Book Page #꤂꤈꤃ #283
❨ ꤔꤥ꤬ꤕꤟꤢ꤭ ꤒꤣ꤬ꤓꤢꤦ꤭ ꤢ꤬ꤑꤢꤩ꤭ ꤗꤟꤢꤪꤑꤢꤩ꤭ ꤡꤤ꤬ꤚꤛꤢ꤬ ❩
❨ ꤁ ꤞꤢꤩ꤬ꤎꤢ꤬ꤜꤢ꤬ꤔꤤ ꤄:꤁꤃, ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤇:꤅꤉-꤆꤀꤯ ❩
❨ ꤁ ꤞꤢꤩ꤬ꤎꤢ꤬ꤜꤢ꤬ꤔꤤ ꤄:꤁꤃, ꤕꤚꤟꤢꤧ꤬ꤘꤣ꤬ꤑꤢ꤭ꤖꤢꤨ ꤇:꤅꤉-꤆꤀꤯ ❩
ꤞꤛꤢꤩ꤭ ꤘꤣ ꤛꤢꤩ꤬ꤏꤛꤢꤨ ꤢ꤬ꤊꤢꤨ꤭
Asleep In Jesus! Blessed Sleep
꤁꤯ ꤥ꤬ꤗꤛꤢꤩ꤭ꤋꤚꤤꤊꤢꤨ꤭ ꤢ꤬ꤚꤛꤢ ꤢ꤬ꤗꤟꤥ꤬,
ꤞꤢꤧꤔꤟꤢꤩꤓꤛꤢ꤬ ꤕꤟꤢꤨ꤭ꤍꤟꤌꤣ ꤕꤟꤢ꤭ꤒꤥ꤬,
ꤜꤟꤢꤩ ꤥ꤬ꤊꤟꤌꤣ ꤊꤜꤟꤢꤪ꤬ꤗꤢ꤬ ꤘꤣ ꤢ꤬ꤗꤟꤥ꤬,
ꤒꤟꤢꤧ꤬ꤞꤛꤢꤩ꤭ ꤗꤟꤢꤩ꤬ꤕꤛꤢꤩ ꤗꤟꤢꤩ꤬ꤊꤛꤢ꤭ ꤡꤟꤛꤢꤒꤥ꤬꤯
꤂꤯ ꤥ꤬ꤗꤛꤢꤩ꤭ ꤘꤣ ꤋꤚꤤꤊꤢꤨ꤭ ꤒꤥ꤭ꤞꤢꤧꤕꤜꤢꤪ꤬,
ꤊꤢꤪ꤬ꤠꤢ꤭ꤒꤥ꤬ ꤗꤢ꤬ꤔꤢ ꤋꤚꤤꤘꤛꤢ꤬ꤊꤢꤪ꤬,
ꤠꤢ꤭ꤊꤟꤢꤦ ꤤ꤬ꤚꤥ꤭ ꤢꤧꤓꤥ꤭ꤔꤛꤢ꤭ꤟꤢꤪ,
ꤒꤟꤢꤧ꤬ꤞꤛꤢꤩ꤭ ꤢ꤬ꤏꤛꤥ꤬ꤏꤢꤪ꤭ ꤜꤢ꤬ꤡꤟꤢꤨꤜꤟꤢꤪ꤭꤯
꤃꤯ ꤥ꤬ꤗꤛꤢꤩ꤭ ꤘꤣ ꤋꤚꤤꤊꤢꤨ꤭ ꤒꤟꤢꤧ꤬ꤗꤛꤢꤩ꤭ꤛꤢꤩ꤭,
ꤢ꤬ꤊꤟꤢꤦ ꤓꤝꤟꤥ꤭ꤓꤛꤢ꤬ ꤕꤟꤢꤩꤘꤢꤦ꤬ ꤠꤢ꤭ꤑꤢꤩ꤭,
ꤠꤢ꤭ꤔꤟꤢꤩꤊꤜꤢꤪ ꤥ꤬ꤗꤛꤢꤩ꤭ ꤖꤢꤨꤔꤛꤣ꤬ꤕꤟꤢ꤭,
ꤒꤟꤌꤣ ꤘꤣ ꤋꤚꤤꤊꤟꤢꤦ ꤟꤛꤢ꤭ ꤢꤧꤊꤟꤢ꤬ꤠꤢ꤭꤯
꤄꤯ ꤙꤤ ꤠꤢ꤭ꤥ꤬ꤗꤛꤢꤩ꤭ ꤘꤣ ꤋꤚꤤꤊꤢꤨ꤬ꤕꤟꤢ꤭,
ꤠꤢ꤭ꤊꤟꤢꤦ ꤥ꤬ꤐꤛꤢꤩ꤬ ꤔꤢ ꤠꤢ꤭ꤊꤜꤝꤤ꤭ꤜꤛꤢ꤭‚
ꤗꤢ꤬ꤔꤢ ꤒꤟꤢꤧ꤬ꤥ꤬ꤗꤛꤢꤩ꤭ ꤘꤣ ꤢ꤬ꤚꤛꤢ,
ꤢꤨ꤭ꤍꤟꤌꤣ꤭ꤒꤥ꤬ ꤏꤛꤢꤩ꤮ ꤞꤢꤧꤔꤟꤢꤩꤓꤛꤢ꤬ ꤕꤟꤢ꤭꤯
No comments:
Post a Comment