Karenni Gospel Music Albums

                            ꤠꤢ꤭ꤙꤝꤤꤘꤢꤦ꤬ꤟꤢꤪ
       ꤚꤢ꤭:ꤋꤢꤨ꤭-ꤢꤧ꤬ ꤎꤥ꤯ ꤤ꤬ꤚꤥ꤭:ꤓꤢꤩ꤭ ꤚꤢꤧ꤬ Love ꤔꤢ ꤗꤤ꤬ ꤚꤢꤧ꤬

꤁꤯꤯ ꤙꤤꤠꤢ꤭ꤗꤛꤢꤓꤛꤢꤩ꤬ ꤒꤟꤢ꤭ꤏꤢꤦ꤬ꤔꤟꤢꤧ꤬ ꤢ꤬ꤏꤛꤣꤋꤢꤧ꤭
      ꤔꤟꤢꤧ꤬ꤒꤟꤢꤧ꤬ꤒꤝꤟꤥꤒꤢ꤬ꤟꤢꤩ꤬ ꤥ꤬ꤜꤟꤛꤣ꤭ꤓꤛꤢ꤬
      ꤠꤢ꤭ꤗꤛꤢꤗꤟꤢꤩ꤬ ꤋꤥ꤭ꤙꤢꤪꤞꤛꤥ ꤊꤟꤌꤣ꤭ꤘꤢꤦ꤬ ꤔꤢ ꤔꤟꤢꤧ꤬
      ꤏꤢꤨ꤬ꤘꤛꤢ꤭ꤘꤢꤦ꤬ꤔꤟꤢꤧ꤬ ꤍꤟꤥꤛꤢꤩ꤭ꤒꤢ꤬ꤗꤢꤦ꤭
      ꤔꤟꤢꤧ꤬ꤋꤥ꤭ꤗꤟꤥ꤬ ꤥ꤬ꤟꤢꤪꤟꤟꤢꤧ꤭? ꤠꤢ꤭ꤏꤢꤨ꤬ꤘꤛꤢ꤭ꤔꤟꤢꤧ꤬
      ꤥ꤬ꤒꤥ꤬ ꤔꤟꤢꤧ꤬ꤟꤢꤩꤏꤢꤦ꤬ ꤠꤢ꤭ꤋꤢꤧ꤭‚ ꤘꤣ ꤠꤢ꤭ꤞꤢꤧꤕꤜꤢꤪ꤬ꤢ꤬ꤊꤢꤨ꤭
      ꤞꤢꤧꤐꤟꤢꤦꤓꤝꤟꤥ꤭ꤔꤟꤢꤧ꤬ ꤋꤥ꤭ꤗꤟꤥ꤬. .

꤂꤯꤯ ꤗꤢ꤬ꤔꤢꤚꤢꤪ ꤠꤢ꤭ꤟꤢꤩꤏꤥ꤬ꤙꤢꤦ꤬ ꤊꤟꤌꤣ꤭ꤘꤢꤦ꤬ꤒꤥ꤬‚ ꤋꤢꤦ꤭ꤋꤢꤦ꤭ꤟꤟꤢ꤭ꤟꤟꤢ꤭ ꤟꤢꤩꤏꤥ꤬ꤙꤢꤦ꤬ꤒꤥ꤬
       ꤘꤛꤢ꤬ꤥ꤬ꤘꤣ ꤠꤢ꤭ꤞꤢꤧꤕꤜꤢꤪ꤬ꤊꤢꤨ꤭ ꤕꤝꤟꤥꤖꤟꤌꤣꤚꤢꤪ
       ꤢ꤬ꤙꤢꤧ꤬ꤏꤢꤧ꤭ꤊꤛꤢ꤭ꤘꤢꤦ꤬ ꤠꤢ꤭ꤞꤢꤧꤕꤜꤢꤪ꤬
       ꤊꤣꤚꤟꤢꤩꤘꤛꤢꤩꤏꤥ꤬ ꤊꤟꤌꤣ꤭ꤘꤢꤦ꤬ꤔꤟꤢꤧ꤬ ꤠꤢ꤭ꤞꤢꤧꤐꤟꤢꤦꤔꤟꤢꤧ꤬
       ꤏꤛꤣꤋꤢꤧ꤭ꤙꤢꤪꤋꤢꤩ꤭ ꤙꤢꤒꤢꤩ꤭ꤔꤛꤣ꤬ꤚꤢꤪ
       ꤒꤢꤩ꤬ꤔꤢꤩ꤬ ꤥ꤬ꤢꤧ꤫ꤘꤢꤦ꤬ꤔꤟꤢꤧ꤬ ꤖꤢꤨꤔꤟꤢꤧ꤬ ꤊꤣꤚꤟꤢꤩꤏꤥ꤬ꤘꤢꤦ꤬ꤔꤟꤢꤧ꤬. .

ꤤ꤬ꤚꤥ꤭ꤋꤛꤢꤩ꤭꤮ ꤋꤢꤨ꤭ꤔꤛꤢ꤬ꤋꤢꤧ꤭ ꤙꤤꤔꤟꤢꤧ꤬ꤋꤢ꤭ꤏꤛꤢꤩꤔꤛꤣ꤬ ꤚꤢꤪ‚ ꤢꤨ꤭ꤚꤛꤣ꤬ ꤟꤛꤢ꤭ꤥ꤬ꤊꤛꤢ꤭ꤘꤢꤦ꤬ꤟꤢꤪ
                      ꤠꤢ꤭ꤥ꤬ꤊꤛꤢ꤭ꤔꤢ ꤞꤢꤧꤕꤜꤢꤪ꤬ꤢ꤬ꤊꤢꤨ꤭ꤔꤛꤣ꤬ ꤚꤢꤪ‚ ꤠꤢ꤭ꤒꤢ꤬ꤔꤟꤢꤩ꤬ ꤥ꤬ꤢꤧꤓꤛꤢ꤬ꤘꤢꤦ꤬ꤟꤢꤪ
                      ꤋꤢꤨ꤭ꤔꤛꤢ꤬ꤛꤢꤩ꤭ ꤙꤤꤔꤟꤢꤧ꤬ꤋꤢ꤭ꤏꤛꤢꤩꤔꤛꤣ꤬ ꤚꤢꤪ‚ ꤢꤨ꤭ꤚꤛꤣ꤬ꤟꤛꤢ꤭ꤥ꤬ꤊꤛꤢ꤭ꤘꤢꤦ꤬ꤟꤢꤪ
                      ꤠꤢ꤭ꤥ꤬ꤊꤛꤢ꤭ꤔꤢ ꤞꤢꤧꤕꤜꤢꤪ꤬ꤢ꤬ꤊꤢꤨ꤭ꤔꤛꤣ꤬ ꤚꤢꤪ ꤒꤢ꤬ꤔꤟꤢꤩ꤬ ꤥ꤬ꤢꤧꤓꤛꤢ꤬ꤘꤢꤦ꤬

ꤟꤢꤩꤙꤢꤧ꤬ꤒꤢ꤬ꤜꤢ꤭꤮ ꤠꤢ꤭ꤞꤢꤧꤐꤟꤢꤦꤙꤢꤧ꤬ꤊꤟꤌꤣ꤭ꤘꤢꤦ꤬ꤔꤢꤔꤟꤢꤧ꤬
                          ꤋꤢꤨ꤭ꤔꤢꤧ꤬ꤋꤢꤩ꤭ ꤠꤢ꤭ꤔꤟꤤꤙꤢꤧ꤬ꤊꤟꤌꤣ꤭ꤔꤢ ꤔꤟꤢꤧ꤬ꤒꤟꤢꤧ꤬ꤗꤟꤥ꤬ꤒꤥ꤬
                          ꤚꤢꤪ ꤠꤢ꤭ꤟꤢꤩꤏꤥ꤬ꤙꤢꤦ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬ꤒꤥ꤬ ꤗꤢ꤬ꤟꤢꤪꤠꤢ꤭
                          ꤠꤢ꤭ꤒꤟꤢꤧ꤬ꤚꤤ꤬ꤛꤢꤩ꤭ꤒꤢ꤬ꤟꤢꤩ꤬ ꤘꤣꤠꤢ꤭ꤗꤟꤢꤩ꤬ꤙꤢꤦ꤬
                          ꤟꤢꤩꤙꤢꤦ꤬ꤊꤟꤌꤣ꤭ꤔꤢ ꤔꤟꤢꤧ꤬ꤒꤥ꤬ꤚꤢꤪ ꤠꤢ꤭ꤜꤢ꤬ꤡꤟꤢꤨꤊꤛꤢ꤭ ꤘꤢꤦ꤬ꤔꤛꤣ꤬ꤟꤢꤪ. .
                          ꤛꤢꤧ. . ꤙꤤꤟꤢꤩ꤬ꤋꤢꤨ꤬ꤛꤢꤩ꤭ꤗꤢ꤬ ꤔꤟꤢꤧ꤬ꤒꤢ꤬ꤕꤚꤟꤢꤧ꤬ꤔꤛꤣ꤬
                          ꤒꤟꤢꤧ꤬ꤒꤝꤟꤥꤊꤜꤢꤪ꤭ꤜꤣꤠꤢ꤭ꤑꤢꤩ꤭ꤚꤢꤪ ꤠꤢ꤭ꤞꤢꤧꤐꤟꤢꤦꤞꤢꤧꤜꤟꤢꤪ꤭ ꤙꤢꤧ꤬ꤊꤟꤌꤣ꤭ꤘꤢꤦ꤬ꤔꤢꤔꤟꤢꤧ꤬
                          ꤞꤢꤧꤐꤟꤢꤦꤟꤢꤩꤏꤥ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬ ꤞꤢꤧꤐꤟꤢꤦꤗꤟꤢꤩ꤬ꤗꤟꤥ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬
                          ꤒꤢ꤬ꤡꤟꤢꤨꤕꤚꤟꤢꤧ꤬ ꤢ꤬ꤑꤢꤩ꤭ꤔꤛꤣ꤬ ꤗꤟꤢꤊꤟꤌꤣ꤭ꤘꤢꤦ꤬ꤔꤢꤔꤟꤢꤧ꤬. . ꤢꤥ꤫. .

꤃꤯꤯ ꤞꤢꤧꤐꤟꤢꤦꤞꤢꤧꤜꤟꤢꤪ꤭ ꤙꤢꤧ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬‚ ꤗꤟꤢꤩ꤬ꤒꤢꤩ꤭ ꤠꤢ꤭ꤟꤢꤩꤏꤥ꤬ꤙꤢꤦ꤬ꤔꤟꤢꤧ꤬ꤒꤥ꤬

       ꤋꤢꤨ꤭ꤔꤢꤧ꤬ꤋꤢꤩ꤭ ꤙꤢꤧ꤬ꤏꤢꤧ꤭ꤊꤛꤢ꤭ꤟꤢꤪꤠꤢ꤭ ꤠꤢ꤭ꤟꤢꤩꤏꤥ꤬ꤙꤢꤦ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬ꤒꤥ꤬

       ꤒꤟꤢꤧ꤬ꤚꤤ꤬ꤛꤢꤩ꤭ ꤒꤢ꤬ꤟꤢꤩ꤬ꤔꤛꤣ꤬ ꤚꤢꤪ ꤢꤣ꤭ꤗꤢ꤬ ꤠꤢ꤭ꤙꤝꤤꤊꤟꤌꤣ꤭ꤘꤢꤦ꤬ꤟꤢꤪ
       ꤋꤢꤨ꤭ꤔꤢꤧ꤬ꤋꤢꤩ꤭ ꤒꤢ꤬ꤔꤟꤢꤩ꤬ ꤥ꤬ꤢꤧ꤫ꤘꤢꤦ꤬ꤔꤟꤢꤧ꤬ꤑꤢꤩ꤭‚ ꤗꤢ꤬ꤊꤟꤌꤣ꤭ ꤠꤢ꤭ꤙꤝꤤꤘꤢꤦ꤬ꤟꤢꤪ. .

  - ꤋꤢꤨ꤭ꤔꤛꤢ꤬ꤛꤢꤩ꤭ ꤙꤤꤔꤟꤢꤧ꤬ꤋꤢ꤭ꤏꤛꤢꤩꤔꤛꤣ꤬ꤚꤢꤪ ꤢꤨ꤭ꤚꤛꤣ꤬ꤟꤛꤢ꤭ꤥ꤬ꤊꤛꤢ꤭ꤘꤢꤦ꤬ꤟꤢꤪ
  - ꤠꤢ꤭ꤥ꤬ꤊꤛꤢ꤭ꤔꤢ ꤞꤢꤧꤕꤜꤢꤪ꤬ꤢ꤬ꤊꤢꤨ꤭ꤔꤛꤣ꤬ ꤚꤢꤪ ꤒꤢ꤬ꤔꤟꤢꤩ꤬ ꤥ꤬ꤢꤧꤓꤛꤢ꤬ꤘꤢꤦ꤬
  - ꤋꤢꤨ꤭ꤔꤛꤢ꤬ꤋꤢꤧ꤭ ꤙꤤꤔꤟꤢꤧ꤬ꤋꤢ꤭ꤏꤛꤢꤩꤔꤛꤣ꤬ ꤚꤢꤪ ꤢꤨ꤭ꤚꤛꤣ꤬ꤟꤛꤢ꤭ꤥ꤬ꤊꤛꤢ꤭ꤘꤢꤦ꤬ꤟꤢꤪ
  - ꤠꤢ꤭ꤥ꤬ꤊꤛꤢ꤭ꤔꤢ ꤞꤢꤧꤕꤜꤢꤪ꤬ꤢ꤬ꤊꤢꤨ꤭ꤔꤛꤣ꤬ ꤚꤢꤪ ꤛꤢꤩ꤭ꤗꤢ꤬ꤠꤢ꤭ꤙꤝꤤꤘꤢꤦ꤬ꤟꤢꤪ. .

ꤤ꤬ꤚꤥ꤭ꤋꤛꤢꤩ꤭꤮ ꤋꤢꤨ꤭ꤔꤛꤢ꤬ꤋꤢꤧ꤭ ꤙꤤꤔꤟꤢꤧ꤬ꤋꤢ꤭ꤏꤛꤢꤩꤔꤛꤣ꤬ꤚꤢꤪ ꤢꤨ꤭ꤚꤛꤣ꤬ꤟꤛꤢ꤭ꤥ꤬ꤊꤛꤢ꤭ꤘꤢꤦ꤬ꤟꤢꤪ
                      ꤠꤢ꤭ꤥ꤬ꤊꤛꤢ꤭ꤔꤢ ꤞꤢꤧꤕꤜꤢꤪ꤬ꤢ꤬ꤊꤢꤨ꤭ꤔꤛꤣ꤬ꤚꤢꤪ ꤠꤢ꤭ꤒꤢ꤬ꤔꤟꤢꤩ꤬ꤥ꤬ꤢꤧꤓꤛꤢ꤬ꤘꤢꤦ꤬ꤟꤢꤪ
                      ꤋꤢꤨ꤭ꤔꤛꤢ꤬ꤋꤢꤧ꤭ ꤙꤤꤔꤟꤢꤧ꤬ꤋꤢ꤭ꤏꤛꤢꤩꤔꤛꤣ꤬ꤚꤢꤪ ꤢꤨ꤭ꤚꤛꤣ꤬ꤟꤛꤢ꤭ꤥ꤬ꤊꤛꤢ꤭ꤘꤢꤦ꤬ꤟꤢꤪ
                      ꤠꤢ꤭ꤥ꤬ꤊꤛꤢ꤭ꤔꤢ ꤞꤢꤧꤕꤜꤢꤪ꤬ꤢ꤬ꤊꤢꤨ꤭ꤔꤛꤣ꤬ꤚꤢꤪ ꤠꤢ꤭ꤒꤢ꤬ꤔꤟꤢꤩ꤬ꤥ꤬ꤢꤧꤓꤛꤢ꤬ꤘꤢꤦ꤬ꤟꤢꤪ

ꤟꤢꤩꤙꤢꤧ꤬ꤒꤢ꤬ꤜꤢ꤭꤮ ꤠꤢ꤭ꤞꤢꤧꤐꤟꤢꤦꤙꤢꤧ꤬ꤊꤟꤌꤣ꤭ꤘꤢꤦ꤬ꤔꤢꤔꤟꤢꤧ꤬
                           ꤋꤢꤨ꤭ꤔꤢꤧ꤬ꤋꤢꤩ꤭ ꤠꤢ꤭ꤔꤟꤤꤙꤢꤧ꤬ꤊꤟꤌꤣ꤭ꤔꤢ ꤔꤟꤢꤧ꤬ꤒꤟꤢꤧ꤬ꤗꤟꤥ꤬ꤒꤥ꤬
                           ꤚꤢꤪ ꤠꤢ꤭ꤟꤢꤩꤏꤥ꤬ꤙꤢꤦ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬ꤒꤥ꤬ ꤗꤢ꤬ꤟꤢꤪꤠꤢ꤭
                           ꤠꤢ꤭ꤒꤟꤢꤧ꤬ꤚꤤ꤬ꤛꤢꤩ꤭ꤒꤢ꤬ꤟꤢꤩ꤬ ꤘꤣꤠꤢ꤭ꤗꤟꤢꤩ꤬ꤙꤢꤦ꤬
                           ꤟꤢꤩꤙꤢꤦ꤬ꤊꤟꤌꤣ꤭ꤔꤢ ꤔꤟꤢꤧ꤬ꤒꤥ꤬ꤚꤢꤪ ꤠꤢ꤭ꤜꤢ꤬ꤡꤟꤢꤨꤊꤛꤢ꤭ ꤘꤢꤦ꤬ꤔꤛꤣ꤬ꤟꤢꤪ. .
                           ꤛꤢꤧ. . ꤙꤤꤟꤢꤩ꤬ꤋꤢꤨ꤬ꤛꤢꤩ꤭ꤗꤢ꤬ ꤔꤟꤢꤧ꤬ꤒꤢ꤬ꤕꤚꤟꤢꤧ꤬ꤔꤛꤣ꤬
                           ꤒꤟꤢꤧ꤬ꤒꤝꤟꤥꤊꤜꤢꤪ꤭ꤜꤣꤠꤢ꤭ꤑꤢꤩ꤭ꤚꤢꤪ ꤠꤢ꤭ꤞꤢꤧꤐꤟꤢꤦꤞꤢꤧꤜꤟꤢꤪ꤭ ꤙꤢꤧ꤬ꤊꤟꤌꤣ꤭ꤘꤢꤦ꤬ꤔꤢꤔꤟꤢꤧ꤬
                           ꤞꤢꤧꤐꤟꤢꤦꤟꤢꤩꤏꤥ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬ ꤞꤢꤧꤐꤟꤢꤦꤗꤟꤢꤩ꤬ꤗꤟꤥ꤬ꤊꤟꤌꤣ꤭ꤘꤢꤦ꤬ꤔꤟꤢꤧ꤬
                           ꤒꤢ꤬ꤡꤟꤢꤨꤕꤚꤟꤢꤧ꤬ ꤢ꤬ꤑꤢꤩ꤭ꤔꤛꤣ꤬ ꤗꤟꤢꤊꤟꤌꤣ꤭ꤘꤢꤦ꤬ꤔꤢꤔꤟꤢꤧ꤬. . ꤢꤥ꤫. .