( ꤒꤟꤢꤧ꤬ꤖꤛꤢꤩꤒꤟꤢꤧ꤬ꤗꤟꤢꤩ꤬ )
( ꤁ ꤒꤤ꤬ꤗꤢ꤬ꤞꤢꤩ꤬ ꤆:꤁꤂꤯ )
ꤋꤚꤤꤊꤜꤛꤢꤩ꤭ꤖꤢꤨꤞꤤ꤭꤮, ꤓꤛꤢ꤬ꤕꤜꤢꤩ꤬ꤟꤛꤢ꤭
Onward, Christian Soldiers
꤁꤯ ꤋꤚꤤꤖꤢꤨꤞꤤ꤭꤮ ꤓꤛꤢ꤬ꤕꤜꤢꤩ꤬ꤟꤛꤢ꤭ ꤚꤢꤪ ꤏꤢꤕꤜꤢꤩ꤬ꤟꤛꤢ꤭ ꤒꤟꤢꤧ꤬,
ꤐꤟꤢ ꤋꤚꤤ ꤟꤤ꤬ꤓꤢꤦ꤬ ꤒꤥ꤭ꤜꤛꤢ꤭ ꤏꤢꤕꤜꤢꤩ꤬ꤟꤛꤢ꤭ ꤘꤣꤑꤢꤩ꤭‚
ꤋꤚꤤꤗꤢ꤬ ꤕꤟꤢꤧ꤬ꤡꤢꤪꤖꤛꤢ꤬ꤘꤢꤨ꤬ ꤡꤛꤣꤚꤟꤢꤩꤟꤢꤪ ꤘꤣꤑꤢꤩ꤭‚
ꤗꤛꤢ ꤋꤚꤤꤙꤢꤧ꤬ꤜꤢꤧ꤬ ꤘꤣꤑꤢꤩ꤭ ꤓꤛꤢ꤬ꤏꤢ ꤜꤢ꤬ꤟꤛꤢ꤭꤬ꤗꤢꤪ꤭꤯
ꤤ꤬ꤚꤥ꤭ꤋꤛꤢꤩ꤭꤮ ꤋꤚꤤ ꤖꤢꤨꤞꤤ꤭꤮, ꤓꤛꤢ꤬ꤕꤜꤢꤩ꤬ꤟꤛꤢ꤭, ꤓꤛꤢ꤬ꤏꤢ ꤜꤢ꤬ꤟꤛꤢ꤭ꤒꤟꤢꤧ꤬
ꤐꤟꤢꤔꤟꤤ ꤋꤚꤤꤟꤤ꤬ꤓꤢꤦ꤬ ꤚꤢꤪ ꤓꤛꤢ꤬ꤕꤜꤢꤩ꤬ꤟꤛꤢ꤭ ꤘꤣꤑꤢꤩ꤭꤯
꤂꤯ ꤒꤟꤢꤧ꤬ꤕꤢꤩ ꤗꤢꤘꤛꤢ꤭ ꤜꤟꤌꤣ꤭ꤓꤛꤢ꤬ ꤔꤢꤩꤚꤤ꤬ꤡꤟꤛꤢ ꤓꤢꤩ꤬ꤊꤜꤛꤢ꤬,
ꤒꤢ꤬ꤚꤟꤢꤨ ꤓꤛꤢ꤬ꤏꤢ ꤕꤜꤢꤩ꤬ꤟꤛꤢ꤭ ꤓꤢꤨ꤮ ꤗꤟꤢꤩ꤬ꤕꤢꤩ ꤊꤛꤢ꤭ ꤜꤟꤢꤪ꤭‚
ꤙꤤ ꤕꤟꤢꤧ꤬ ꤓꤢꤨ꤬ꤞꤢꤧ ꤙꤛꤢ꤬ꤡꤢꤧ꤬ ꤍꤢ꤬ꤚꤢ꤬ꤊꤟꤢꤩ ꤊꤢ꤬ꤐꤟꤌꤣ꤭,
ꤕꤟꤌꤣꤠꤟꤛꤢꤞꤤ꤭ ꤢꤧꤓꤥ꤭ꤏꤛꤥ꤬ ꤓꤢꤨ꤬ꤞꤢꤧꤓꤛꤢ꤬ ꤏꤛꤥ꤬ꤏꤛꤥ꤬꤯
꤃꤯ ꤕꤚꤟꤢꤧ꤬ ꤐꤟꤢꤦꤢꤩ꤬ꤋꤚꤤ ꤒꤢ꤬ꤟꤢꤩ꤬ ꤞꤛꤢ ꤔꤢ ꤊꤜꤛꤢꤩ꤭ ꤙꤢꤧꤗꤢꤨ꤬,
ꤊꤚꤝꤟꤥ꤭ꤊꤟꤌꤣ꤭ ꤕꤚꤟꤢꤧ꤬ꤡꤢ꤭ꤏꤢꤧ꤭ ꤊꤜꤛꤢꤥ꤬ ꤔꤢ ꤒꤟꤢꤧ꤬ꤕꤜꤢꤪ ꤡꤢꤦ꤭,
ꤕꤟꤢꤧ꤬ꤗꤢ꤬ ꤔꤟꤢꤩꤒꤣ꤬ꤕꤚꤟꤢꤧ꤬ꤒꤛꤣ꤭ ꤒꤟꤢꤧ꤬ꤐꤟꤢꤦ ꤒꤣ꤬ꤡꤣ꤬꤮ ꤒꤛꤣ꤭,
ꤕꤟꤢꤧ꤬ꤥ꤬ ꤔꤢ ꤒꤟꤢꤧ꤬ꤗꤛꤢꤏꤢꤦ꤭ ꤘꤣ ꤋꤚꤤ ꤒꤣ꤬ꤡꤣ꤬ꤒꤛꤣ꤭꤯
꤄꤯ ꤟꤢꤩ꤬ꤋꤢꤨ꤬ꤔꤟꤢꤩꤋꤢꤨ꤬ ꤡꤢꤪꤖꤛꤢ꤬ ꤢ꤬ꤒꤢ꤬ꤚꤛꤢꤩ꤭ꤏꤛꤥ꤬ꤏꤢꤪ꤭,
ꤜꤢ꤬ꤗꤟꤢꤩꤊꤛꤢ꤭ ꤞꤛꤢꤕꤚꤢꤧ ꤔꤢ ꤒꤟꤢꤧ꤬ꤖꤥ꤭ ꤘꤣ ꤑꤢꤩ꤭ꤋꤢꤨ꤬,
ꤕꤚꤟꤢꤧ꤬ ꤐꤟꤢꤦꤢꤩ꤬ ꤒꤟꤢꤧ꤬ꤕꤜꤢꤪꤗꤟꤢꤨ꤬ ꤢ꤬ꤜꤢ꤬ꤗꤟꤢꤩ ꤡꤟꤛꤢꤒꤥ꤬,
ꤔꤟꤢꤩ ꤚꤤ꤬ꤡꤟꤛꤢ ꤍꤢ꤬ꤚꤢ꤬ ꤋꤢꤨ꤬ꤊꤜꤢꤪ ꤗꤟꤢꤩ꤬ꤕꤢꤩ ꤕꤟꤢ꤭ꤒꤥ꤬꤯
꤅꤯ ꤖꤢꤨꤔꤛꤣ꤬ ꤚꤢꤪ ꤕꤚꤟꤢꤧ꤬ꤜꤢꤨ꤬ꤞꤤ꤭ ꤡꤛꤣꤕꤜꤢꤩ꤬ꤟꤛꤢ꤭ ꤚꤟꤥꤜꤢꤨ꤭‚
ꤓꤢꤨ꤬ꤞꤢꤧꤓꤛꤢ꤬ ꤕꤟꤢꤧ꤬ꤋꤝꤤꤘꤢꤨ꤬ ꤕꤟꤢꤧ꤬ꤕꤢꤩ ꤚꤢꤪ ꤢꤧꤓꤥ꤭,
ꤗꤟꤢꤩ꤬ ꤜꤤ꤭ꤒꤢ꤬ꤋꤢꤧ꤭ ꤛꤢꤩ꤬ꤏꤛꤢꤨ ꤘꤛꤢ꤬ꤘꤢꤨ꤬ ꤘꤛꤢ꤬ꤓꤢꤨ꤭ꤜꤢꤨ꤭‚
ꤒꤣ꤬ꤡꤟꤢꤨꤕꤚꤟꤢꤧ꤬ ꤢꤨ꤭ꤕꤝꤟꤥ꤭ꤕꤚꤟꤢꤧ꤬ ꤊꤟꤢꤦꤓꤢꤨ꤬ꤞꤢꤧꤓꤛꤢ꤬ꤜꤢꤨ꤭꤯
No comments:
Post a Comment