ꤞꤢꤧꤕꤜꤢꤪ꤬ꤖꤢꤧ
ꤚꤢ꤬꤯ꤤ꤬ꤚꤥ꤭:ꤙꤢꤧ꤭ ꤚꤢꤧ꤬
꤁꤯꤯ ꤋꤥ꤭ꤗꤟꤥ꤬ ꤔꤟꤢꤧ꤬ꤟꤢꤩꤘꤢꤦ꤬ꤠꤢ꤭ ꤍꤟꤥꤒꤢ꤬ꤗꤟꤢꤦ꤭
ꤔꤟꤢꤧ꤬ꤗꤟꤥ꤬ꤔꤟꤤꤠꤢ꤭ ꤠꤢ꤭ꤗꤟꤥ꤬ꤔꤟꤤꤔꤟꤢꤧ꤬ ꤟꤢꤩꤘꤢꤦ꤬ꤠꤢ꤭
ꤠꤢ꤭ꤐꤟꤢꤦꤢꤩ꤬ꤘꤢꤦ꤬ ꤔꤟꤢꤧ꤬ꤍꤟꤥꤟꤢꤩꤙꤢꤧ꤬ ꤠꤢ꤭ꤙꤢꤩ꤬ꤥ꤬ꤊꤟꤌꤣ꤭ ꤠꤢ꤭ꤞꤢꤧꤕꤜꤢꤪ꤬ꤊꤢꤨ꤭
ꤒꤢ꤬ꤡꤟꤢꤨ꤬ꤕꤚꤟꤢꤧ꤬ꤕꤢ꤭ ꤔꤟꤢꤧ꤬ꤗꤟꤥ꤬ꤔꤟꤤꤠꤢ꤭ꤟꤟꤢꤧ꤭? ꤠꤢ꤭ꤒꤢ꤬ꤔꤟꤢꤩ꤬. .
꤂꤯꤯ ꤋꤥ꤭ꤑꤛꤢ꤬ ꤔꤟꤢꤧ꤬ꤗꤛꤢꤓꤛꤢꤩ꤬ ꤢꤨ꤭ꤒꤝꤟꤥꤊꤜꤢꤪ꤭ꤔꤢꤠꤢ꤭
ꤔꤟꤢꤧ꤬ꤘꤛꤢ꤬ꤊꤛꤢ꤭ꤠꤢ꤭ ꤔꤟꤢꤧ꤬ꤓꤢꤩ꤬ꤡꤛꤣꤊꤛꤢ꤭ ꤠꤢ꤭ꤜꤟꤢꤩ
ꤒꤟꤢꤧ꤬ꤗꤟꤥ꤬ ꤘꤣ ꤔꤟꤢꤧ꤬ꤑꤢꤩ꤭ ꤔꤟꤢꤧ꤬ꤖꤛꤢꤩꤡꤛꤣ ꤜꤟꤢꤪ꤭ꤘꤢꤦ꤬
ꤒꤟꤢꤧ꤬ꤡꤛꤢꤩ꤭ꤒꤟꤢꤧ꤬ꤡꤟꤢꤦ꤬ ꤔꤟꤢꤧ꤬ꤘꤛꤢ꤬ꤊꤛꤢ꤭ꤘꤢꤦ꤬ꤠꤢ꤭
ꤒꤟꤢꤧ꤬ꤚꤤ꤬ꤒꤢ꤬ꤟꤢꤩ꤬ ꤏꤥ꤭ꤚꤛꤢ꤬ꤜꤢ꤭ꤟꤢꤪ ꤠꤢ꤭ꤞꤢꤧꤕꤜꤢꤪ꤬. .
ꤤ꤬ꤚꤥ꤭ꤋꤛꤢꤩ꤭꤮ ꤋꤥ꤭ꤗꤢꤪ꤬ꤗꤟꤌꤣ ꤔꤟꤢꤧ꤬ꤡꤛꤣꤥ꤬ꤒꤥ꤭ꤙꤤꤒꤢꤩ꤭?
ꤔꤟꤢꤧ꤬ꤡꤛꤣꤙꤤꤒꤢꤩ꤭ ꤊꤢ꤬ꤋꤛꤢꤩ꤭ꤞꤛꤢꤘꤣ ꤠꤢ꤭ꤥ꤬ꤋꤥ꤭ꤗꤟꤥ꤬. .
ꤔꤟꤢꤩ꤬ꤞꤛꤣ꤬ꤓꤛꤢ꤬ꤔꤟꤢꤧ꤬ ꤕꤝꤟꤥꤑꤢꤩ꤭ꤕꤝꤟꤥ꤭ꤚꤥ꤭ ꤗꤢ꤬ꤟꤢꤪꤘꤢꤦ꤬ꤠꤢ꤭. .
ꤠꤢ꤭ꤥ꤬ꤊꤛꤢ꤭ꤒꤢꤦꤒꤢ꤬ꤕꤚꤟꤢꤧ꤬ꤚꤢꤪ ꤏꤥ꤭ꤚꤛꤢ꤬ꤜꤢ꤭ꤟꤢꤪ ꤠꤢ꤭ꤞꤢꤧꤕꤜꤢꤪ꤬. .
ꤠꤢ꤭ꤒꤢ꤬ꤔꤟꤢꤩ꤬ ꤙꤢꤧ꤬ꤏꤢꤧ꤭ꤒꤢ꤬ꤖꤥꤚꤢꤪ ꤔꤟꤢꤧ꤬ꤔꤟꤤꤟꤥ꤭ ꤊꤢ꤬ꤋꤛꤢꤩ꤭ꤊꤟꤌꤣ꤭ꤠꤢ꤭ꤥ꤬. .
꤃꤯꤯ ꤋꤥ꤭ꤗꤟꤥ꤬ ꤜꤣꤙꤢ꤭ꤔꤟꤢꤧ꤬ꤑꤢꤩ꤭ꤒꤥ꤬ꤟꤟꤢꤧ꤭?
ꤠꤢ꤭ꤏꤢꤨ꤬ꤘꤛꤢ꤭ꤔꤟꤢꤧ꤬ ꤔꤟꤢꤧ꤬ꤟꤢꤩꤏꤥ꤬ꤊꤢ꤬ꤋꤛꤢꤩ꤭ꤠꤢ꤭ꤒꤥ꤬
ꤠꤢ꤭ꤗꤟꤢꤩ꤬ ꤜꤣꤙꤢ꤭ꤕꤟꤢꤩꤔꤟꤢꤧ꤬ꤑꤢꤩ꤭ꤒꤥ꤬
ꤔꤟꤢꤧ꤬ꤗꤟꤢꤩ꤬ꤏꤢꤩ꤭ꤊꤛꤢ꤭ꤘꤢꤦ꤬ꤠꤢ꤭ꤞꤢꤧꤕꤜꤢꤪ꤬
ꤔꤟꤢꤧ꤬ꤗꤟꤢꤩ꤬ꤏꤥ꤭ꤚꤛꤢ꤬ꤊꤛꤢ꤭ ꤛꤢꤩ꤭ꤒꤢ꤬ꤔꤛꤢꤩ꤭ꤋꤢꤧ꤭ ꤔꤟꤢꤧ꤬ꤓꤢꤩ꤬ꤡꤛꤣꤠꤢ꤭ꤜꤟꤢꤩ
No comments:
Post a Comment