Karenni Gospel Music Albums

Book Page #꤁꤆꤂ #162
( ꤕꤚꤟꤢꤧ꤬ꤐꤟꤢꤦꤢꤩ꤬ꤒꤟꤢꤧ꤬ꤖꤢꤨ ꤞꤢꤧꤊꤚꤟꤢꤦ꤭ ) 

( ꤓꤢꤨ꤬ꤞꤢꤧꤓꤛꤢ꤬ ꤃꤂:꤁꤁, ꤆꤈:꤃꤯ )

                       ꤞꤢꤧꤊꤚꤟꤢꤦ꤭ ꤘꤣ ꤛꤢꤩ꤬ꤏꤛꤢꤨꤊꤢꤨ꤭ 

          “Be Glad In The Lord And Rejoice”

꤁꤯꤯ ꤥ꤬ ꤘꤣ ꤋꤚꤤ ꤊꤢꤨ꤭ ꤚꤢꤪ ꤞꤢꤧ ꤊꤚꤟꤢꤦ꤭ ꤔꤤ,
      ꤊꤣ꤮ ꤕꤚꤟꤢꤧ꤬ꤡꤢꤪ ꤕꤚꤟꤢꤧ꤬ꤒꤟꤢꤩ꤬ ꤜꤟꤢꤪ꤭ ꤕꤜꤤ꤭ꤞꤤ꤭!
      ꤕꤟꤢꤧ꤬ ꤔꤝꤥ ꤛꤢꤩ꤬ꤏꤛꤢꤨ ꤓꤝꤟꤥ꤭ꤕꤟꤢꤧ꤬ꤒꤟꤢꤧ꤬ꤟꤢꤪ‚
      ꤒꤟꤢꤧ꤬ ꤞꤢꤧꤕꤜꤢꤧ꤭ ꤞꤢꤧꤐꤟꤢꤪ꤬ ꤓꤢꤩ꤬ꤊꤜꤛꤢ꤬ꤜꤟꤢꤪ꤭꤯

ꤤ꤬ꤚꤥ꤭ꤋꤛꤢꤩ꤭꤮ ꤞꤢꤧꤊꤚꤟꤢꤦ꤭ ❨ ꤘꤣ ꤋꤚꤤꤊꤢꤨ꤭ ❩ ꤞꤢꤧꤊꤚꤟꤢꤦ꤭ ❨ ꤞꤢꤧꤊꤚꤟꤢꤦ꤭ ❩
                    ꤞꤢꤧꤊꤚꤟꤢꤦ꤭ ꤘꤣ ꤋꤚꤤꤊꤢꤨ꤭ ꤚꤢꤪ ꤞꤢꤧꤊꤚꤟꤢꤦ꤭ ❨ ꤞꤢꤧꤊꤚꤟꤢꤦ꤭ ❩
                    ꤞꤢꤧꤊꤚꤟꤢꤦ꤭ ❨ ꤘꤣ ꤋꤚꤤꤊꤢꤨ꤭ ❩ ꤞꤢꤧꤊꤚꤟꤢꤦ꤭ ❨ ꤞꤢꤧꤊꤚꤟꤢꤦ꤭ ❩
                    ꤞꤢꤧꤊꤚꤟꤢꤦ꤭ ꤘꤣ ꤋꤚꤤꤊꤢꤨ꤭ ꤚꤢꤪ ꤞꤢꤧꤊꤚꤟꤢꤦ꤭꤯

꤂꤯꤯ ꤋꤚꤤꤗꤢ꤬ ꤟꤢꤩ꤬ ꤋꤢꤨ꤬ ꤗꤟꤢꤪ ꤋꤢꤨ꤬ ꤙꤛꤢ꤬ ꤡꤢꤧ꤬,
      ꤘꤢꤨ꤬ ꤓꤢꤨ꤭ ꤜꤣ ꤢꤨ꤭ ꤞꤢꤧ ꤊꤚꤟꤢꤦ꤭ ꤗꤢꤪ꤭ꤒꤢꤧ꤭‚
      ꤗꤟꤢꤩ꤬ꤒꤟꤢꤧ꤬‚ ꤕꤣꤒꤟꤢꤧ꤬ ꤔꤢ ꤢ꤬ꤍꤟꤥꤕꤚꤟꤥ꤬‚
      ꤗꤟꤢꤩ꤬ꤏꤤ꤭ꤕꤜꤢꤧꤕꤟꤢꤧ꤬ ꤔꤢ ꤢ꤬ꤟꤢꤧ꤭ꤏꤛꤥ꤬꤯

꤃꤯꤯ ꤒꤟꤢꤧ꤬ ꤚꤛꤢ ꤢ꤬ ꤑꤢꤩ꤭ ꤏꤢ ꤏꤛꤥ꤬ ꤏꤛꤥ꤬ ꤔꤤ,
      ꤋꤢꤨ꤬ ꤚꤢ꤬ ꤊꤟꤢꤦ ꤚꤟꤢꤩ ꤕꤢꤩ ꤟꤢꤪ ꤕꤟꤢꤧ꤬ꤔꤤ‚
      ꤡꤢꤪꤗꤢ꤬ꤚꤛꤢ꤬ ꤊꤜꤛꤢꤩ꤭ꤙꤢꤧꤗꤟꤢꤨ꤬ ꤥ꤬ꤔꤢꤕꤟꤢꤧ꤬‚
      ꤥ꤬ꤢꤧꤊꤜꤢꤪ꤭ ꤔꤢ ꤕꤚꤟꤢꤧ꤬ꤞꤢꤧꤓꤢꤩ꤬ꤕꤟꤢꤧ꤬꤯

꤄꤯꤯ ꤒꤟꤢꤧ꤬ ꤋꤤ ꤊꤤ꤬ ꤗꤟꤢꤩ꤬ ꤙꤤ ꤗꤟꤢꤪ ꤏꤢꤧ꤭ ꤊꤜꤢꤧ꤭,
      ꤊꤤ꤬ ꤕꤢꤩ ꤢꤩ꤬ ꤔꤟꤢꤧ꤬ ꤘꤣ ꤗꤟꤢꤪ ꤔꤟꤢꤩ꤬ꤋꤢꤧ꤭‚
      ꤞꤢꤧꤏꤢꤩ꤭ꤒꤢꤧ꤭ ꤋꤢꤨ꤬ꤚꤢ꤬ ꤢ꤬ꤜꤟꤢꤩꤗꤟꤢꤩ‚
      ꤐꤟꤢꤦꤓꤢꤨ꤮ ꤔꤟꤢꤧ꤬ꤗꤟꤢꤩ꤬ꤕꤢꤩ ꤒꤟꤢꤧ꤬ꤞꤢꤧꤏꤢꤩ꤭꤯

꤅꤯꤯ ꤞꤢꤧ ꤊꤚꤟꤢꤦ꤭ ꤘꤣ ꤋꤚꤤ ꤊꤢꤨ꤭ ꤚꤢꤪ ꤞꤢꤧ ꤊꤚꤟꤢꤦ꤭‚
      ꤤ꤬ ꤚꤥ꤭ ꤓꤢꤨ꤬ ꤞꤢꤧ ꤒꤢ꤬ ꤞꤢꤦ꤭ ꤒꤢ꤬ꤜꤢꤦ꤭‚
      ꤘꤢꤪ꤬ꤒꤤ꤬ ꤓꤢꤨ꤬ꤞꤢꤧ ꤢ꤬ꤗꤝꤟꤤ꤬ꤕꤚꤟꤥ꤬ꤕꤚꤟꤛꤢ꤭‚
      ꤤ꤬ꤚꤥ꤭ ꤕꤚꤟꤢ꤬ꤏꤛꤥ꤬ ꤟꤢꤜꤢꤩ꤬ꤜꤢꤨꤛꤢ꤬꤯