ꤖꤢꤧ꤭ꤒꤟꤢꤧ꤬ꤗꤟꤥ꤬
ꤚꤢ꤭꤯ꤤ꤬ꤚꤥ꤭ : ꤔꤢꤧ꤭ ꤕꤢꤪ
ꤗꤟꤢꤪꤜꤤ꤭ ꤗꤟꤢꤪꤕꤜꤛꤢ꤭ꤓꤛꤢ꤬ ꤖꤢꤧ꤭ꤐꤟꤢꤓꤛꤢ꤬ꤔꤟꤤꤘꤢꤦ꤬ ꤒꤢ꤬ꤔꤟꤢꤩ
ꤟꤛꤢ꤭ꤘꤣ ꤕꤚꤟꤢꤧꤋꤢꤨ꤬ ꤟꤛꤢ꤭ꤢꤩ꤬ꤚꤛꤢ꤬ ꤒꤢ꤬ꤑꤢꤩ꤭ꤗꤟꤢꤪꤟꤢꤩ
ꤗꤟꤢꤪꤟꤢꤩꤜꤟꤛꤢ꤬ ꤗꤟꤢꤪꤋꤤꤒꤛꤢ꤬ꤒꤥ꤬ ꤖꤢꤧ꤭ꤊꤢ꤬ꤒꤟꤌꤣꤘꤣꤟꤤ꤬
ꤞꤢꤧꤕꤚꤟꤢꤜꤢ꤬ꤘꤢ꤭ ꤖꤢꤧ꤭ꤟꤢꤩ ꤒꤢ꤬ꤡꤣꤒꤥ꤬
ꤓꤛꤢ꤬ꤏꤥ꤬ ꤒꤟꤢ꤭ꤜꤟꤛꤢ꤬ ꤊꤟꤢꤩꤊꤟꤢꤨꤊꤟꤢꤩꤡꤟꤢꤦ꤬ ꤟꤢꤩꤘꤢꤦ꤬ꤒꤥ꤬
ꤟꤢꤪꤊꤢꤨ꤭ꤏꤢꤧ꤬ꤑꤢꤩ꤭ ꤖꤢꤧ꤭ꤖꤢꤧ꤭ꤗꤛꤢꤕꤢꤨ꤭ ꤒꤟꤢꤧ꤬ꤕꤝꤟꤥ꤭ꤑꤢꤩ꤭
ꤊꤢꤨ꤭ꤞꤢ꤭ꤙꤢꤧ꤬ ꤒꤟꤢ꤭ꤗꤢꤧ ꤜꤟꤢꤪ꤭ꤟꤟꤢꤧ꤭ꤜꤟꤢꤪ꤭ꤚꤢꤩ꤬ ꤕꤝꤟꤥ꤭ꤒꤢ꤬ꤖꤟꤌꤣ
ꤗꤢ꤬ꤔꤢ ꤕꤟꤢꤧ꤬ꤑꤢꤩ꤭ ꤖꤢꤧ꤭ꤖꤢꤧ꤭ ꤢꤛꤢꤡꤟꤢꤦꤘꤢꤦ꤬
ꤒꤟꤢꤧ꤬ꤗꤟꤥ꤬ꤜꤟꤢꤪ꤭ꤕꤜꤤ꤭ ꤔꤢꤔꤟꤢꤧ꤬ ꤔꤟꤢꤧ꤬ꤘꤛꤢꤩꤔꤟꤤ ꤘꤢꤦ꤬ꤕꤟꤢꤧ꤬꤯
ꤗꤟꤢꤘꤢꤦ꤬ ꤒꤟꤢꤧ꤬ꤏꤛꤣꤒꤟꤢꤧ꤬ꤋꤢꤧ꤭ ꤘꤣ ꤢ꤬ꤍꤟꤢꤨ꤬ꤘꤢꤨ꤬ ꤕꤚꤟꤤ꤬ꤘꤢꤨ꤬ ꤘꤣꤕꤟꤢꤧ꤬ꤑꤢꤩ꤭꤯
ꤒꤟꤢꤧ꤬ꤗꤟꤥ꤬ ꤞꤛꤢꤔꤢ ꤖꤢꤧ꤭ꤔꤛꤣ꤬ ꤗꤛꤢꤕꤟꤢꤨ꤭ꤗꤛꤢꤓꤛꤢꤩ꤬ ꤔꤛꤢ꤭ꤒꤥ꤬
ꤟꤢꤩꤙꤝꤤꤒꤢ꤬ꤚꤛꤢꤩ꤭ ꤔꤟꤤꤋꤛꤢꤩ꤭ꤜꤢ꤭ꤔꤟꤢꤧ꤬ꤖꤢꤧ꤭
ꤟꤤ꤬ꤘꤢꤪꤊꤢꤨ꤭ ꤒꤟꤢꤧ꤬ꤜꤥ꤬ ꤟꤛꤢꤩ꤬ꤡꤢ꤬ꤊꤢꤦ꤭ꤞꤛꤢ ꤞꤤ꤭ꤒꤢ꤬ꤟꤢꤩ꤬
ꤖꤢꤧ꤭ꤖꤢꤧ꤭ ꤗꤛꤢꤕꤟꤢꤨ꤭ ꤓꤢꤪꤟꤟꤢꤧ꤭ꤓꤢꤪꤚꤢꤩ꤬ ꤒꤟꤢꤧ꤬ꤕꤝꤟꤥꤖꤟꤌꤣ
ꤞꤛꤢꤖꤢꤨ ꤕꤟꤢꤧ꤬ꤘꤢꤨ꤬ꤓꤛꤢ꤬ ꤗꤛꤢꤕꤟꤢꤨ꤭ꤞꤢꤧꤑꤢꤩ꤭ ꤒꤟꤢꤧ꤬ꤢ꤬ꤚꤛꤢ
ꤖꤢꤧ꤭ꤖꤢꤧ꤭ ꤐꤟꤢꤨ꤭ꤊꤜꤛꤢꤐꤟꤢꤨ꤭ꤊꤜꤥ꤭ ꤕꤟꤢꤧ꤬ꤕꤝꤟꤥ꤭ꤖꤟꤌꤣ
ꤠꤢ꤭ꤟꤢꤩꤙꤝꤤ ꤒꤢ꤬ꤚꤢꤩ꤭ ꤔꤟꤤꤋꤛꤢꤩ꤭ꤔꤟꤢꤧ꤬
ꤠꤢ꤭ꤓꤢꤨ꤬ꤞꤢꤧ ꤔꤟꤤꤔꤟꤢꤧ꤬ ꤒꤟꤢꤧ꤬ꤗꤟꤥ꤬ꤕꤟꤢꤧ꤬
ꤒꤟꤢꤧ꤬ꤙꤝꤤꤒꤟꤢꤧ꤬ꤒꤢ꤬ꤚꤢꤩ꤭ ꤥ ꤖꤢꤧ꤭ꤟꤟꤣ
ꤡꤢꤪꤗꤢ꤬ꤚꤛꤢ꤬ ꤊꤟꤢꤦꤗꤛꤢꤋꤝꤢꤧ꤬ꤔꤟꤤꤘꤢꤦ꤬ꤔꤟꤢꤧ꤬
ꤡꤢꤪꤗꤢ꤬ꤚꤛꤢ꤬ ꤊꤟꤢꤦꤕꤣꤞꤢꤨ꤭ꤔꤟꤤꤕꤢꤨ꤭ꤔꤟꤢꤧ꤬
❨ ꤠꤢ꤭ꤊꤝꤤ꤭ ꤒꤟꤢꤧ꤬ꤏꤢꤪ꤭ꤚꤤ꤬ ꤘꤣꤔꤟꤢꤧ꤬ꤑꤢꤩ꤭꤯
ꤠꤢ꤭ꤊꤝꤤ꤭ꤡꤢꤪꤙꤢꤧ꤬ꤕꤟꤢꤩ ꤘꤣꤔꤟꤢꤧ꤬ꤑꤢꤩ꤭꤯ ❩
No comments:
Post a Comment