ꤗꤟꤌꤣꤖꤢꤧ꤭ ꤒꤟꤢꤧ꤬ꤗꤟꤥ꤬
ꤚꤢ꤭꤯ꤤ꤬ꤚꤥ꤭ : ꤖꤚꤟꤢꤩ꤬ ꤚꤢꤧ꤬ ꤙꤛꤢꤨꤎꤤ꤬ꤜꤤ꤬
꤁꤯꤯ ꤖꤢꤨꤗꤢꤪ꤬ꤢꤣ꤬. . ꤔꤟꤢꤧ꤬ꤗꤢ꤬ꤘꤢꤦ꤬
ꤖꤢꤧ꤭ꤒꤣ꤬ꤕꤚꤟꤢꤧ꤬ ꤢ꤬ꤒꤟꤢꤧ꤬ꤗꤟꤥ꤬
ꤥ꤬ꤒꤢ꤬ꤔꤟꤢꤩ꤬ꤓꤛꤢ꤬ ꤙꤢꤧ꤬ꤘꤢꤦ꤬ꤔꤟꤢꤧ꤬
ꤙꤤꤔꤟꤢꤧ꤬ꤥ꤬ꤕꤢ꤬ꤡꤟꤢꤧꤜꤟꤛꤢ꤬ꤋꤢꤧ꤭
ꤔꤟꤢꤧ꤬ꤥ꤬ꤘꤣ ꤗꤟꤌꤣꤖꤢꤧ꤭ꤟꤢꤪꤜꤟꤢꤧ꤭
ꤗꤟꤥ꤬ꤞꤢꤨ꤬ꤗꤟꤥ꤬ꤞꤢꤧ ꤕꤝꤟꤥ꤭ꤒꤢ꤬ꤑꤢꤩ꤭
꤂꤯꤯ ꤋꤥ꤭ꤑꤟꤢꤛꤢꤩ꤭ ꤙꤤꤠꤢ꤭ꤢꤩ꤬ ꤏꤢꤧ꤬ꤢꤩ꤬ꤏꤢꤧ꤬ꤥ꤭ꤢ꤬ꤋꤢꤧ꤭
ꤖꤢꤨꤗꤢꤪ꤬ꤥ꤬ ꤠꤢ꤭ꤋꤢ꤭ꤏꤛꤢꤩꤒꤥ꤬ꤋꤢꤧ꤭
ꤗꤢꤧ꤬ꤞꤢꤧ꤬ꤓꤛꤢꤩ꤭ꤜꤟꤛꤢ꤬ꤙꤢꤧ꤬ꤚꤢꤪ
ꤞꤢꤧꤐꤟꤢꤪ꤬ꤊꤜꤟꤢ꤬ꤙꤢꤧ꤬ ꤓꤛꤢ꤬ꤘꤢꤦ꤬ꤔꤟꤢꤧ꤬
ꤖꤢꤨꤗꤢꤪ꤬ ꤗꤟꤌꤣꤖꤢꤧ꤭ꤒꤟꤢꤧ꤬ꤗꤟꤥ꤬ ꤏꤥ꤭ꤒꤢ꤬ꤕꤢ꤬ꤗꤟꤢꤩ꤬
ꤤ꤬ꤚꤥ꤭ꤋꤛꤢꤩ꤭꤮ ꤒꤢ꤬ꤑꤢꤩ꤭ꤕꤢ꤭ ꤗꤛꤢꤓꤛꤢꤩ꤬ꤘꤢꤦ꤬ꤕꤢ꤭
ꤠꤢ꤭ꤥ꤬ꤐꤛꤢꤩ꤬ꤊꤛꤢ꤭ꤔꤟꤢꤧ꤬ ꤢ꤬ꤋꤢꤧ꤭
ꤔꤟꤢꤩ꤬ꤞꤛꤣ꤬ꤓꤛꤢ꤬ ꤘꤛꤢꤩꤜꤢ꤭꤯ ꤔꤟꤢꤧ꤬
ꤖꤢꤨꤗꤢꤪ꤬ꤗꤟꤌꤣꤢꤣ꤭. . ꤗꤟꤥ꤬ꤜꤢ꤭ꤘꤢꤦ꤬ꤔꤟꤢꤧ꤬
ꤞꤢꤧꤐꤟꤢꤦꤗꤛꤢꤓꤛꤢꤩ꤬ ꤔꤟꤢꤧ꤬ꤒꤟꤢꤧ꤬ꤡꤟꤛꤢꤘꤢꤧ꤬
(ꤞꤢꤧꤐꤟꤢꤦꤗꤛꤢꤓꤛꤢꤩ꤬ ꤔꤟꤢꤧ꤬ꤒꤟꤢꤧ꤬ꤟꤢꤩꤙꤢꤧ꤬)
꤃꤯꤯ ꤙꤤꤠꤢ꤭ꤡꤛꤣꤥ꤬ꤜꤢꤩ꤭ꤢ꤬ꤋꤢꤧ꤭ ꤔꤢ ꤙꤤꤠꤢ꤭ꤢꤩ꤬ ꤏꤢꤧ꤬ꤢꤩ꤬ꤢ꤬ꤋꤢꤧ꤭
ꤖꤢꤨꤗꤢꤪ꤬ ꤔꤟꤢꤧ꤬ꤥ꤬ꤠꤢ꤭ ꤋꤢ꤭ꤏꤛꤢꤩꤒꤥ꤬ꤋꤢꤧ꤭
ꤏꤥ꤭ꤚꤟꤛꤢ꤬ꤘꤢꤦ꤬ ꤗꤟꤌꤣꤞꤢꤧꤕꤜꤢꤪ꤬
ꤏꤥ꤭ꤚꤟꤛꤢ꤬ꤘꤢꤦ꤬ ꤖꤢꤧ꤭ꤞꤛꤣ꤬ꤓꤛꤢꤩ꤭
ꤥ꤬ꤒꤢ꤬ꤔꤟꤢꤩ꤬ ꤏꤥ꤭ꤚꤛꤢ꤬ ꤔꤟꤢꤧ꤬ꤑꤢꤩ꤭
꤄꤯꤯ ꤙꤝꤤꤜꤟꤛꤢ꤬ꤟꤢꤪ ꤛꤢꤩ꤭ꤒꤢ꤬ꤓꤢꤦ꤭
ꤒꤟꤢꤧ꤬ꤒꤢ꤬ꤊꤜꤟꤢ꤬ꤓꤛꤢ꤬ꤟꤢꤪ ꤒꤢ꤬ꤡꤢꤦ꤬
ꤖꤢꤨꤗꤢꤪ꤬ ꤔꤟꤢꤧ꤬ꤞꤢꤧꤑꤢꤩ꤭ ꤗꤛꤢꤓꤛꤢꤩ꤬ ꤘꤢꤦ꤬ꤟꤢꤪ
ꤗꤢ꤬ꤔꤢꤚꤢꤪ ꤘꤣ ꤖꤢꤨꤗꤢꤪ꤬ꤑꤢꤩ꤭ ꤊꤟꤢꤦꤥ꤬ꤗꤟꤥ꤬ꤥ꤬ꤚꤛꤢꤢ꤬ꤑꤢꤩ꤭
ꤕꤝꤟꤥ꤭ꤑꤢꤩ꤭ꤕꤝꤟꤥꤞꤢꤧ꤭ ꤡꤢꤪꤙꤢꤧ꤭ꤓꤛꤢ꤬
No comments:
Post a Comment