤒꤣ꤬ꤕꤚꤟꤢꤧ꤬ ꤛꤢꤩ꤬ꤏꤛꤢꤨꤢ꤬ꤗ꤉ꤟꤤ꤭ ꤕꤟꤢꤧ꤬ꤙꤢꤧ꤬ꤓꤢꤨ꤬ꤞꤢꤧꤓꤛꤢ꤬
ꤕꤚꤟꤢꤧ꤬ꤚꤢ꤭ : ꤋꤢꤨ꤭-ꤒ꤉ꤟꤥ ꤚꤢꤧ꤬
ꤕꤚꤟꤢꤧ꤬ꤤ꤬ꤚꤥ꤭ : ꤋꤢꤨ꤭-ꤊꤢꤦ꤭ ꤚꤢꤧ꤬ ꤔꤢ ꤗꤢꤪ꤬-ꤊꤢꤩ ꤗꤢꤧ꤬
ꤕꤚꤟꤢꤧ꤬ꤚꤢ꤭ : ꤋꤢꤨ꤭-ꤒ꤉ꤟꤥ ꤚꤢꤧ꤬
ꤕꤚꤟꤢꤧ꤬ꤤ꤬ꤚꤥ꤭ : ꤋꤢꤨ꤭-ꤊꤢꤦ꤭ ꤚꤢꤧ꤬ ꤔꤢ ꤗꤢꤪ꤬-ꤊꤢꤩ ꤗꤢꤧ꤬
No comments:
Post a Comment