ꤗꤟꤌꤣꤖꤢꤧ꤭ ꤒꤟꤢꤧ꤬ꤙꤝꤤ
ꤚꤢ꤭ : ꤋꤢꤨ꤭-ꤙꤢꤪ꤬ ꤚꤢꤧ꤬ ❨ ꤘꤢꤪ꤭ꤕꤜꤢꤪ꤬ꤊꤢꤨ꤭ ❩
ꤤ꤬ꤚꤥ꤭ : ꤋꤢꤨ꤭-ꤔꤛꤢ꤭ ꤚꤢꤧ꤬ ❨ ꤘꤢꤪ꤭ꤕꤜꤢꤪ꤬ꤊꤢꤨ꤭ ❩
꤁꤯꤯ ❨ ꤥ꤬ꤘꤣ ꤊꤟꤢꤩꤢ꤬ꤛꤛꤢꤩ꤬‚ ꤔꤟꤢꤩ꤬ꤞꤛꤣ꤬ꤊꤟꤢ꤬ ꤗꤟꤌꤣꤔꤢꤖꤢꤧ꤭
ꤗꤟꤢꤪꤟꤢꤩꤒꤢ꤬ꤜꤝꤟꤥ ꤗꤟꤢꤪꤜꤤ꤭ꤒꤢ꤬ꤕꤜꤢꤩ꤬
ꤊꤣ꤮ꤗꤟꤌꤣꤟꤣ. . ꤊꤣ꤮ꤖꤢꤧ꤭ꤟꤣ. . ꤠꤢ꤭ꤙꤝꤤꤘꤢꤦ꤬ꤟꤢꤪ ❩꤂
꤂꤯꤯ ꤔꤟꤢꤩ꤬ꤞꤛꤣ꤬ꤊꤟꤢ꤬ꤥ꤬ ꤗꤟꤌꤣꤖꤢꤧ꤭ꤐꤟꤥ꤬ꤢꤟꤌꤣ꤬
ꤗꤟꤢꤪꤟꤢꤩ ꤔꤢ ꤚꤥ꤭ ꤗꤟꤢꤪꤜꤤ꤭ ꤔꤢ ꤒꤢ꤬ꤗꤟꤢꤪ
ꤒꤢ꤬ꤋꤥ꤭ꤞꤢꤧ ꤗꤢꤧ꤬ꤞꤢꤧ꤬ ꤓꤛꤢꤩ꤭ꤜꤟꤛꤢ꤬ꤙꤢꤧ꤬
ꤒꤢ꤬ꤡꤟꤢꤨꤕꤚꤟꤢꤧ꤬ ꤗꤟꤌꤣꤖꤢꤧ꤭ ꤢ꤬ꤒꤟꤢꤧ꤬ꤗꤟꤥ꤬
ꤞꤢꤧꤑꤢꤩ꤭ꤙꤢꤧ꤬ꤟꤢꤪ ꤞꤢꤧꤔꤟꤢꤩꤙꤢꤧ꤬ꤟꤢꤪ
ꤏꤥ꤭ꤚꤟꤛꤢ꤬ꤖꤢꤨ ꤏꤥ꤭ꤖꤢꤖꤢꤨ ꤗꤟꤢꤠꤢ꤭ꤙꤝꤤ
꤃꤯꤯ ꤗꤟꤌꤣꤖꤢꤧ꤭ ꤤ꤬ꤞꤛꤥꤤ꤬ꤞꤛꤢ꤬ ꤢ꤬ꤋꤢꤧ꤭
ꤡꤟꤢꤨꤘꤢꤦ꤬ꤟꤢꤪ ꤠꤢ꤬ꤞꤢꤧꤕꤜꤢꤪ꤬ ꤜꤢꤩ꤭ꤓꤥ꤭ꤜꤢꤩ꤭ꤜꤟꤛꤢ꤬ ꤋꤥ꤭ꤗꤟꤥ꤬ ꤢ꤬ꤊꤜꤟꤢꤧ꤭
ꤒꤢ꤬ꤔꤟꤢꤩ꤬ꤓꤛꤢ꤬ꤙꤢꤧ꤬ ꤙꤤꤋꤥ꤭ꤑꤟꤢ ꤢ꤬ꤋꤢꤧ꤭ ꤞꤢꤧꤕꤜꤢꤧ꤭ꤘꤢꤦ꤬ꤜꤟꤢ꤬
ꤤ꤬ꤚꤥ꤭ꤋꤛꤢꤩ꤭꤮ ꤗꤟꤌꤣꤥ꤬ꤒꤥ꤬ ꤚꤢꤪ ꤏꤥ꤭ꤘꤥ꤭ꤋꤥ꤭ꤗꤟꤥ꤬
ꤔꤟꤤ ꤠꤢ꤭ꤖꤢꤧ꤭ꤟꤣ꤮ ꤞꤢꤧꤑꤢꤩ꤭ꤙꤢꤧ꤬ꤟꤢꤪ
ꤡꤛꤢꤩ꤭ꤋꤥ꤭ꤗꤟꤥ꤬ ꤓꤢꤨ꤬ꤞꤟꤌꤣ꤭ꤜꤟꤌꤣ꤬ ꤢꤧꤖꤢꤨ
ꤖꤢꤧ꤭ꤥ꤬ꤒꤥ꤬ꤚꤢꤪ ꤗꤢꤧ꤬ꤞꤢꤧ꤬ꤕꤢ꤬ꤒꤤ
ꤔꤟꤤ ꤠꤢ꤭ꤗꤟꤌꤣꤟꤣ꤮ ꤢꤨ꤭ꤗꤟꤢꤩ꤬ꤡꤟꤛꤢꤩ꤭ꤡꤟꤢꤦ꤬
ꤏꤥ꤭ꤚꤟꤛꤢ꤬ꤖꤢꤨ ꤏꤥ꤭ꤖꤢꤖꤢꤨ ꤗꤟꤢꤠꤢ꤭ꤙꤝꤤ
ꤕꤝꤟꤥ꤭ꤑꤢꤩ꤭ꤕꤝꤟꤥ꤭ꤞꤢꤧ꤭ ꤥ꤬ꤘꤢꤦ꤬ ꤔꤢ ꤒꤟꤢꤧ꤬ꤞꤢꤧꤕꤜꤢꤧ꤭
ꤏꤥ꤭ꤚꤟꤛꤢ꤬ꤖꤢꤨ ꤏꤥ꤭ꤖꤢꤖꤢꤨ ꤗꤟꤢꤠꤢ꤭ꤙꤝꤤ. .
No comments:
Post a Comment