ꤠꤢ꤭ꤔꤢꤔꤟꤢꤧ꤬ ꤓꤢꤨ꤬ꤜꤟꤛꤢ꤬ꤜꤢꤨ꤭ ꤞꤢꤧꤕꤜꤢꤪ꤭
ꤋꤥ꤭ꤗꤢꤪ꤬ꤗꤟꤌꤣ ꤘꤣꤢ꤬ꤚꤟꤢꤩꤋꤢꤧ꤭ ꤠꤢ꤭ꤔꤢꤔꤟꤢꤧ꤬ ꤕꤟꤢꤧ꤬ꤒꤟꤢꤧ꤬ꤗꤟꤥ꤬ꤜꤢꤨ꤭
ꤋꤥ꤭ꤑꤛꤢꤛꤢꤩ꤭ꤔꤟꤢꤧ꤬ꤥ꤬ꤙꤤꤒꤢꤩ꤭? ꤠꤢ꤭ꤞꤢꤧꤐꤟꤢꤦ ꤗꤛꤢꤓꤛꤢꤩ꤬ꤘꤢꤦ꤬ꤔꤟꤢꤧ꤬
ꤠꤢ꤭ꤙꤢꤧ꤬ꤗꤟꤢꤩ꤬ꤖꤢꤨꤒꤢꤩ꤭ꤚꤢꤪ ꤠꤢ꤭ꤗꤛꤢꤓꤛꤢꤩ꤬ꤔꤢꤔꤟꤢꤧ꤬
ꤠꤢ꤭ꤡꤛꤣꤗꤛꤢꤕꤢꤨ꤭ꤘꤢꤦ꤬ꤔꤟꤢꤧ꤬ ꤠꤢ꤭ꤗꤛꤢꤓꤛꤢꤩ꤬ꤔꤟꤢꤧ꤬ꤒꤥ꤬
ꤗꤢꤪ꤬ꤗꤟꤌꤣꤋꤥ꤭ꤑꤛꤢ꤬ꤛꤢꤩ꤭ ꤔꤟꤢꤧ꤬ꤡꤛꤣꤥ꤬ꤙꤤꤒꤢꤩ꤭?
ꤠꤢ꤭ꤥ꤬ꤕꤟꤢꤪꤗꤛꤢꤏꤢꤦ꤭ ꤘꤢꤦ꤬ꤔꤟꤢꤧ꤬ꤊꤢ꤬ꤋꤛꤢꤩ꤭
ꤠꤢ꤭ꤊꤝꤤ꤭ꤞꤢꤧꤐꤟꤢꤪ꤬ꤔꤟꤢꤧ꤬ ꤊꤢ꤬ꤋꤛꤢꤩ꤭ꤘꤣꤠꤢ꤭ꤥ꤬
ꤠꤢ꤭ꤗꤟꤢꤩ꤬ꤗꤟꤥ꤬ꤗꤟꤢꤩ꤬ꤚꤛꤢ ꤜꤣꤘꤢꤦ꤬ꤔꤟꤢꤧ꤬ꤕꤢ꤭
ꤔꤟꤢꤧ꤬ꤗꤢ꤬ꤠꤢ꤭ꤒꤟꤢꤧ꤬ꤗꤟꤥ꤬ ꤒꤢ꤬ꤡꤟꤢꤨꤕꤚꤟꤢꤧ꤬ ꤘꤣꤟꤢꤩ꤬ꤋꤢꤨ꤬ꤛꤢꤩ꤭ꤢ꤬ꤊꤢꤨ꤭
ꤔꤟꤢꤧ꤬ꤗꤢ꤬ꤠꤢ꤭ ꤒꤟꤢꤧ꤬ꤥ꤬ꤓꤝꤟꤥ꤭ꤕꤚꤟꤢꤧ꤬ ꤠꤢ꤭ꤚꤛꤢꤓꤛꤣ꤭ꤜꤢꤨ꤭ꤔꤛꤣ꤬ꤛꤢꤩ꤭
ꤋꤥ꤭ꤗꤢꤪ꤬ꤗꤟꤌꤣ ꤔꤟꤢꤧ꤬ꤗꤢ꤬ꤟꤢꤪ ꤠꤢ꤭ꤒꤟꤢꤧ꤬ꤗꤟꤥ꤬ꤒꤢ꤬ꤕꤚꤟꤢꤧ꤬
ꤠꤢ꤭ꤥ꤬ꤓꤝꤟꤥ꤭ꤕꤚꤟꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤛꤢꤩ꤭
ꤠꤢ꤭ꤞꤢꤧꤕꤜꤢꤪ꤬ꤥ꤬ꤒꤢꤦ ꤘꤢꤦ꤬ꤔꤟꤢꤧ꤬ꤒꤢ꤬ꤡꤟꤢꤨꤕꤚꤟꤢꤧ꤬
ꤋꤥ꤭ꤑꤟꤢꤛꤢꤩ꤭ ꤥ꤬ꤕꤟꤢꤪꤗꤛꤢꤏꤢꤦ꤭ꤘꤢꤦ꤬ꤔꤟꤢꤧ꤬
ꤋꤥ꤭ꤗꤢꤪ꤬ꤗꤟꤌꤣ ꤔꤟꤢꤧ꤬ꤗꤢ꤬ꤟꤢꤪ ꤠꤢ꤭ꤒꤟꤢꤧ꤬ꤗꤟꤥ꤬ꤒꤢ꤬ꤕꤚꤟꤢꤧ꤬
ꤠꤢ꤭ꤥ꤬ꤓꤝꤟꤥ꤭ꤕꤚꤟꤢꤧ꤬ ꤘꤣ ꤟꤢꤩ꤬ꤋꤢꤨ꤬ꤛꤢꤩ꤭
ꤠꤢ꤭ꤞꤢꤧꤕꤜꤢꤪ꤬ꤥ꤬ꤒꤢꤦ ꤘꤢꤦ꤬ꤔꤟꤢꤧ꤬ꤒꤢ꤬ꤡꤟꤢꤨꤕꤚꤟꤢꤧ꤬
ꤠꤢ꤭ꤗꤟꤥ꤬ꤔꤟꤢꤧ꤬ ꤥ꤬ꤕꤟꤢꤪꤗꤛꤢꤏꤢꤦ꤭ꤘꤢꤦ꤬ꤔꤟꤢꤧ꤬
No comments:
Post a Comment