Book Page #꤂꤁ #21 ( ꤡꤢꤪꤗꤢ꤬ꤚꤛꤢ꤬ ꤥ꤬ꤖꤢꤦ꤬ ꤔꤢ ꤕꤟꤢꤧ꤬ )
( ꤓꤢꤨ꤬ꤞꤢꤧꤓꤛꤢ꤬ ꤁꤃꤉:꤃-꤁꤂, ꤡꤛꤢꤧ꤬ꤚꤢ꤬ꤗꤢꤧ꤭ꤛꤣ꤬ ꤂꤃:꤂꤃-꤂꤄, ꤡꤛꤢꤪꤔꤢ ꤁ )
* ꤡꤢꤪꤗꤢ꤬ꤚꤛꤢ꤬ ꤥ꤬ꤋꤢ꤭ꤜꤟꤢꤩ ꤕꤝꤟꤥ꤭ꤒꤣ꤬ꤖꤥ꤬ *
* God is everywhere *
꤁꤯꤯ ꤡꤢꤪꤗꤢ꤬ꤚꤛꤢ꤬ ꤥ꤬ꤋꤢ꤭ꤜꤟꤢꤩ ꤕꤝꤟꤥ꤭ꤖꤥ꤬
ꤗꤛꤢꤒꤟꤢ꤭ꤟꤌꤣ꤬ ꤕꤚꤟꤢꤧ꤬ꤜꤢꤨ꤬ ꤗꤟꤢꤩ꤬ꤒꤟꤢꤧ꤬
ꤥ꤬ꤝꤥ ꤥ꤬ꤢꤟꤌꤣ ꤙꤤꤡꤟꤛꤢꤒꤥ꤬
ꤋꤤꤙꤢꤧ꤬ꤙꤢꤧ꤬ ꤗꤛꤢꤓꤛꤢꤩ꤬ ꤜꤟꤌꤣ꤭ꤕꤝꤟꤥ꤭
꤂꤯꤯ ꤊꤜꤛꤢ꤬ꤥ꤬ꤝꤥ ꤥ꤬ꤢꤟꤌꤣꤡꤟꤛꤢꤒꤥ꤬
ꤡꤢꤪꤗꤢ꤬ꤚꤛꤢ꤬ ꤥ꤬ꤜꤟꤢꤪ꤭ ꤊꤟꤢꤩꤕꤝꤟꤥ꤭ꤖꤥ꤬
ꤗꤛꤢꤔꤟꤌꤣ꤭ꤒꤟꤌꤣ ꤞꤢꤧꤕꤜꤢꤪ꤬ꤊꤤꤊꤢꤨ꤭
ꤊꤜꤢ꤭ꤔꤟꤌꤣ꤭ꤒꤟꤌꤣ ꤞꤛꤣ꤬ꤓꤛꤢꤩ꤭ꤢ꤬ꤕꤜꤢꤧ꤬
꤃꤯꤯ ꤜꤟꤢꤪ꤭ꤕꤚꤟꤢꤧ꤬ꤜꤢꤨ꤬ ꤒꤢ꤬ꤔꤟꤢꤩ꤬ ꤘꤢꤪꤢꤟꤌꤣ
ꤡꤢꤪꤗꤢ꤬ꤚꤛꤢ꤬ ꤞꤢꤧꤑꤢꤩ꤭ꤜꤟꤢꤪ꤭ꤕ꤉ꤟꤥ꤭ꤖꤟꤌꤣ
ꤕꤚꤟꤢꤧ꤬ꤜꤢꤨ꤬ ꤡꤟꤛꤢꤒꤢ꤬ꤔꤟꤢꤩ꤬ ꤔꤟꤢꤪ꤭ꤊꤢꤨ꤭
ꤜꤟꤌꤣ꤭ꤜꤤ꤭ꤖꤥ ꤡꤢꤪꤗꤢ꤬ꤚꤛꤢ꤬ꤜꤟꤢꤩꤒꤢꤨ
꤄꤯꤯ ꤍꤟꤥꤒꤣ꤬ꤗꤟꤢꤦ꤭ ꤟꤢꤩꤙꤢꤧ꤬ꤟꤤꤒꤥ꤬
ꤡꤢꤪꤗꤢ꤬ꤚꤛꤢ꤬ ꤞꤢꤧꤑꤢꤩ꤭ꤓꤛꤣ꤭ꤜꤟꤢꤪ꤭ꤟꤢꤪ
ꤔꤟꤢꤧ꤬ꤗꤟꤢꤩ꤬ꤒꤛꤢ꤬ꤟꤤꤒꤟꤢꤧ꤬ꤒꤥ꤬ꤠꤟꤢ꤭
ꤡꤢꤪꤗꤢ꤬ꤚꤛꤢ꤬ ꤗꤛꤢꤓꤛꤢꤩ꤬ ꤥ꤬ꤔꤟꤢꤩ꤬ꤟꤛꤢ꤭
꤅꤯꤯ ꤊꤣ꤮ ꤡꤢꤪꤗꤢ꤬ꤚꤛꤢ꤬ ꤗꤛꤢꤒꤟꤢ꤭ꤒꤟꤢꤩ꤬ꤕꤟꤢꤧ꤬
ꤒꤟꤢꤧ꤬ꤗꤢꤨ꤭ꤗꤟꤛꤢ ꤘꤣ ꤕꤟꤢꤧ꤬ꤗꤟꤢꤩ꤬ꤢꤧ꤬
ꤔꤢꤪ꤭ꤥ꤬ꤒꤢꤧ꤭ ꤞꤢꤧꤕꤜꤢꤪ꤬ꤊꤢꤨ꤭ꤗꤟꤢꤩ
ꤗꤟꤢꤩ꤬ꤚꤛꤢꤊꤟꤢ꤬ꤕꤟꤢꤧ꤬ ꤞꤛꤢꤔꤟꤢꤧ꤬ꤔꤟꤢꤩ
No comments:
Post a Comment