ꤒꤟꤢꤧ꤬ꤗꤟꤥ꤬ꤙꤢꤧ꤬ ꤗꤟꤌꤣꤗꤟꤢꤪꤑꤢꤩ꤭
ꤗꤟꤌꤣ ꤢ꤬ꤒꤟꤢꤧ꤬ꤙꤝꤤꤘꤢꤨ꤬ꤜꤢ꤭
ꤘꤛꤢꤊꤢ꤬ꤋꤛꤢꤩ꤭ ꤜꤟꤢꤪ꤭ꤕꤟꤢꤩꤡꤟꤛꤢꤒꤥ꤬
ꤢ꤬ꤒꤟꤢꤧ꤬ꤗꤟꤥ꤬ ꤥ꤬ꤜꤣꤙꤢ꤭
ꤟꤢꤩꤏꤥ꤬ꤊꤢ꤬ꤋꤛꤢꤩ꤭ꤜꤟꤢꤪ꤭ꤕꤟꤢꤩꤡꤟꤛꤢꤒꤥ꤬
ꤘꤣꤕꤝꤟꤥ꤭ꤔꤛꤢꤩ꤭ ꤓꤝꤟꤥ꤭ꤕꤚꤟꤢꤧ꤬ꤗꤛꤢꤋꤝꤢꤧ꤬
ꤋꤛꤢꤏꤥ꤭ꤖꤢꤏꤥ꤭ꤚꤛꤢ꤬ ꤔꤟꤤꤘꤢꤦ꤬
ꤔꤟꤢꤧ꤬ꤗꤢ꤬ ꤗꤟꤌꤣꤘꤣ ꤍꤟꤢꤨ꤬ꤘꤢꤨ꤬ꤕꤚꤟꤤ꤬ꤘꤢꤨ꤬
ꤘꤣ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬ ꤢ꤬ꤑꤢꤩ꤭
ꤔꤟꤢꤧ꤬ꤗꤟꤢꤩ꤬ꤙꤝꤤ ꤗꤟꤢꤩ꤬ꤒꤢ꤬ꤚꤛꤢꤩ꤭ ꤔꤟꤤꤕꤟꤢꤧ꤬
ꤔꤟꤢꤧ꤬ꤗꤟꤢꤩ꤬ꤡꤝꤟꤥꤡꤛꤢꤟꤢꤩ꤬ꤋꤢꤨ꤬
ꤔꤟꤢꤧ꤬ꤗꤢ꤬ ꤕꤚꤟꤢꤧ꤬ꤘꤣ ꤏꤛꤥ꤬ꤏꤢꤪ꤭
ꤏꤢꤪ꤭ꤚꤤ꤬ꤔꤟꤤꤘꤢꤦ꤬ ꤞꤤ꤭ꤕꤝꤟꤥ꤭ꤕꤚꤟꤢꤧ꤬
ꤔꤟꤢꤧ꤬ꤗꤢ꤬ ꤗꤟꤌꤣꤘꤣ ꤍꤟꤢꤨ꤬ꤘꤢꤨ꤬ꤕꤚꤟꤤ꤬ꤘꤢꤨ꤬
ꤞꤤ꤭ꤗꤢ꤬ ꤗꤟꤌꤣꤘꤣ ꤋꤛꤢꤞꤢꤧꤘꤥ꤭
ꤗꤟꤢꤩ꤬ꤡꤝꤟꤥꤡꤛꤢꤔꤟꤤꤘꤢꤦ꤬ꤟꤢꤩ꤬ꤋꤢꤨ꤬
ꤢꤧ꤬ꤏꤢꤪ꤭ꤚꤤ꤬ꤔꤟꤤꤘꤢꤦ꤬ ꤗꤟꤢꤪꤑꤢꤩ꤭
ꤗꤟꤌꤣꤜꤟꤢꤪ꤭ꤕꤜꤤ꤭ ꤟꤢꤩ꤬ꤋꤢꤨ꤬ꤏꤤ꤭ꤙꤢ꤬
ꤔꤟꤢꤧ꤬ꤋꤢ꤬ꤡꤟꤢꤨ꤭ ꤘꤣ ꤙꤛꤢ꤬ꤡꤢꤧ꤬ꤜꤥ꤬
ꤊꤤ꤬ꤟꤛꤢ꤭ꤜꤟꤛꤢ꤬ꤙꤢꤧ꤬ ꤞꤤ꤭ꤕꤝꤟꤥ꤭ꤕꤚꤟꤢꤧ꤬
ꤢ꤬ꤏꤢꤪ꤭ꤚꤤ꤬ꤔꤟꤤ ꤞꤤ꤭ꤗꤟꤢꤪꤑꤢꤩ꤭
No comments:
Post a Comment