Book Page #꤂꤅꤀ #250
❨ ꤙꤢꤪꤞꤛꤥ ꤔꤢ ꤙꤛꤢ꤬ꤡꤢꤧ꤬ ❩
❨ ꤒꤤꤖꤢꤧꤟꤢꤩꤙꤢꤧ꤬ ꤁꤈:꤂꤄ ❩
ꤋꤥ꤭ꤙꤢꤪꤞꤛꤥ ꤗꤟꤥ꤬ꤜꤣ ꤗꤢ꤬ ꤛꤢꤩ꤬ꤏꤛꤢꤨ
What A Friend We Have In Jesus
What A Friend We Have In Jesus
ꤋꤥ꤭ꤙꤢꤪꤞꤛꤥ ꤗꤟꤥ꤬ꤜꤣꤗꤢ꤬ ꤛꤢꤩ꤬ꤏꤛꤢꤨ‚ ꤋꤛꤢꤕꤟꤢꤩ ꤜꤟꤢꤪ꤭ꤟꤢꤪ ꤕꤟꤢꤧ꤬ꤒꤟꤢꤧ꤬ꤞꤢꤦ‚
ꤜꤟꤢꤪ꤭꤮ ꤠꤢ꤭ꤒꤥ꤭ꤟꤢꤩꤜꤟꤌꤣ꤭ ꤢꤧ꤬ꤒꤢ꤬ꤟꤢꤩ꤬‚ ꤡꤢꤪꤙꤢꤧ꤭ ꤚꤢꤪ ꤟꤢꤩꤜꤟꤌꤣ꤭ꤊꤚꤟꤢꤦ꤭ꤊꤚꤟꤢꤦ꤭꤯
ꤕꤟꤢꤧ꤬ꤞꤢꤧꤕꤜꤢꤪ꤬ꤊꤟꤢꤨ ꤒꤢ꤬ꤗꤥ꤭ꤗꤥ꤭ꤡꤢꤪ‚ ꤋꤛꤢꤙꤢꤧ꤬ꤘꤢꤦ꤬ ꤒꤟꤢꤧ꤬ꤡꤟꤛꤢꤩ꤭ꤒꤟꤢꤧ꤬ꤡꤢꤦ꤬‚
ꤕꤟꤢꤧ꤬ꤋꤛꤢꤙꤢꤧ ꤒꤟꤢꤧ꤬ꤡꤟꤛꤢꤩ꤭ꤒꤥ꤬ ꤒꤢ꤬ꤟꤢꤩ꤬‚ ꤊꤚꤟꤢꤦ꤭ ꤊꤝꤤ꤭ꤡꤢꤪꤙꤢꤧ꤭ ꤜꤢ꤬ꤟꤛꤢ꤬ꤒꤟꤢꤧ꤬꤯
ꤏꤤꤒꤣ꤬ꤙꤢꤧ꤬ ꤒꤟꤢꤧ꤬ꤡꤟꤛꤢꤩ꤭ꤒꤟꤢꤧ꤬ꤡꤢꤦ꤬ꤟꤟꤢꤧ꤭‚ ꤒꤟꤢꤧ꤬ꤕꤛꤢꤒꤟꤢꤧ꤬ꤏꤢꤧ꤭ ꤙꤢꤧ꤬ꤔꤟꤢꤧ꤬ꤟꤟꤢꤧ꤭‚
ꤕꤟꤢꤧ꤬ꤙꤢꤧ꤬ꤒꤥ꤭ ꤞꤢꤧꤕꤜꤢꤪ꤬ꤕꤛꤢꤩ ꤔꤟꤤꤒꤥ꤬‚ ꤟꤢꤩꤜꤟꤌꤣ꤭ ꤔꤢ ꤒꤟꤢꤧ꤬ꤊꤝꤤ꤭ꤡꤢꤪꤙꤢꤧ꤬꤯
ꤋꤥ꤭ꤙꤢꤪꤞꤛꤥ ꤗꤟꤥ꤬ꤘꤣ ꤟꤢꤩ꤬ꤋꤢꤨ꤬ꤛꤢꤩ꤭‚ ꤗꤛꤢꤓꤛꤢꤩ꤭ꤒꤥ꤬ ꤚꤛꤢꤞꤛꤢꤔꤢꤢꤧ꤬‚
ꤛꤢꤩ꤬ꤏꤛꤢꤨ ꤞꤢꤧꤑꤢꤩ꤭ꤕꤟꤢꤧ꤬ ꤟꤢꤧ꤭ꤚꤢꤩ꤬ꤡꤟꤢꤧ‚ ꤊꤝꤤ꤭ꤡꤢꤪꤙꤢꤧ꤭ ꤚꤢꤪ ꤟꤢꤩꤜꤟꤌꤣ꤭ꤢꤧ꤬꤯
ꤔꤟꤢꤧ꤬ꤠꤟꤤ ꤔꤟꤢꤧ꤬ꤐꤟꤢꤓꤌꤣ꤬ ꤔꤛꤢ꤬ꤡꤢꤪꤟꤟꤢꤧ꤭‚ ꤟꤢꤧ꤭ꤡꤟꤢꤧ ꤜꤢ꤬ꤘꤛꤢ ꤜꤢ꤬ꤘꤢ꤭ꤟꤟꤢꤧ꤭‚
ꤛꤢꤩ꤬ꤏꤛꤢꤨ ꤢꤧꤟꤛꤢ꤭ ꤕꤟꤢꤧ꤬ꤘꤣ ꤢ꤬ꤥ꤬‚ ꤟꤢꤩꤜꤟꤌꤣ꤭ ꤔꤢ ꤒꤟꤢꤧ꤬ꤊꤝꤤ꤭ꤡꤢꤪꤙꤢꤧ꤭꤯
ꤔꤟꤢꤧ꤬ꤋꤥ꤭ꤙꤢꤪꤞꤛꤥ ꤠꤟꤤ꤭ꤊꤛꤢ꤭ꤔꤟꤢꤧ꤬ꤟꤟꤢꤧ꤭‚ ꤟꤢꤩꤢꤧ꤬ ꤔꤢ ꤒꤟꤢꤧ꤬ꤊꤝꤤ꤭ꤡꤢꤪꤙꤢꤧ꤭‚
ꤢ꤬ꤒꤢ꤬ꤋꤢꤨ꤬ꤒꤢ꤬ꤊꤢꤧ꤬ ꤙꤤꤔꤟꤤꤔꤟꤢꤧ꤬‚ ꤗꤟꤢꤩ꤬ꤗꤟꤥ꤬ꤓꤛꤢ꤬ ꤋꤛꤢꤩ꤭ꤘꤢꤦ꤬ ꤔꤟꤢꤧ꤬ꤞꤢꤧ꤯
No comments:
Post a Comment