ꤗꤟꤌꤣ ꤔꤢ ꤖꤢꤧ꤭
ꤊꤣ꤮ ꤗꤟꤌꤢꤣ. . ꤊꤣ꤮ ꤖꤢꤧ꤭ꤢꤣ. .
ꤘꤣ ꤠꤢ꤭ꤕꤢ꤬ꤡꤟꤢꤧ ꤢ꤬ꤋꤢꤧ꤭ꤔꤛꤣ꤬ ꤠꤢ꤭ꤒꤟꤢꤧ꤬ꤞꤢꤧꤑꤢꤩ꤭ ꤥ꤬ꤒꤥ꤬ꤢ꤬ꤋꤢꤧ꤭
ꤠꤢ꤭ꤗꤟꤢꤩ꤬ꤏꤥ꤭ꤖꤢꤏꤥ꤭ꤚꤛꤢ꤬ꤜꤢ꤭ ꤗꤟꤌꤣꤖꤢꤧ꤭ ꤞꤢꤧꤕꤜꤢꤪ꤬
ꤠꤢ꤭ꤒꤢ꤬ꤔꤟꤢꤩ꤬ꤓꤛꤢ꤬ ꤒꤟꤌꤣꤙꤢꤧ꤬ꤟꤢꤪ
ꤊꤣ꤮ ꤗꤟꤌꤢꤣ. . ꤊꤣ꤮ ꤖꤢꤧ꤭ꤢꤣ. .
ꤗꤟꤌꤣꤖꤛꤢꤓꤛꤢ꤬ꤔꤟꤤ ꤠꤢ꤭ꤟꤢꤪꤜꤟꤢꤧ꤭
ꤖꤢꤧ꤭ꤕꤤ꤬ꤓꤛꤢ꤬ꤔꤟꤤ ꤠꤢ꤭ꤑꤟꤢꤋꤢꤨ꤬
ꤗꤟꤌꤣ ꤞꤎꤢ꤬ꤞꤎꤢꤩ꤭ꤔꤟꤤꤚꤣꤠꤢ꤭ ꤗꤟꤢꤪꤋꤤꤗꤟꤢꤪꤔꤟꤢꤩ꤬ꤗꤟꤌꤣꤢꤣ
ꤗꤟꤌꤣꤕꤜꤝꤥ꤭ꤊꤛꤢ꤭ꤠꤢ꤭ ꤘꤣ ꤟꤢꤩ꤬ꤋꤢꤨ꤬
ꤗꤟꤌꤣꤘꤛꤢ꤬ꤊꤚꤛꤢ ꤊꤛꤢ꤭ꤠꤢ꤭ꤕꤢ꤬ꤡꤟꤢꤧꤋꤢꤧ꤭
ꤠꤢ꤭ꤡꤛꤣꤟꤢꤦ꤬ꤊꤟꤌꤣ꤭ ꤢꤨ꤭ꤕꤚꤢꤧꤖꤢꤧ
ꤗꤟꤌꤣꤥ꤬ꤒꤥ꤬ꤚꤢꤪ ꤢꤨ꤭ꤜꤟꤢꤩꤗꤟꤢꤩ꤬ꤡꤛꤢꤩ꤭ꤠꤢ꤭ ꤗꤟꤌꤣꤢꤣ. .
ꤖꤢꤧ꤭ꤥ꤬ꤒꤥ꤬ ꤚꤢꤪ ꤢꤨ꤭ꤗꤟꤢꤩ꤬ꤜꤟꤢꤩ꤭
ꤊꤣ꤮ ꤗꤟꤌꤢꤣ. . ꤊꤣ꤮ ꤖꤢꤧ꤭ꤢꤣ. .
ꤗꤟꤌꤣ ꤘꤛꤢ꤬ꤊꤛꤢ꤭ ꤘꤣ ꤠꤢ꤭ꤟꤤ꤬ꤘꤢꤪ
ꤖꤢꤧ꤭ ꤘꤛꤢ꤬ꤓꤢꤦ꤭ ꤊꤛꤢ꤭ꤠꤢ꤭ꤘꤢꤪ꤭ꤊꤜꤢꤧ꤭
ꤗꤟꤌꤣ ꤞꤢꤧꤐꤟꤢꤪ꤬ꤔꤟꤤ ꤖꤢꤨꤋꤢꤨ꤭ꤖꤢꤧ꤭ ꤒꤥ꤬ꤟꤟꤢꤧ꤭ ꤗꤟꤌꤢꤣ
ꤓꤢꤩ꤬ꤡꤛꤣ ꤓꤛꤣ꤭ꤊꤛꤢ꤭ꤘꤢꤦ꤬ ꤠꤢ꤭ꤜꤟꤢꤩ
ꤊꤣ꤮ ꤗꤟꤌꤢꤣ. . ꤊꤣ꤮ ꤖꤢꤧ꤭ꤢꤣ. .
ꤗꤟꤌꤣꤙꤢꤩ꤬ꤓꤛꤢ꤬ꤊꤛꤢ꤭ꤠꤢ꤭ ꤘꤣ ꤠꤢ꤭ꤕꤢ꤬ꤡꤟꤢꤧꤋꤢꤧ꤭
ꤖꤢꤧ꤭ꤙꤢꤩ꤬ꤓꤢꤦꤊꤛꤢ꤭ꤘꤢꤦ꤬ ꤠꤢ꤭ꤘꤢꤨ꤬ꤓꤛꤢ꤬
ꤒꤢ꤬ꤔꤟꤢꤩ꤬ꤓꤛꤢ꤬ꤒꤟꤌꤣꤜꤢ꤭ ꤠꤢ꤭ꤕꤢ꤬ꤡꤟꤢꤧꤋꤢꤧ꤭ ꤗꤟꤌꤣꤢꤣ. .
ꤗꤟꤌꤣ ꤞꤢꤧꤐꤟꤢꤪ꤬ꤙꤢꤧ꤬ ꤠꤢ꤭ꤒꤥ꤬ꤟꤟꤢꤧ꤭?
ꤗꤟꤌꤣꤘꤛꤢ꤬ꤡꤛꤣ ꤥ꤬ꤊꤛꤢ꤭ꤠꤢ꤭ꤟꤢꤩ꤬ꤋꤢꤨ꤬
ꤖꤢꤧ꤭ꤕꤜꤝꤥ꤭ꤊꤛꤢ꤭ꤠꤢ꤭ ꤥ꤬ꤊꤚꤛꤢꤊꤛꤢ꤭ ꤚꤢꤪ
ꤒꤢ꤬ꤔꤟꤢꤩ꤬ꤓꤛꤢ꤬ ꤒꤟꤌꤣꤔꤢ ꤠꤢ꤭ꤓꤢꤦ꤭ꤋꤢꤧ꤭ꤚꤢꤪ ꤗꤟꤌꤣꤢꤣ. .
ꤒꤢ꤬ꤘꤢꤦ꤬ꤊꤛꤢ꤭ ꤗꤢꤧ꤬ꤞꤢꤧ꤬ꤓꤛꤢꤩ꤭ꤜꤟꤛꤢ꤬
No comments:
Post a Comment