Book Page #꤂꤆꤆ #266
( ꤡꤟꤢꤨ꤭ꤊꤟꤌꤣ꤭ ꤡꤢꤪꤗꤢ꤬ꤚꤛꤢ꤬ ꤢ꤬ꤒꤟꤢꤧ꤬ꤡꤤ꤬ꤚꤛꤢ꤬)
❨ ꤛꤢ꤬ꤏꤛꤢꤛꤢ꤬ ꤃:꤁꤀, ꤅꤅:꤁꤈꤯ ❩
ꤗꤟꤢꤩ꤬ꤚꤛꤢ ꤕꤟꤢꤩ ꤘꤣ ꤠꤢ꤭ꤑꤢꤩ꤭
It Is Well With My Soul
꤁꤯ ꤙꤤ ꤊꤜꤛꤢ ꤘꤣ ꤠꤢ꤭ꤡꤛꤣꤛꤢꤩ꤭ ꤞꤛꤣ꤬ꤊꤚꤟꤢꤩ꤭ ꤗꤟꤥ꤬ꤋꤢꤧ꤭,
ꤒꤟꤢꤧ꤬ꤡꤟꤛꤢꤩ꤭ ꤟꤛꤢ꤭ꤞꤛꤢꤓꤛꤢꤩ꤭ ꤟꤢꤟꤥꤋꤢꤧ꤭,
ꤡꤟꤢꤨꤔꤟꤢꤧ꤬ ꤤ꤬ꤞꤝꤥꤠꤢ꤭‚ ꤡꤟꤢꤨꤔꤟꤢꤧ꤬ꤔꤢꤪ꤭ ꤏꤤꤒꤣ꤬ꤠꤢ꤭,
ꤘꤣ ꤠꤢ꤭ꤑꤢꤩ꤭ ꤢ꤬ꤚꤛꤢꤜꤟꤢꤪ꤭ ꤚꤛꤢꤗꤟꤢꤡꤢꤪ꤯
ꤤ꤬ꤚꤥ꤭ꤋꤛꤢꤩ꤭꤮ ꤘꤣ ꤠꤢ꤭ꤑꤢꤩ꤭ ❨ ꤘꤣ ꤠꤢ꤭ꤑꤢꤩ꤭ ❩
ꤢ꤬ꤚꤛꤢꤜꤟꤢꤪ꤭ ❨ ꤢ꤬ꤚꤛꤢꤜꤟꤢꤪ꤭ ❩
ꤠꤢ꤭ꤐꤟꤥ꤬ꤑꤢꤩ꤭ ꤢ꤬ꤚꤛꤢꤜꤟꤢꤪ꤭‚ ꤚꤛꤢꤗꤟꤢꤡꤢꤪ꤯
꤂꤯ ꤋꤤ꤭ꤔꤟꤢꤩꤚꤤ꤬ꤡꤟꤛꤢ ꤕꤟꤢꤨ꤭ꤗꤟꤢꤩ꤬ꤕꤛꤢꤩ ꤘꤤꤘꤛꤢ꤭ ꤒꤟꤢ꤭ꤒꤢꤦ꤭,
ꤡꤢꤪꤗꤢ꤬ꤚꤛꤢ꤬ ꤡꤢꤪꤔꤢ ꤢ꤬ꤍꤟꤥ ꤕꤝꤟꤥ꤭ꤗꤢꤦ꤭,
ꤛꤢꤩ꤬ꤏꤛꤢꤨ ꤗꤛꤢꤓꤛꤢꤩ꤬ ꤔꤢ ꤠꤢ꤭ꤏꤥ꤭ꤘꤥ꤭ ꤕꤚꤟꤢꤧ꤬ꤗꤟꤢꤩ꤬ꤡꤝꤟꤥ,
ꤟꤛꤢ꤭ꤜꤟꤛꤢ꤬ ꤋꤛꤢꤞꤛꤢꤩ꤭ꤞꤢꤧ ꤘꤣ ꤟꤤ꤬ꤓꤢꤦ꤬ꤜꤟꤥ꤬꤯
꤃꤯ ꤒꤢꤨꤓꤛꤢ꤬ ꤟꤤ꤬ꤓꤢꤦ꤬ꤜꤟꤥ꤬ ꤋꤚꤤꤗꤟꤥ꤬ ꤒꤢ꤬ꤜꤝꤟꤥ ꤏꤢꤦꤜꤢꤦ꤭‚
ꤖꤛꤢꤩ ꤡꤛꤣ ꤜꤟꤢꤪ꤭ꤕꤜꤤ꤭ꤟꤢꤪ ꤠꤢ꤭ꤒꤟꤢꤧ꤬ꤞꤢꤦ,
ꤠꤢ꤭ꤒꤟꤢꤧ꤬ꤞꤢꤦ ꤋꤥꤊꤢꤧ꤬ ꤛꤢꤩ꤬ꤏꤛꤢꤨꤋꤚꤤ ꤕꤜꤢꤜꤟꤢꤪ꤭ꤕꤜꤤ꤭,
ꤊꤣ꤮ ꤠꤢ꤭ꤞꤢꤧ, ꤓꤢꤨ꤬ꤞꤢꤧꤗꤢꤪ꤭ ꤙꤛꤢ꤬ꤡꤢꤧ꤬ꤋꤚꤤ꤯
꤄꤯ ꤏꤛꤢꤩ꤮ ꤋꤚꤤ ꤟꤛꤢ꤭ꤜꤟꤛꤢ꤬ ꤘꤣ ꤋꤛꤢꤩ꤭ꤜꤣ ꤒꤣ꤬ꤑꤢꤩ꤭ꤕꤟꤢ꤭ ꤚꤢꤪ,
ꤢꤪꤜꤟꤌꤣ ꤒꤢ꤬ꤟꤢꤩ꤬ ꤊꤟꤌꤣ꤭ꤊꤛꤢ꤭ ꤗꤟꤢꤩꤜꤟꤢꤪ꤭,
ꤒꤢ꤬ꤔꤟꤢꤩꤖꤢꤨ ꤢꤟꤌꤣꤊꤝꤟꤥ꤬ ꤙꤛꤢ꤬ꤡꤢꤧ꤬ ꤛꤢꤩ꤭ꤏꤛꤢꤨ ꤟꤛꤢ꤭ꤜꤟꤛꤢ꤬,
ꤠꤢ꤭ ꤞꤢꤧꤓꤝꤟꤥ꤭ꤕꤚꤟꤢꤧ꤬ꤑꤢꤩ꤭ ꤊꤟꤢꤦꤔꤟꤤꤙꤝꤤꤚꤛꤢ꤯
No comments:
Post a Comment