Book Page #꤆꤀ #60 ( ꤛꤢꤩ꤬ꤏꤛꤢꤨ ꤋꤛꤢꤒꤟꤢꤧ꤬ )
( ꤟꤤꤙꤚꤢꤨ ꤁꤂:꤂-꤃, ꤊꤢ꤬ꤜꤢ꤬ꤒꤤ ꤃:꤁, ꤁ ꤕꤢꤩ꤬ꤒꤢ꤬ꤚꤢꤨ ꤄:꤁-꤃꤯ )
ꤟꤤ꤬ꤓꤢꤦ꤬ ꤊꤚꤟꤢ꤭ ꤒꤢ꤬ꤕꤚꤟꤢꤨ ꤒꤣ꤬ꤙꤥ꤭
The Old Rugged Cross
꤁꤯ ꤏꤥ꤬ ꤕꤜꤢꤨ ꤜꤟꤥ꤬ ꤔꤛꤣ꤬ ꤟꤤ꤬ ꤓꤢꤦ꤬ ꤊꤚꤟꤢ꤭ ꤒꤢ꤬ ꤕꤚꤟꤢꤨ ꤥ꤬ ꤒꤣ꤬ ꤙꤥ꤭‚
ꤘꤛꤢꤩ ꤜꤟꤌꤣ꤭ ꤒꤟꤢꤧ꤬ꤡꤟꤛꤢꤩ꤭ ꤔꤢ ꤒꤟꤢꤧ꤬ ꤞꤢꤧ ꤒꤢ꤬ ꤚꤟꤢꤧ꤭꤯
ꤕꤚꤟꤢꤧ꤬ꤜꤟꤢꤨ꤬ ꤒꤟꤢꤧ꤬ ꤞꤢꤦ ꤋꤢꤨ꤬ ꤋꤛꤢꤩ꤭ ꤗꤟꤢꤦ꤭ ꤓꤛꤢ꤬ ꤜꤢꤨ꤭ꤟꤤ꤬ ꤓꤢꤦ꤬ ꤜꤟꤥ꤬‚
ꤠꤢ꤭ ꤗꤟꤥ꤬ ꤜꤣ ꤟꤢꤪ ꤋꤚꤤ ꤟꤤ꤬ ꤓꤢꤦ꤬ ꤘꤤ ꤊꤢꤧ꤬꤯
ꤤ꤬ꤚꤥ꤭ꤋꤛꤢꤩ꤭꤮ ꤖꤢꤨꤔꤛꤣ꤬ ꤚꤢꤪ ꤠꤢ꤭ꤗꤟꤥ꤬ꤜꤣ ꤋꤚꤤꤟꤤ꤬ꤓꤢꤦ꤬‚ ꤗꤟꤥ꤬ꤜꤣ ꤋꤚꤤꤟꤤ꤬ꤓꤢꤦ꤬
ꤗꤟꤥ꤬ ꤒꤟꤌꤣ ꤘꤣ ꤠꤢ꤭ ꤗꤟꤢꤩ꤬ ꤔꤟꤤ ꤒꤟꤢꤧ꤬ ꤋꤝꤥ ꤊꤢꤧ꤬‚
ꤠꤢ꤭ ꤕꤟꤢꤦ ꤗꤢ꤬ ꤒꤢ꤬ꤘꤢꤦ꤬ ꤟꤤ꤬ꤓꤢꤦ꤬ꤘꤤ꤭ ꤊꤢꤧ꤬‚ ꤒꤢ꤬ꤘꤢꤦ꤬ ꤟꤤ꤬ꤓꤢꤦ꤬ꤘꤤ꤭ ꤊꤢꤧ꤬
ꤒꤣ꤬ꤑꤢꤩ꤭ꤕꤟꤢ꤭ ꤓꤢꤨ꤬ꤜꤟꤛꤢ꤬ ꤔꤢ ꤋꤢꤨ꤬ꤊꤜꤝꤥ꤭ ꤓꤢꤧ꤭꤯
꤂꤯ ꤟꤢꤩ꤬ ꤋꤢꤨ꤬ ꤖꤢꤨ ꤞꤢꤧ ꤒꤢ꤬ ꤋꤥ꤭ ꤟꤤ꤬ ꤓꤢꤦ꤬ ꤊꤚꤟꤢ꤭ ꤒꤢ꤬ ꤕꤚꤟꤢꤨ ꤛꤢꤩ꤭‚
ꤠꤢ꤭ ꤑꤢꤩ꤭ ꤚꤢꤪ ꤜꤣ ꤙꤢ꤭ ꤔꤢ ꤒꤢ꤬ꤚꤛꤢꤩ꤭ ꤏꤛꤥ꤬ ꤏꤢꤪ꤭꤯
ꤘꤛꤢ꤬ ꤊꤛꤢ꤭ ꤢ꤬ ꤋꤢ꤭ ꤜꤟꤢꤩ ꤗꤟꤥ꤬ ꤟꤛꤢ꤭ ꤋꤛꤢ ꤡꤟꤛꤢꤩ꤭ ꤘꤣ ꤠꤢ꤭ ꤑꤢꤩ꤭‚
ꤋꤛꤢ ꤞꤛꤢꤩ꤭ ꤊꤢ꤬ ꤚꤢ꤬ ꤔꤤ꤬ ꤏꤥ꤬ ꤕꤜꤢꤨ ꤜꤟꤥ꤬ ꤟꤢꤪ꤯
꤃꤯ ꤟꤤ꤬ ꤓꤢꤦ꤬ ꤘꤣ ꤒꤢ꤬ ꤕꤚꤟꤥ ꤗꤢꤨ꤭ ꤗꤟꤛꤢ ꤠꤟꤤ ꤔꤢ ꤞꤝꤤ꤬ ꤗꤟꤥ꤭ ꤕꤜꤤ꤭‚
ꤢ꤬ ꤒꤝꤟꤥ ꤒꤢ꤬ ꤊꤜꤤ ꤋꤥ ꤋꤛꤢꤩ꤬ ꤘꤣ ꤠꤢ꤭ ꤑꤢꤩ꤭꤯
ꤞꤛꤢ ꤖꤢꤨ ꤡꤢꤪꤗꤢ꤬ꤚꤛꤢ꤬ ꤕꤜꤝꤥ꤭ꤊꤛꤢ꤭ ꤕꤚꤟꤢꤧ꤬ꤜꤟꤢꤨ꤬ ꤒꤟꤢꤧ꤬ ꤞꤢꤦ ꤜꤟꤢꤪ꤭꤮ ꤕꤜꤤ꤭‚
ꤘꤣ ꤟꤤ꤬ ꤓꤢꤦ꤬ ꤜꤟꤥ꤬ ꤛꤢꤩ꤬ꤏꤛꤢꤨ ꤟꤛꤢ꤭ ꤋꤛꤢ ꤞꤛꤢꤩ꤭꤯
꤄꤯ ꤠꤢ꤭ ꤊꤟꤢꤦ ꤡꤢꤪ ꤔꤢ ꤙꤛꤢ꤬ ꤡꤢꤧ꤬ ꤢꤨ꤭ ꤕꤢ꤬ ꤡꤟꤛꤢꤩ꤭ ꤞꤢꤧ ꤕꤚꤟꤥ꤭ ꤢꤧ꤬‚
ꤘꤣ꤬ ꤢꤨ꤭ꤑꤢꤩ꤭ ꤞꤢꤧ ꤊꤚꤟꤢꤦ꤭ ꤊꤝꤤ꤭ ꤡꤢꤪ ꤙꤢꤧ꤭ꤕꤢ꤭꤯
ꤞꤛꤢ ꤖꤢꤨ ꤊꤟꤢ꤬ ꤥ꤬ ꤔꤟꤤ ꤊꤟꤌꤣ꤭ ꤟꤤ꤬ ꤗꤟꤢꤪꤋꤢꤨ꤬ ꤒꤣ꤬ ꤡꤟꤢꤨ ꤕꤚꤟꤢꤧ꤬,
ꤒꤣ꤬ ꤑꤢꤩ꤭ ꤕꤟꤢ꤭ ꤢ꤬ ꤟꤛꤢ꤭ ꤜꤟꤛꤢ꤬ ꤢꤧ ꤊꤟꤢ꤬ ꤠꤢ꤭꤯
No comments:
Post a Comment